ԵՐԵՎԱՆ, 21 դեկտեմբերի – Sputnik. Հանրապետության տարածքում դեկտեմբերի 21-25-ը սպասվում է առանց տեղումների եղանակ: Քամին կլինի հարավ-արևմտյան՝ 3-8 մ/վ արագությամբ, հայտնում է ԱԻՆ մամուլի ծառայությունը։
Օդի ջերմաստիճանն այսօր Սյունիքի և Տավուշի մարզերում կհասնի +18–ի։
Երևան քաղաքում նույնպես առանց տեղումների եղանակը կպահպանվի։ Մայրաքաղաքում այսօր ցերեկը կլինի 6–11 աստիճան տաքություն, գիշերը`1 աստիճան ցրտից 1 աստիճան տաքություն։
Հիշեցնենք, որ երեկ` դեկտեմբերի 20–ին, ԱԻՆ «Հիդրոմետ» ծառայության պետ Գագիկ Սուրենյանը Facebook-ի իր էջում հերթական գրառումն էր արել տաք դեկտեմբերի մասին, ինչին հաորդել էին օգտատերերի բազմաթիվ հումորային մեկնաբանությունները։
«Ավելի տաք Հայաստան»,–գրել էր օգտատերերից մեկն ու շեշտել, որ մյուս ընտրություններին Սուրենյանը ևս կարող է առաջադրվել այդ կարգախոսով։
«Ավելի տաք Հայաստանը»` Սուրենյանի նախընտրական քարոզարշավի կարգախոս. օգտատերերը կատակում են
Նշենք, որ օրեր առաջ Գագիկ Սուրենյանը հայտնել էր, որ նորմայից բարձր ջերմաստիճան է սպասվում ոչ միայն Հայաստանում, այլ նաև ողջ Եվրոպայում, Ռուսաստանի Եվրոպական մասում, Փոքր Ասիայում, Մերձավոր Արևելքում, Կովկասում։
