Բողոքի ակցիա կառավարության շենքի մոտ

«Դուք մեզ արդեն մոռացել եք». «Նաիրիտի» աշխատողները կառավարության շենքի մոտ են

135
(Թարմացված է 16:09 20.12.2019)
Կառավարությունը հրաժարվում է ներել գործարանի պարտքը նույնիսկ հանուն ներդրողներ գրավելու։ Աշխատակիցները փողոց են դուրս եկել։

ԵՐԵՎԱՆ, 20 դեկտեմբերի — Sputnik. «Նաիրիտ» գործարանը պետք է կրկին աշխատի, իսկ նրա վաճառքի գործընթացը պետք է դադարեցնել։ Նման պահանջով գործարանի նախկին աշխատակիցների մի խումբ բողոքի ակցիա անցկացրեց ՀՀ կառավարության շենքի մոտ։ Ցուցարարները մեղադրում են Հայաստանի իշխանություններին անգործության մեջ։

Մեռնես էլ՝ պիտի «մուծվես». ինչպես կարելի էր փրկել «Նաիրիտը»

Բողոքի ակցիայի մասնակիցներին է միացել հայտնի ակտիվիստ Վահան Չախալյանը, որը հայտարարել է, որ կհասնի նրան, որ հարցը քննարկվի խորհրդարանում։

«Նաիրիտ» գիտաարտադրական միավորումը ԽՍՀՄ տարածքում քլորոպրենային կաուչուկի մենաշնորհային արտադրողն էր։ 2006թ.-ից գործարանի 90 տոկոս բաժնետոմսերի տերը բրիտանական Rhinoville Property Limited կոնսորցիումն է, բաժնետոմսերի 10 տոկոսը պատկանում է ՀՀ կառավարությանը՝ ի դեմս Էներգետիկայի և բնական պաշարների նախարարության։ Ձեռնարկությունը չի աշխատում 2010 թ.–ի ապրիլից։

«Նաիրիտի» նախկին աշխատակիցներին դատի են տվել ու փոխհատուցում են պահանջում զրպարտանքի համար

Կառավարությունն ընկերությունից գործարանի ոչ բավարար կառավարման մասին պարզաբանում երբեք չի պահանջել։ Միջպետական բանկի վարկը չի մարվել, ու գործարանը սնանկ է հայտարարվել։ Դրանից հետո ԱՊՀ Միջպետական բանկը գործարանը վերադարձրել է Հայաստանի կառավարությանը։ Ներդրող չգտնելով՝ կառավարությունը որոշել է սնանկության կրկնակի գործընթաց սկսել։

Նշենք, որ կառավարությունում «Նաիրիտի», ինչպես նաև ընդհանուր առմամբ արդյունաբերության հարցերը համակարգում է փոխվարչապետ Տիգրան Ավինյանը։ Սակայն ցուցարարների մոտ որևէ մեկը դուրս չի եկել։

135
թեգերը:
աշխատանք, Երևան, Հայաստան, ՀՀ կառավարություն, Բողոքի ակցիա, գործարան, Նաիրիտ
Ըստ թեմայի
Պատրաստ ենք «Նաիրիտի» վերագործարկումը քննարկել բոլոր իրական ներդրողների հետ. Փաշինյան
Հայ–չինական գործարանն արդեն կաուչուկ է արտադրում. Ավինյանը խոսել է «Նաիրիտի» մասին
«Նաիրիտի» վերջը կտա՞ն․ գործարանի եղած–չեղածն աճուրդի է հանվել
Հայաստանի իշխանությունը չի ների «Նաիրիտի» պարտքերը. գործարանի փրկությունը չի քննարկվում
Աճուրդը չկայացավ. «Նաիրիտը» չեն ուզում գնել ոչ ամբողջությամբ, ոչ մաս–մաս. ի՞նչ է լինելու
Արամե

Արամեն ՌԴ–ում է. երգիչը մեկնաբանել է ընտանիքի հետ արտագաղթելու լուրը

5
(Թարմացված է 18:38 15.08.2020)
Հայտնի երգիչը որոշել է անդրադառնալ իր անվան հետ կապված լուրերին։ Նա բացատրել է, թե ինչու է մեկնել Ռուսաստան։

ԵՐԵՎԱՆ, 15 օգոստոսի – Sputnik. Ճանաչված երգիչ Արամեն հերքել է Հայաստանից արտագաղթելու լուրը։ Նա գրառում է արել Instagram–ում։

Վերջերս սոցցանցերում լուրեր տարածվեցին, թե Արամեն կնոջ` Աննա Թովմասյանի հետ պատրաստվում է լքել Հայաստանն ու մշտական բնակության տեղափոխվել Ռուսաստան։

«Ցանկանում եմ անդրադառնալ վերջերս շրջանառվող լուրերին՝ իբր ես արտագաղթել եմ Հայաստանից։ Ուզում եմ ձեզ ասել, որ այդպես չէ։ Իմ գործունեությանը հետևելով` տեղյակ եք, որ վերջին 15 տարիներին ես շատ ժամանակ անցկացրել եմ արտերկրում, շրջագայել եմ, բայց երբեք արտագաղթելու միտք չեմ ունեցել: Եվ այսօր ես ընտանիքիս հետ գտնվում եմ Մոսկվայում իմ աշխատանքի և ընտանեկան հարցերով»,–գրել է երգիչը:

Արամեն շեշտել է, որ ելնելով աշխատանքի բնույթից` այսօր կարող է լինել Ռուսաստանում, վաղը` ԱՄՆ–ում, մյուս օրը` Հունաստանում, բայց միշտ Հայաստանի կողքին է։

Միհրան Հարությունյանի դուստրը նազանքով պարում է Արամեի «Քավոր ջան» երգի տակ. տեսանյութ

«Ուզում եմ մեր ազգին մաղթել խաղաղություն։ Մենք միշտ մեր երկրի կողքին ենք աշխարհի բոլոր հայերով։ Փառք հա՛յ զինվորին, փառք հայո՛ց բանակին։ Սիրում եմ Ձեզ, լավն ու բարին բոլորին»,–ավելացրել է երգիչը։

Նա նաև զինվորական համազգեստով լուսանկար է հրապարակել ու նշել, որ նկարվել է օրեր առաջ։

Посмотреть эту публикацию в Instagram

Публикация от Arame (@arame_singer)

Արամեն երգել է շենքերի բակում. տեսանյութ

5
թեգերը:
Ռուսաստան, Արամե, Հայաստան
Ըստ թեմայի
«Ինձ համար մեկ էր...». Ժաննա Լևինան խոսել է Գարիկ Մարտիրոսյանի հանդեպ իր սիրո մասին
Միհրան Ծառուկյանն ու Արփին հրապարակել են իրենց 40 օրական որդու լուսանկարը
Ինչպե՞ս զվարճացնել երեխաներին. Միհրան Հարությունյանը տեսանյութ է հրապարակել
«Արարատ» ֆուտբոլային ակումբ

Կորոնավիրուսով են վարակվել «Արարատ» ակումբի ֆուտբոլիստներն ու մարզիչները

9
(Թարմացված է 17:54 15.08.2020)
Համավարակի պատճառով հետաձգվել է օգոստոսի 15-ին նախատեսված «Արարատ-2»–«Ալաշկերտ-2» հանդիպումը։

ԵՐԵՎԱՆ, 15 oգոստոսի – Sputnik. «Արարատ» ֆուտբոլային ակումբի 8 ֆուտբոլիստի և 3 մարզչի մոտ կորոնավիրուս է հայտնաբերվել։ Տեղեկությունը հայտնում են։ Տեղեկությունը հայտնում է ակումբի մամուլի ծառայությունը։

«Ցավոք, կորոնովիրուսային համավարակը չշրջանցեց նաև «Արարատ» ֆուտբոլային ակումբին։ Օգոստոսի 14-ին «Արարատի» անձնակազմն ու գլխավոր թիմի տրամադրության տակ գտնվող ֆուտբոլիստները կորոնավիրուսային թեստ են հանձնել, որի արդյունքում ութ ֆուտբոլիստի ու երեք մարզչի մոտ ստացվել է դրական պատասխան»,– գրված է ակումբի ֆեյսբուքյան էջում:

Կորոնավիրուսով վարակված ֆուտբոլիստներից երկուսը հայտավորված են «Արարատի», իսկ վեցը՝ «Արարատ-2»-ի կազմում։

Համավարակի պատճառով հետաձգվել է օգոստոսի 15-ին նախատեսված «Արարատ-2» – «Ալաշկերտ-2» հանդիպումը։

Ըստ հաղորդագրության` Հայաստանի Պրեմիեր լիգայի առաջին տուրի «Արարատ» – «Փյունիկ» հանդիպման անցկացումը փոփոխության չի ենթարկվի, և խաղը կկայանա ըստ նախատեսվածի՝ օգոստոսի 16-ին:

«Այս հանդիպման վերաբերյալ հետագա ցուցումներ ստանալու համար ևս «Արարատ» ֆուտբոլային ակումբը դիմել է ՀՖՖ-ին, որտեղից մեզ տեղեկացրել են, որ ըստ 2020/21 մրցաշրջանի պրոֆեսիոնալ ֆուտբոլի մրցումների՝ կորոնավիրուսի կանխարգելման ուղեցույցի, խաղը կարող է հետաձգվել միայն երեքից ավելի ֆուտբոլիստի վարակման դեպքում, ուստի «Արարատ»– «Փյունիկ» հանդիպումը չի կարող հետաձգվել»,–նշված է հաղորդագրության մեջ։

Հավելենք, որ «Արարատ-2»-ի մարզչական շտաբն ու ֆուտբոլիստների հիմնական մասը կորոնավիրուսային ՌՆԹ թեստեր հանձնել են այսօր՝ օգոստոսի 15-ին, և արդյունքների մասին կտեղեկանան վաղը:

«Արարատ» ֆուտբոլային ակումբը շուտափույթ ապաքինում է մաղթում վարակված ֆուտբոլիստներն և մարզիչներին։

9
թեգերը:
մարզիչ, ֆուտբոլիստ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Ռուսաստանում սկսվել է կորոնավիրուսի դեմ պատվաստանյութի արտադրությունը
Հայաստանում կորոնավիրուսով վարակվածների թիվն ավելացել է 196-ով և հասել 41495-ի
Մրցավազքը 6 երկիր է գլխավորում. հայ պրոֆեսորը` կորոնավիրուսի դեմ պատվաստանյութերի մասին