Գագիկ Սուրենյան

«Ավելի տաք Հայաստանը»` Սուրենյանի նախընտրական քարոզարշավի կարգախոս. օգտատերերը կատակում են

88
(Թարմացված է 11:43 20.12.2019)
«Հիդրոմետ» ծառայության պետի նոր գրառումը կրկին հումորային մեկնաբանությունների տեղիք է տվել։

ԵՐԵՎԱՆ, 20 դեկտեմբերի — Sputnik. Հայաստանում օդի ջերմաստիճանը շարունակում է մնալ նորմայից բարձր։ ԱԻՆ «Հիդրոմետ» ծառայության պետ Գագիկ Սուրենյանը Facebook-ի իր էջում հերթական գրառում է արել։

«Երբ դեկտեմբերի 20-ին առավոտյան ժամը 07։00-ին Ապարանում +7, Դիլիջանում +12 աստիճան է»-գրել է Սուրենյանը։

Նրա գրառմանը հաջորդել են օգտատերերի հումորային գրառումները։

«Ավելի տաք Հայաստան»,–գրել է օգտատերերից մեկն ու շեշտել, որ մյուս ընտրություններին Սուրենյանը ևս կարող է առաջադրվել այդ կարգախոսով։

Мем с изображением Гагика Суреняна
«Ավելի տաք Հայաստանը»` Սուրենյանի նախընտրական քարոզարշավի կարգախոս. օգտատերերը կատակում են

«Սուրենյան ջան, ես քեզ զգուշացրեցի չէ, որ պուլտը երեխեքի ձեռքը չտաս, «նաստրոյկեքը» կխառնեն, չես կարողանա վերականգնել »,–գրել է մյուս օգտատերը։ Մեկն էլ փորձել է ճշտել` արդյո՞ք ՊԵԿ նախագահն է տվյալները ուղարկում նրան։

Ձյունը չի շտապում. եղանակի տեսություն

Ավելի վաղ, Սուրենյանը գրել էր, թե անհամբեր սպասում է  ձյան գալուն։

«Այ մարդ, երբ է ձյուն գալու հոգիս ազատվի։ Ձյան հարցով արդեն գրում են ոչ միայն երեխաները, այլ նաև նրանց ծնողները»։

Նշենք, որ օրեր առաջ Գագիկ Սուրենյանը հայտնել էր, որ նորմայից բարձր ջերմաստիճան է սպասվում ոչ միայն Հայաստանում, այլ նաև ողջ Եվրոպայում, Ռուսաստանի Եվրոպական մասում, Փոքր Ասիայում, Մերձավոր Արևելքում, Կովկասում։

88
թեգերը:
Facebook, օգտատեր, ձմեռ, Ապարան, Հայաստան, եղանակ, Գագիկ Սուրենյան
Ըստ թեմայի
Երեխա ունենալու տարբեր մեթոդներ, «երես առած» լրագրող. Պուտինի ասուլիսը հումորաշատ էր
Հայ մասնակիցները հաղթել են «Ամբողջ ձայնով» միջազգային մրցույթում
Նա կարծես Հոլիվուդի աստվածուհի լինի. Քարդաշյանը` Էլիզաբեթ Թեյլորի կերպարով. տեսանյութ