Հայաստանի ազգային գրապալատի մուտքը

Գրատան շուրջ կրքերը թեժանում են. Փակ շուկայի պատմությունը կրկնվո՞ւմ է

162
(Թարմացված է 19:54 23.12.2019)
Հայաստանի ազգային գրապալատը կառավարության որոշմամբ վերակառուցվում է։ Ակտիվիստները պահանջում են անհապաղ դադարեցնել շինարարական աշխատանքները, իշխանությունն էլ պնդում է` կտրուկ քայլերն ու պոպուլիզմն այս հարցում տեղին չեն։ 

ԵՐԵՎԱՆ, 23 դեկտեմբերի – Sputnik, Ժաննա Պողոսյան. Երևանում ոչ թե մեկ կամ երկու, այլ երեք Քոչարի փողոց կա։ Տաքսիստները, բրոքերներն ու սովորական քաղաքացիները հաճախ շփոթում են Հրաչյա, Երվանդ ու Գևորգ Քոչարների փողոցները։

Սակայն այդ փողոցներից յուրաքանչյուրն ունի իր յուրահատուկ կողմնորոշիչները, որոնք թույլ են տալիս տարբերել մեկը մյուսից։ Գևորգ Քոչարի յուրահատկությունն է համարվում Հայաստանի ազգային գրապալատի շենքը, թեև այն արդեն ավելի քան 30 տարի է` ոչ մի կապ չունի գրքերի հետ, և այդ քանդված շենքը դժվար է պալատ անվանել։ Սակայն, դատելով կրքերի թեժությունից, որոնք առաջացել են շենքի վերակառուցման պատճառով, այն շարունակում է «ազգային» մնալ։ Այս դեկտեմբերի իրադարձությունները դրա վառ ապացույցն են։

Вход в предоставленное помещение для гос.театра пантомимы
© Sputnik / Karine Harutyunyan
Հայաստանի ազգային գրապալատի մուտքը

Ամեն ինչ սկսվեց այն բանից հետո, երբ Հայաստանի կառավարությունը որոշեց շենքի երրորդ հարկը տրամադրել Երևանի մնջախաղի թատրոնին։ Հենց նույն օրը շենքը սկսեցին վերակառուցել` թատրոնի կարիքներին հնարավորինս շատ հարմարեցնելու համար։ Մասնավորապես, ըստ նախագծի, առաստաղի մի մասը պետք է բարձրացվի 1,5 մետրով, որ հետո հնարավոր լինի թատերական բեմ տեղադրել։ Այդ նպատակով բյուջեից մոտ 200 միլիոն դրամ է տրամադրվել։

Ремонт в предоставленном помещении для гос.театра пантомимы
© Sputnik / Karine Harutyunyan
Հայաստանի ազգային գրապալատը վերակառուցվում է

Շինարարությունն առաջացրել է հանրության որոշ ներկայացուցիչների վրդովմունքը, ու նրանք սկսել են պաշտպանել (ինչպես իրենք են կարծում) «պատմամշակութային հուշարձանը»։ Թեև Գևորգ Քոչարի №21 շենքը Երևանի հուշարձանների ցանկում նշված չէ։ Ակտիվիստներն առցանց ստորագրահավաք են նախաձեռնել շենքի վերակառուցման դեմ։ 628 մարդ արդեն ստորագրել է այն։

«Մեզ պարզապես դուր չի գալիս լրացուցիչ հարկ կառուցելու գաղափարը։ Այդ նախագիծը ճարտարապետության տեսակետից անգրագետ է։ Իրավիճակը հիշեցնում է 2013 թվականին Փակ շուկայի փրկության պահպանմանն ուղղված պայքարը։ Ներկայիս իշխանությունը նախորդների պես ասում է, որ շինարարական աշխատանքներն ուղղված են շենքի հիմքի ամրապնդմանը։ Ինքներդ եք տեսնում` Փակ շուկան ինչ եղավ։ Նախորդ ու հեղափոխական իշխանությունների միջև պետք է տարբերություն լինի, չէ՞»,– ասաց «Փրկենք տպարանի շենքը» ֆեյսբուքյան նախաձեռնության հեղինակներից մեկը` ՀՀ կադաստրի պետական կոմիտեի նախկին նախագահ Սարհատ Պետրոսյանը։

Ինչպես հայտնի է` նախկին Փակ շուկայի ճակատային հատվածը պահպանվել է, բայց ներսում սուպերմարկետ է գործում։ Ակտիվիստների կարծիքով` ներսի հատվածի վերակառուցման պատճառով այն կորցրել է իր պատմական նշանակությունը։

Ремонт в предоставленном помещении для гос.театра пантомимы
© Sputnik / Karine Harutyunyan
Հայաստանի ազգային գրապալատը վերակառուցվում է

«Ի դեպ, հենց սրանում է երկու շենքերի հիմնական տարբերությունը։ Փակ շուկայի դեպքում ակտիվիստները պայքարում էին շենքի ներքին հարդարանքի պահպանման համար, իսկ գրապալատի ներսը ժամանակի ընթացքում քանդվել է։ Այսինքն` մենք դեմ չենք, որ ներսում վերանորոգում լինի, մենք դեմ ենք, որ նոր հարկ կառուցվի»,–պարզաբանեց Պետրոսյանը։

Ремонт в предоставленном помещении для гос.театра пантомимы
© Sputnik / Karine Harutyunyan
Հայաստանի ազգային գրապալատում շինարարական աշխատանքներ են կատարվում

Ակտիվիստների դիրքորոշմանն արձագանքել է ՀՀ կրթության, գիտության, մշակույթի և սպորտի նախարարի տեղակալ Արա Խզմալյանը, նշելով, որ «կտրուկ քայլերն ու պոպուլիզմն այս հարցում անտեղի են»։ Նա առաջարկել է հանդիպում կազմակերպել դժգոհ քաղաքացիների հետ։

Լռության կեսդար. Երևանի մնջախաղի թատրոնը նոր շունչ է ստացել

Դեկտեմբերի 21–ին ակտիվիստների հետ հանդիպման ժամանակ փոխնախարարն առաջարկել էր դադարեցնել շինարարական աշխատանքներն ու նոր նախագիծ կազմելու մրցույթ հայտարարել։ Նախարարությունը հավանություն էր տվել մրցույթ անցկացնելու գաղափարին, բայց շինարակական աշխատանքները մինչ այժմ շարունակվում են։

«Բոլորս արդեն հոգնել ենք փողոցում ակցիաներ անցկացնելուց, մի խնդրից մյուսին անցնելուց։ Մենք նախարարությանն առաջարկել ենք մասնագետներից կազմված հանձնաժողով ձևավորել, որի հետ կարելի կլինի քննարկել այդ հարցերը։ Չարժե համազգային հանրաքվեներ կազմակերպել նման հարցերով, սակայն հաճախ պաշտոնյաներն իրենց գրասենյակներում կայացնում են որոշումներ, որոնք իրականության հետ քիչ կապ ունեն», – ասաց «Փրկենք տպարանի շենքը» ֆեյսբուքյան նախաձեռնության հեղինակներից Իզաբելլա Սարգսյանը։

Ֆորսմաժորային իրավիճակ ստեղծվեց, պլանը փոխվեց. Մնջախաղի թատրոնի շենքի հարցը ձգձգվում է

Ակտիվիստներից ու հանրությունից բացի, կա նաև «հակամարտության» երրորդ կողմը` Երևանի մնջախաղի թատրոնը։ Դեկտեմբերի 19–ին լրագրողների հետ հանդիպման ժամանակ թատրոնի գեղարվեստական ղեկավար Ժիրայր Դադասյանը նշել էր, որ նրանք 36 տարի պայքարում էին թատրոնի համար տարածք ստանալու համար, ու հիմա, երբ խնդիրը վերջնապես լուծվել է, նրանք պաշտպանելու են այդ շուկայում աշխատելու` իրենց իրավունքը։

Художественный руководитель гос.театра пантомимы Жирайр Дадасян в предоставленном театру помещении (12 декабря 2019). Еревaн
© Sputnik / Karine Harutyunyan
Մնջախաղի թատրոնի գեղարվեստական ղեկավար Ժիրայր Դադասյանը

Ազգային գրատան շենքը կառուցվել է 1935 թվականին ճարտարապետներ Միքայել Մազմանյանի ու Հովհաննես Մարգարյանի նախագծով։ Շենքը մի քանի սեփականատեր ունի։ Բացի այդ, շենքի տարածքները վարձակալության են տրվում տարբեր ընկերությունների։

162
թեգերը:
ակտիվիստ, Բողոքի ակցիա, ստորագրահավաք, Հայաստանի ազգային գրապալատ, շինարարություն, շենք, Թատրոն, մնջախաղ, Հայաստան
Ըստ թեմայի
Լռության կեսդար. Երևանի մնջախաղի թատրոնը նոր շունչ է ստացել
Դադասյան. «Տանիք չունենալով՝ մենք կարողացել ենք անել մնջախաղի միջազգային փառատոն»
Եթե Մնջախաղի թատրոնը դուրս գա պետական հոգածությունից, նույն օրը կփակվի. Դադասյան
Հին տաշտակի առաջ. ՊՆ–ն հրաժարվեց Մոսկովյան 5–ի տարածքը տրամադրել Մնջախաղի թատրոնին
Երևան

Լույս չի լինի Երևանի և 2 մարզի որոշ հատվածներում

15
(Թարմացված է 09:48 13.08.2020)
Հանրապետության տարածքում հոսանքազրկումները կատարվում են պլանային նորոգման աշխատանքներ իրականացնելու նպատակով։

ԵՐԵՎԱՆ, 13 օգոստոսի — Sputnik. «Հայաստանի էլեկտրական ցանցեր» ընկերությունը տեղեկացնում է, որ օգոստոսի 13-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևանում՝

10:00-16:00 Գարեգին Նժդեհ փ․27/2 շենք, 11:00-17:00 Աբովյան փ 41, Հերացու փ. 10-16 շենքերը, Այգեստան 7փ. 1-18; 11փ. 11-61 սեփական տներ, Վարդանանց փ. 93-127 սեփական տներ, Ալեք Մանուկյան փ. 10, 15, 15ա, 17 շենքեր, Հ․ Շահինյան 1փ. 2, 11, 12 սեփական տներ, Մաշտոցի պող. 42, 42ա շենքեր, Թումանյան փ. 25, 27ա, 29 շենքեր, Կողբացի փ. 83, Սարյան փ. 29, 31, 40 շենքեր, Վարդանանց փ. 10 շենք և հարակից ոչ բնակիչ-բաժանորդներ, Քոչար փ. 16, Ռայնիսի փ. 88, 90, Բաբայան փ. 36, 38 շենքեր, Կիևյան փ. 2բ, Բաղրամյան պող. 23, 66 շենքեր,Ա.Ավետիսյան փ. 25 շենք, Սունդուկյան փ. 7 շենք 1 մուտք, Արղության փողոցի սեփական տներ և հարակից ոչ բնակիչ-բաժանորդներ, Քանաքեռ 9, 10 փողոցների սեփական տներ և հարակից ոչ բնակիչ-բաժանորդներ, Մանթաշյան փ․4/2, 6, 8, 10, 10ա, 12 շենքեր, Մանթաշյան փողոցի 1-ին նրբանցքի սեփական տներ, Արշակունյաց պող․30, 32 շենքեր, Լազոյի փ․6 շենք, Լազոյի փողոցի և նրբանցքի սեփական տներ,

«Արգո» ՍՊԸ, Ձիասպորտի կենտրոն, «Ծատուրյան» ԱՁ, «Հայր և որդի Կարապետյաններ» ՍՊԸ և հարակից ոչ բնակիչ-բաժանորդներ, Մարգարյան փ. 12 շենք, Դավթաշեն 2 թաղ. 46/4 շենք; 3 թաղ. 7Ա շենք, Շիրազի փ. 36 շենք, Նազարբեկյան փ. 3/1 շենք և հարակից ոչ բնակիչ-բաժանորդներ, Նոր-Արեշ 1փ. 69-183; 2փ. 1-14; 7փ. 1-10; 24փ. 1-40 սեփական տներ և հարակից ոչ բնակիչ-բաժանորդներ, Նոր-Նորքի 2-րդ զանգ.՝ Թոթովենցի փ. 14, Ն․ Ստեփանյան փ. 13 շենքեր, Նոր-Նորքի 3-րդ զանգ.՝ Բաղյան 2-րդ նրբ․ 3 շենք, «Սուրբ Գրիգոր Լուսավորիչ» բժշկական կենտրոնի ծննդատան շենք, «Սուրբ Գրիգոր Լուսավորիչ» պոլիկլինիկայի շենք, Գյուրջյան փ. 8՝ «Նորք» ՇՇ շենք և հարակից ոչ բնակիչ-բաժանորդներ, Նոր-Նորքի 4-րդ զանգ.՝ Գյուլիքևխյան փ․ 1 շենք, Նոր-Նորքի 6-րդ զանգ.՝ Շոպրոնի փ․ 4, 12 շենքեր, Նոր-Նորքի 7-րդ զանգ.՝ Կարախանյան փ. 18 շենք, Նոր-Նորքի 8-րդ զանգ.՝ Մինսկի փ. 5 շենք, Նոր-Նորքի 9-րդ զանգ.՝ Վիլնյուսի փ. 87 շենք, Ավան՝ Թումանյան թաղ․ 13/3 շենք, Ավան Առինջ 1-ին միկրո.՝ 3/9 շենք, Ավան Առինջ 2-րդ միկրո.՝ Տաշքենդի փ. 26 (2/8) շենք և հարակից ոչ բնակիչ-բաժանորդներ,

Արագածոտնի մարզում՝

10:00-14:00 Աշտարակ քաղաքի Մուղնի թաղամաս,

Կոտայքի մարզում՝

11։00-14։00 Պռոշյան համայնքի հարավարևելյան թաղամաս, «ՍԼԼ գազ», «ԱԻՍԱ», «Հ․ Բալյան» ՍՊԸ-ներ և Զին-մաս, 11։00-16։00 Եղվարդ համայնք՝ Շահումյան, Սպանդարյան փողոցներ և Կալեր թաղամաս, 11։00–17։00 Աբովյան քաղաք՝ 4-րդ միկրոշրջան 4 շենք; 3-րդ միկրոշրջան 10 շենք, Գեղաշեն և Կամարիս գյուղեր՝ մասնակի:

Ատոմակայանին հարվածելն այնքան էլ հեշտ չէ, Հայաստանի երկինքը պաշտպանված է. Պապիկյան

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

15
թեգերը:
Արագածոտնի մարզ, Կոտայք, էլեկտրաէներգիա, Լույս, Երևան, Հայաստան
Ըստ թեմայի
Եվրոպական օմբուդսմանի ինստիտուտին մտահոգել է Ադրբեջանի` ԱԷԿ–ի հետ կապված հայտարարությունը
Պապիկյանն ԱԷԿ–ին հարվածելու թեմայով խոսել է Ատոմային էներգիայի գործակալության տնօրենի հետ
Ալիևի խորհրդականը վստահեցրել է, որ Մեծամորի ԱԷԿ-ին հարվածելու հարց օրակարգում չի եղել
Կոռկոշ

Ի՞նչ է կատարվում օրգանիզմում, երբ կոկռոշ եք ուտում

73
(Թարմացված է 15:38 11.08.2020)
Թթվաշ պտուղների գրեթե բոլոր սիրահարները սառցախցիկում կամ մուրաբայի տեսքով պահեստավորած կոկռոշի պաշար են ունենում։ Թե ինչ օգուտ է տալիս այս հատապտուղը և ինչու չի կարելի այն չարաշահել՝ ընթերցեք մեր հոդվածում։

Կոկռոշը սննդարար և շատ օգտակար հատապտուղ է: Որպես կանոն, մեկ հատապտուղը կշռում է 3-6 գրամ: Հատապտուղները կարող են լինել կանաչ, դեղնասպիտակ, վարդագույն, կարմիր կամ մուգ մանուշակագույն: Կարող են լինել շատ քաղցր կամ մի քիչ թթվաշ։ Բայց գույնից կամ համից այս հատապտղի օգտակար հատկություններն ամենևին էլ չեն փոխվում։

Крыжовник
Կոկռոշ

Հատապտուղը պարունակում է սննդային մանրաթելեր, դաբաղանյութեր, օրգանական թթուներ, մոնոսախարիդներ և դիսախարիդներ։ Կոկռոշը պարունակում է մի շարք վիտամիններ և հանքանյութեր՝ PP, E, C, B9, B6, B2, B1, A, բետա կարոտին, նիկել, ցինկ, կալիում, մագնեզիում, մեծ քանակությամբ երկաթ և այլն: Սակայն այս հատապտղի կարևորագույն առաքելությունը դեպրեսիան բուժելը և տրամադրությունը բարձրացնելն է, ինչը հնարավոր է դառնում հասուն հատապտուղներում երջանկության հորմոնի՝ սերատոնինի պարունակության շնորհիվ։

Կոկռոշի օգտակար հատկությունները․

  • Ամրացնում է արյան անոթները
  • Դանդաղեցնում է սկլերոզի զարգացումը և ուռուցքների աճը
  • Մարմնից հեռացնում է տոքսինները և կարգավորում մարսողությունը
  • Իջեցնում է արյան ճնշումը
  • Նվազեցնում է խոլեստերինի մակարդակը
  • Չեզոքացնում է մարմնի բորբոքային գործընթացները
  • Արագացնում է նյութափոխանակությունը և նպաստում նիհարելուն
  • Կանանց մոտ կարգավորում է դաշտանային ցիկլը
  • Ապահովում է տղամարդկանց հորմոնալ հավասարակշռությունը
    Крыжовник
    © CC0 / pxhere
    Կոկռոշ

Հակացուցումները

  • Կարող է հանգեցնել ստամոքսաղիքային տրակտի հիվանդությունների սրման
  • Բարձրացնում է արյան մեջ շաքարի մակարդակը
  • Սրում է ալերգիկ ռեակցիաները
  • Նորածինների մոտ մետեորիզմ է առաջացնում
  • Զարգացնում է գաստրիտը կամ ստամոքսի խոցը
    Кексы с крыжовником
    © CC0 / LUM3N / Muffins
    Կոկռոշով կեքս

Ինչպես ընտրել կոկռոշ

Հատապտուղների կեղևը պետք է լինեն առաձգական։ Եթե պտուղը պինդ է, այն դեռ խակ է, որքան փափուկ է, այնքան ավելի հասուն է։ Հատապտուղները պետք է լինեն չոր, ոչ կպչուն։ Խորհուրդ է տրվում գնել պոչիկներով հատապտուղներ․ դրանք ավելի երկար են պահպանվում։

Ինչպես պահպանել կոկռոշը

Սառնարանում հատապտուղները կարելի է պահել 2 շաբաթ, իսկ սենյակային ջերմաստիճանում՝ ընդամենը 5 օր, այն էլ՝ եթե ջերմության տատանումներ չկան։ Երկարաժամկետ պահպանելու համար կոկռոշը սառեցնում են, չորացնում կամ մուրաբա պատրաստում։

73
թեգերը:
օրգանիզմ, հատապտուղ, հաղարջ
Ըստ թեմայի
Ի՞նչ է կատարվում օրգանիզմում, երբ սմբուկ ենք ուտում
Ի՞նչ է կատարվում օրգանիզմում, երբ մոշ ենք ուտում
Ինչ է տեղի ունենում օրգանիզմում, երբ մեղր ենք ուտում
Ի՞նչ է տեղի ունենում օրգանիզմում, երբ լոռամիրգ ենք ուտում
Եվգենի Պետրոսյանը և Տատյանա Բրուխունովան

Ամեն ինչ հանուն երիտասարդ կնոջ. 74-ամյա Պետրոսյանը «հրաշք–հաբ» է խմել և «երիտասարդացել» է

0
(Թարմացված է 10:24 13.08.2020)
74 տարեկան արտիստը 44 տարեկան իրավաբանին հաղթել է բազկամարտում, սակայն նրան «բռնել» են դոպինգի վրա։

ԵՐԵՎԱՆ, 13 օգոստոսի – Sputnik. Հայտնի հումորիստ 74–ամյա Եվգենի Պետրոսյանը փորձում է հնարավոր բոլոր միջոցներով երիտասարդանալ հանուն 31-ամյա կնոջ` Տատյանա Բրուխունովայի։ Այս անգամ արտիստը ցուցադրել է իր ուժը` գաղտնի հաբ խմելով։

Իրավաբան Սերգեյ Ժորինը Instagram–ի իր էջում Պետրոսյանի մասնակցությամբ հումորային տեսանյութ է հրապարակել։ Տեսանյութում երևում է, թե ինչպես է երգիծաբանը խմում հրաշք–հաբը և մարտի բռնվում իրավաբանի հետ։

«Միայն թե չխաբես», – պահանջում է Պետրոսյանը, թեև անձամբ խարդախություն էր արել։

Բազկամարտի մեկնարկից մի քանի րոպե անց արտիստը հաղթանակ տարավ իր 44-ամյա փաստաբանի նկատմամբ։

«Եվգենի Պետրոսյանը ներկայացրեց տղամարդու ուժի գաղտնիքը, հաղթեց ինձ մրցման մեջ, սակայն որակազրկվեց դոպինգ–թեստն անցնելուց հետո», – գրել է Ժորինը։

Մրցման վերջում փաստաբանը սեղմեց Պետրոսյանի ձեռքը։

«Պետրոսյան, կեցցե՛ս։ Իսկ ինձ էլ կարելի՞ է այդ դեղահաբից։ Ձգտելու տեղ կա։ Երկուսդ էլ կեցցեք», – գրում են երկրպագուները մեկնաբանություններում։

Հիշեցնենք, որ անցած տարվա դեկտեմբերին Եվգենի Պետրոսյանն ամուսնացել է իր օգնականի՝ Տատյանա Բրուխունովայի հետ։ Հանուն Տատյանայի նա 30 տարի համատեղ կյանքից հետո  բաժանվել է իր չորրորդ կնոջից՝ Ելենա Ստեպանենկոյից։

Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ

Մամուլը բազմիցս գրել է, որ Պետրոսյանն ու Բրուխունովան երեխա ունեն, սակայն առայժմ կողմերից ոչ մեկը չի հաստատել այդ տեղեկությունը։ 74-ամյա երգիծաբանը հասուն դուստր ունի՝ Վիկտորյան։ Կարանտինի պատճառով վերջինս մնացել է Մոսկվայում և ինքնամեկուսացել է Ստեպանենկոյի բնակարանում, որին աջակցում էլ նա ամուսնալուծությունից հետո։

0
թեգերը:
տեսանյութ, Դեղ, Տատյանա Բրուխունովա, Եվգենի Պետրոսյան
Ըստ թեմայի
«Բոլորը կպատժվեն ըստ արժանվույն». Եվգենի Պետրոսյանի կինն արձագանքել է մեղադրանքներին
«Այսպես գեղեցիկ է». Եվգենի Պետրոսյանի երիտասարդ կինը պարծեցել է իր ճաշակով
Եվգենի Պետրոսյանը երիտասարդ կնոջից երեխա է ունեցե՞լ. հումորիստի ծանոթը փակագծեր է բացել