Տոլմայի պատրաստում

«Հայե՛ր, դուք ձեր տոլմայի մեջ ի՞նչ եք ավելացնում, հոգի՞». ռեստորանային սպորտի ստեղծող

141
(Թարմացված է 19:30 22.12.2019)
Իսրայելցի Ալեքս Ռոբինովիչը Երևան է ժամանել Ռեստորանային սպորտի հայկական ֆեդերացիայի բացման կապակցությամբ։ Նա վստահեցնում է՝ հայկական պանրից ու մսից համեղ ոչինչ չի կերել։

ԵՐԵՎԱՆ, 22 դեկտեմբերի — Sputnik. Եթե որոնողական համակարգով փնտրեք Ռեստորանային սպորտի համաշխարհային ֆեդերացիայի նախագահ ու այդ սպորտի ստեղծող Ալեքս Ռաբինովիչի անունը, կթվա, թե նույն անուն ազգանունով տասնյակ մարդիկ կան։ Մի Ռաբինովիչը նվագել է «Ալեքս» ռոք խմբում, մյուսը Միջազգային վարկանիշների կենտրոնի նախագահն է, մյուսը պրոֆեսիոնալ հոկեյով է զբաղվում։ Այդքան Ալեքս Ռաբինովիչների մեջ կարելի է մոլորվել։ Բայց էլ ավելի տարօրինակ է թվում, երբ հասկանում ես, որ այդ ամենը նույն մարդու մասին է։

-Ինչպե՞ս եք այդ ամենը հասցնում։ Ու ինչի՞ համար»,  - շփոթված հարցնում եմ ես։

-Պետք է մի բան անեի, չէ՞, - ժպտալով պատասխանում է Ռաբինովիչը։

-Հա, բայց մի բան։ Այդքան արա՞գ եք ամեն ինչից ձանձրանում։

- Գիտեք, իմ լավ ընկեր Հայկ Չիլինգարյանը մի անգամ մի միտք է արտահայտեց, որի հետ լիովին համաձայն եմ։ Նրա խոսքով՝ հայերն ու հրեաները նույն հիվանդությունն ունեն․ մենք անընդհատ ինչ-որ բանով զբաղված ենք, ինչ-որ բան ենք սարքում, ինչ-որ բանի շուրջ մտածում ենք։ Ինչի՞ համար։ Պատճառն այն է, որ մեզ միշտ կոտորել են, ճնշել են, սպանել են։ Ու եթե կանգ առնենք, համազգային ընկճախտի մեջ կընկնենք։

Ձկնապուր Բրեժնևին և պաղպաղակ Պուտինին. Կրեմլի խոհարարի համար լավաշն ամենաօգտակար հացն է

Ալեքս Ռաբինովիչը չորրորդ անգամ է Հայաստանում։ Այս անգամ նա Երևան է եկել Ռեստորանային սպորտի հայկական ֆեդերացիայի բացման կապակցությամբ։ Ռաբինովիչը դա ստեղծել է հոկեյի նմանությամբ։ Մրցում են շեֆ խոհարարից, մատուցողից ու սոմելյեից կազմված թիմեր։ Շեֆը եփում է, մատուցողը մատուցում է, իսկ սոմելյեն գինին է բացում ու ապացուցում է դրա թրենդայնությունը։

Президент Всемирной федерации ресторанного спорта Алекс Рабинович
© Sputnik / Andranik Ghazaryan
Ալեքս Ռաբինովիչը

Այս ամենը դատում է պրոֆեսիոնալ ժյուրին։ Աշխարհի ավելի քան քսան երկրներում ռեստորանային սպորտի ֆեդերացիաներ են բացվել։ Հայաստանում ֆեդերացիայի նախագահ է դարձել քաղաքական գործիչ Հայկ Բաբուխանյանը, փոխնախագահն է շեֆ խոհարար Սեդրակ Մամուլյանը։ 

«Ռեստորանային սպորտը հրեական մարզաձև է համարվում, բայց ես, անկեղծ ասած, այն հայ-հրեական եմ համարում։ «Հրեական խոհանոց» հասկացություն չկա։ Մենք 40 տարի շրջել են անապատներով, խոհարարությամբ զբաղվելու ժամանակ չկար։ Իսկ հայերը իրենց տեղում նստած ստեղծագործում էին», - ասում է Ռաբինովիչը։

Նա վստահեցնում է, որ հայկական խոհանոցն աշխարհի ամենահամեղն է, այն աստվածային է։ Ռաբինովիչը տարվա մեջ ավելի քան 70 ուղևորություն է ունենում, այնպես որ նա համտեսել է աշխարհի գրեթե բոլոր խոհանոցների ուտեստները։

«Հայաստանում, ի տարբերություն Վրաստանի, պանիրը «հայկական» չեն անվանում։ Բայց թող վրացիները լսեն, որ հայկական պանիրը շատ ավելի լավն է։ Իսկ տոլման հրաշք է։ Վրաստանո՛ւմ էլ, Ադրբեջանո՛ւմ էլ տոլմա կերել եմ․այն չէ։ Հայե՛ր, դուք ձեր տոլմայի մեջ ի՞նչ եք ավելացնում։ Երևի՝ հոգի», - ժպտում է Ռաբինովիչը։

Սանկտ Պետերբուրգի ռեստորաններից մեկում ոսկով շաուրմա են մատուցում. տեսանյութ

Ալեքս Ռաբինովիչի այցն ու Ռեստորանային սպորտի հայկական ֆեդերացիայի բացումը սկիզբ կդնի Հայաստանում անցկացվող «ռեստորանային մրցումներին»։ 2020 թվականի հունվարին Հայաստանի բոլոր մարզերում շեֆ խոհարարները, մատուցողներն ու սոմելյեները մրցելու են լավագույն մասնագետների կոչման համար։ Հաղթող թիմը ռեստորանային սպորտի աշխարհի առաջնությանը մասնակցելու հնարավորություն կստանա։  Առաջնությունը կանցկացվի 2020 թվականին մայիսի 15-ից 17-ը Բուլղարիայում։ Սա արդեն ռեստորանային սպորտի աշխարհի երրորդ առաջնություն  է։

141
թեգերը:
Ռեստորան, Տոլմա, հրեա, խոհարար, խոհանոց, Հայաստան
Ըստ թեմայի
Ինչպես փաթաթեմ տոլման, կամ դուրս վռնդեք իմ հյուրերին․զվարճալի դեպքեր փրկարարների Ամանորից
Հայ խոհարարները վճռական են տրամադրված. աշխարհը նորովի կփորձի հայկական տոլման
Հայկական տոլման հիացրել է կորեացի լուսանկարչին, իսկ ֆրանսիացուն հիշեցրել է մանկությունը
Դպրոց

Երևանի 6 դպրոցների տնօրեններին նկատողություն է տրվել

62
(Թարմացված է 20:30 03.06.2020)
Կրթության վկայականների հանձնման միջոցառման ընթացքում մի շարք դպրոցներ չեն պահպանել անհրաժեշտ կանոնները։

ԵՐԵՎԱՆ, 3 հունիսի – Sputnik. Երևանի քաղաքապետարանը տեղեկացնում է, որ Երևանի վեց դպրոցների տնօրեններին հայտարարվել է նկատողություն։

«Այսօր 9-րդ դասարանի շրջանավարտների հիմնական կրթության վկայականների հանձնման միջոցառման ընթացքում պարետատան կողմից սահմանված անվտանգության կանոնները պատշաճ չպահպանելու համար 6 դպրոցի տնօրեններին հայտարարվել է նկատողություն»,–նշված է հաղորդագրության մեջ։

Նկատողություն են ստացել Երևանի Մոնթե Մելքոնյանի անվան հ․11 հիմնական դպրոցի տնօրեն Գայանե Միրզոյանը, հ․98 հիմնական դպրոցի տնօրեն Մարիաննա Ավագյանը, Արմեն Հովհաննիսյանի անվան հ․194 հիմնական դպրոցի տնօրեն Նունե Մանուկյանը, Հ․Իսակովի անվան հ․132 հիմնական դպրոցի տնօրեն Լիլիթ Հովհաննիսյանը, Պուշկինի անվան հ․8 հիմնական դպրոցի տնօրեն Նատալյա Ստեփանյանը, հ․120 հիմնական դպրոցի տնօրեն Արմինե Քոչարյանը։

Անսպասելի «ռեյդեր» և շարժական անցակետեր. ոստիկանությունը «ներում–բեկում» չի ունենա

Հիշեցնենք, որ ՀՀ վարչապետ Նիկոլ Փաշինյանը երեկվանից ֆլեշմոբ է սկսել. նա դիմել է ՀՀ քաղաքացիներին, որ իրեն ուղարկեն հակահամաճարակային կանոնների խախտման մասին փաստող լուսանկարներ և տեսանյութեր։ Դրանք Փաշինյանը հրապարակում է ֆեյսբուքյան իր էջում։

62
թեգերը:
կարանտին, Երևանի քաղաքապետարան, Տնօրեն, դպրոց, Երևան
Ըստ թեմայի
ՀՀ նախագահը կորոնավիրուսի թեման քննարկել է մի շարք նախկին պաշտոնյաների հետ
Հանրային բաց վայրերում դիմակ կրելը պարտադիր կլինի. Տիգրան Ավինյան
Կորոնավիրուսից մահացածների տվյալների հրապարակման դեպքով քրեական գործ է հարուցվել
Տիգրան Ավինյան

Հանրային բաց վայրերում դիմակ կրելը պարտադիր կլինի. Տիգրան Ավինյան

306
(Թարմացված է 19:43 03.06.2020)
Պարետ հասկանում է, որ դիմակ կրելը շատ անհարմար է, բայց այս փուլում միայն այդ միջոցն է մնացել։

ԵՐԵՎԱՆ, 3 հունիսի – Sputnik. ՀՀ փոխվարչապետ, պարետ Տիգրան Ավինյանն այսօր պարետատան նիստից հետո հայտնեց, որ պարետատունը նոր որոշում է կայացրել, ըստ որի` բնակելի տարածքից դուրս գտնվող հանրային բոլոր բաց տարածքներում դիմակ կրելը կլինի պարտադիր։

«Հանրային բաց վայրերում դիմակ կարող են չկրել մինչև 6 տարեկան երեխաները, ինչպես նաև հեծանիվ վարողներն ու ֆիզիկական վարժություններ անողները»,–ասաց նա։

Ավինյանի խոսքով` հասկանալի է, որ շատ անհարմար է նման եղանակին դիմակ կրելը, սակայն այս փուլում միայն նման միջոցն է մնացել։

Ավինյանը հայտնեց, որ իրենց գործիքակազմում ունեն նաև ծայրահեղ միջոցներ` պարետային ժամ սահմանել, վերադարձ տնտեսական գործունեության և տեղաշարժի սահմանափակման հարց, սակայն, ըստ նրա, ներկա իրավիճակում փորձում են դեռ չդիտարկել այդ գործիքակազմը։

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Նշենք, որ վերջին մեկ օրում Հայաստանում կորոնավիրուսով վարակվածների թիվը մեկ օրում ավելացել է 515-ով և հասել 10524–ի։

Անսպասելի ռեյդեր և շարժական անցակետեր. ոստիկանությունը «ներում–բեկում» չի ունենա

306
թեգերը:
Տիգրան Ավինյան, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
«Լոռու մարզպետը քեֆ է անում, բայց ասում են` ժողովուրդ, լավ չնստեցիք ավտոբուս». Մարուքյան
Սևան քաղաքը կշարունակի փակ մնալ. Տիգրան Ավինյանը նոր որոշում է կայացրել
ԶՈւ–ում վարակվածները հիմնականում պայմանագրայիններն են և սպայական կազմը. Բալայան
Կաննի կիոնփառատոն

Հայ ռեժիսորի ֆիլմը ներկայացված է Կաննի փառատոնին

56
(Թարմացված է 00:04 04.06.2020)
Կաննի միջազգային 73-րդ կինոփառատոնն արդեն հայտարարել է այս տարվա իր ծրագիրը։

ԵՐԵՎԱՆ, 3 հունիսի – Sputnik. Կաննի միջազգային 73-րդ կինոփառատոնին այս տարի ներկայացված կլինի նաև հայ ռեժիսոր Նորա Մարտիրոսյանի «Եթե քամին վրա հասնի» ֆիլմը։ Տեղեկությունը Facebook–ի իր էջում հայտնել է «Ոսկե ծիրան» միջազգային կինոփառատոնի ծրագրերի տնօրեն Կարեն Ավետիսյանը։

Փառատոնի արտ-տնօրեն Թիերի Ֆրեմոն ու նախագահ Պիեր Լեսկյուրը հայտարարել են՝ ինչ ֆիլմեր են ընտրել Կաննի 73-րդ կինոփառատոնի համար։

The First Features ծրագրին մասնակցում է հայ ռեժիսոր Նորա Մարտիրոսյանի Si Le Vent Tombe (Should the wind fall) «Եթե քամին վրա հասնի» ֆիլմը, որը Բելգիայի, Ֆրանսիայի ու Հայաստանի համատեղ արտադրությունն է։

Գեղեցկության և շքեղության վերջին ակորդը Կաննում. կինոփառատոնի վերջին լուսանկարները

Սյուժեի համաձայն՝ միջազգային աուդիտոր Ալենն Արցախ է գալիս՝ ինքնահռչակ  հանրապետության օդանավակայանը գնահատելու համար, որպեսզի այն բացվի։ Էդգարը` տեղացի տղան, թափառում է օդանավակայանում ու տարօրինակ գործով է զբաղվում։ Վերջիվերջո տղամարդն ու տղան հանդիպում են։

Հիշեցնենք՝ Կաննի փառատոնը նախատեսված էր մայիսին, ինչպես ամեն տարի, սակայն համավարակի պատճառով փառատոնը չի կայանա, բայց կազմկոմիտեն որոշել է հայտարարել ընտրված ֆիլմերը։

56
թեգերը:
ֆիլմ, Արցախ, ռեժիսոր, հայ, Կաննի կինոփառատոն
Ըստ թեմայի
Սա տեսնել է պետք. Կանն եկած աստղերի զարդերն ու հանդերձանքը. լուսանկարներ
Հայտնի են Կաննի 72-րդ միջազգային կինոփառատոնի դափնեկիրները. լուսանկարներ
Դեկամերոն-2020 կամ կարանտինի կաննոնների պահպանման հայկական ձևն ու մեղավորները