Դավիթ Սանասարյան. արխիվային լուսանկար

Դավիթ Սանասարյանի հաղորդումը շորթման մասին` չի հաստատվել. գործը կարճվել է

123
(Թարմացված է 19:55 19.12.2019)
Սանասարյանից գումար շորթելու գործը կարճվել է, իսկ 9-ամյա երեխայի վթարի գործի քննությունը շարունակվում է։ Սանասարյանը դժգոհ է, տուժողի փաստաբանը` գոհ։ 

ԵՐԵՎԱՆ, 19 դեկտեմբերի — Sputnik. ՀՀ պետական վերահսկողական ծառայության պետ Դավիթ Սանասարյանի (լիազորությունները կասեցվել են իր դեմ հարուցված քրեական գործի պատճառով) հաղորդումը չի հաստատվել։ Շորթման փաստով հարուցված քրեական գործը քննիչի որոշմամբ կարճվել է։ Այս մասին facebook-ի իր էջում հայտնել է Սանասարյանը։ 

«Ուզում եմ հստակ նշել, որ այս գործում կար երկու ցուցմունք շորթման փաստի վերաբերյալ, որն ըստ քննիչի` բավարար հիմք չէր մեղադրանք ներկայացնելու համար»,–գրում է Սանասարյանը`միաժամանակ հիշեցնելով, որ ՊՎԾ «հայտնի գործով» իրեն մեղադրանք առաջադրելու համար «երկու կիսատ-պռատ ու շինծու ցուցմունքը» բավարար էր համարվել իր լիազորությունները կասեցնելու ու գործը դատարան ուղարկելու համար։

Սանասարյանը հայտնում է, որ փաստաբանի հետ դեռ պետք է քննարկի գործը կարճելու որոշումը բողոքարկելու հարցը։

«Դեռ չեն գրե՞լ, որ նարկոբարոն եմ». Դավիթ Սանասարյանի շուրջ նոր սկանդալ է ծավալվել

Իսկ մինչ այդ հիշեցնում է, որ շորթման մասին հաղորդում տալով` ինքը նպատակ է ունեցել ոչ թե երեխայի մորը վատություն անելու, այլ այդ կնոջ կողմից կատարված անթույլատրելի ու հակաօրինական արարքը կանխելու համար, որպեսզի դա դաս լինի մյուսների համար։

Վթարի գործով տուժողի փաստաբան Տիգրան Աթանեսյանը Sputnik Արմենիային հայտնեց, որ կարճվել է միայն Սանասարյանի հաղորդման հիմքով հարուցված շորթման մասին քրեական գործը, իսկ երեխային վթարի ենթարկելու գործով նախաքննությունը շարունակվում է։

Քրեական գործի կարճումը տուժողի շահերի ներկայացուցիչը դրական է գնահատում։

«Դա առհասարակ հարուցման էլ ենթակա չէր։ Ես միշտ էլ ասել եմ` դա ակնհայտ իրականությանը չհամապատասխանող հայտարարություն էր»,– ասաց Աթանեսյանը։

Ինչ վերաբերում է վթարի հարցով քրեական գործին, փաստաբանը հայտնեց, որ դրանով Սանասարյանին դեռ մեղադրանք չի առաջադրվել։

«Մի շարք փորձաքննություններ են նշանակված, որոնց ավարտից հետո միայն, երևի մեղադրանք կառաջադրվի»,– ասաց նա։

Հիշեցնենք` Դավիթ Սանասարյանի կողմից 9-ամյա երեխայի վրաերթի ենթարկելու փաստի առթիվ քրեական գործը հարուցվել էր 2019թ–ի հոկտեմբերին։

Ըստ մամուլի` Սանասարյանը սեպտեմբերի 12-ին Կիևյան 4 հասցեում գտնվող շենքի կամարանցումի (դալան) մոտ վրաերթի էր ենթարկել երեխային ու նրան օգնություն ցույց չէր տվել։ Պատահական անցորդներից մեկը զանգահարել էր երեխայի մորը, որն էլ երեխային տեղափոխել էր «Արմենիա» հանրապետական բժշկական կենտրոն: Սանասարյանը, տեղեկանալով, որ երեխան տեղափոխվել է բուժկենտրոն, գնացել էր և տեղում պայմանավորվել բժիշկ Արսեն Գևորգյանի հետ, որպեսզի դեպքը ոստիկանությունում չգրանցվի որպես վրաերթ, այլ գրանցվի որպես բակում խաղալու ընթացքում ստացած կենցաղային վնասվածք:

Դավիթ Սանասարյանի դեմ նոր քրգործ է հարուցվել

Մամուլի հրապարակումներից հետո Սանասարյանը facebook-ում գրել էր, որ իր վրա «շառ են անում» ու, իբր, երեխան քարի վրայից ցատկել, դիպել է մեքենային ու ընկել, ինչից հետո ինքը երեխայի ու նրա մոր հետ գնացել է բժշկական կենտրոն։ Այնտեղ զննել են երեխային և ասել, որ ոչ մի խնդիր չկա։ Հետո կինը նորից է զանգահարել ու ասել, որ լրացուցիչ բուժզննման կարիք կա` 300 000 դրամ փող պահանջելով իրենից ու սպառնալով, որ չտալու դեպքում լրատվամիջոցներին կասի, որ ինքը երեխային վրաերթի է ենթարկել։

Մինչ այդ Սանասարյանն արդեն ԱԱԾ–ում քննվող մեկ այլ քրեական գործով մեղադրվում էր պաշտոնեական լիազորությունները չարաշահելու համար։

ՊՎԾ գնումների վերահսկողության վարչության պետ Սամվել Ադյանը և ՊՎԾ մեկ այլ աշխատակից՝ բժշկական սարքավորումների մասնագետ Գևորգ Խաչատրյանը, փետրվարի 26-ին ձերբակալվել էին բժշկական հաստատությունների կողմից հայտարարված հեմոդիալիզի պարագաների մրցույթներին ենթադրյալ միջամտության դեպքով հարուցված քրեական գործի շրջանակում։

Այս մեղադրանքը Դավիթ Սանասարյանը շինծու էր որակել` հայտարարելով, որ պատրաստ է իր ձեռքը կտրել, եթե հրապարակվի այն տեսանյութը, որտեղ ինքը կաշառք է վերցնում։

123
թեգերը:
փաստաբան, Վրաերթ, Պետական վերահսկողական ծառայություն (ՊՎԾ), երեխա, Տիգրան Աթանեսյան, Քրեական գործ, Հայաստան, Դավիթ Սանասարյան
Ըստ թեմայի
Դավիթ Սանասարյանի նկատմամբ քրեական հետապնդումը դադարեցնելու միջնորդություն կներկայացնեն
Դավիթ Սանասարյանի քրեական գործն ուղարկվել է դատարան. դատախազություն
Ամեն ինչում Վանեցյա՞նն է մեղավոր. Դավիթ Սանասարյանը` «շինծու» մեղադրանքով գործի մասին
Թորոսյանը Սանասարյանին խորհուրդ է տալիս ապագան պլանավորելիս դասեր քաղել կատարվածից

Երբ երեխաները մնացին առանց տոնի. երևանյան լուսանկարներ

7
(Թարմացված է 22:49 01.06.2020)
  • Մայրն ու դուստրը
  • Ջրաներկով գունազարդման փոխարեն` բժշկական դիմակ
  • Տոնական զգեստորվ աղջնակը Հյուսիսային պողոտայի շատրվանների մոտ
  • Փոքրիկ տղան Հանրապետության հրապարակում
  • Պաղպաղակով ու փուչիկով աղջիկը
  • Շիկահեր փոքրիկը Հանրապետության հրապարակում
  • Գեղեցիկ սանրվածքով աղջնակը լողացնում է տիկնիկին
  • Մոր ապահով ձեռքերում
  • Պաղպաղակով տղան
  • Սոցիալական հեռավորության մասին նրանք էլ չեն մոռանում
  • Աղջնակը թռչկոտում է Հանրապետության հրապարակում
  • Փոքրիկ տղան Հյուսիսային պողոտայում
Երևանի փողոցներում երեխաների թիվն այնքան էլ մեծ չէր` ի տարբերություն նախորդ տարիների, երբ հունիսի 1-ին մանուկների լացի ու ծիծաղի ձայները լսվում էին ողջ օրվա ընթացքում։

Երևանի փողոցներում այսօր` Երեխաների պաշտպանության օրը, սովորաբար «խցանումներ» էին լինում հենց երեխաների առատությունից։

Սակայն այս տարի կորոնավիրուսի պատճառով Երևանում տոնական միջոցառումներ չեղան, և երեխաները մնացին առանց տոնի։

Աննա Հակոբյանն արյունաբանական կենտրոն չի այցելել և չի վտանգել երեխաների առողջությունը

Քաղաքի կենտրոնում ծնողների հետ զբոսնող երեխաներին զարմացնող մուլտհերոսներ չկային, այտերին ջրաներկով գունազարդումներ անողներ չկային. փոքրիկները ստիպված էին բավարարվել պաղպաղակով ու փուչիկներով։

Տիկնիկային թատրոնը երեխաներին անակնկալ է մատուցել տանիքից. տեսանյութ

 

7
  • Մայրն ու դուստրը
    © Sputnik / Asatur Yesayants

    Մայրն ու դուստրը

  • Ջրաներկով գունազարդման փոխարեն` բժշկական դիմակ
    © Sputnik / Asatur Yesayants

    Ջրաներկով գունազարդման փոխարեն` բժշկական դիմակ

  • Տոնական զգեստորվ աղջնակը Հյուսիսային պողոտայի շատրվանների մոտ
    © Sputnik / Asatur Yesayants

    Տոնական զգեստորվ աղջնակը Հյուսիսային պողոտայի շատրվանների մոտ

  • Փոքրիկ տղան Հանրապետության հրապարակում
    © Sputnik / Aram Nersesyan

    Փոքրիկ տղան Հանրապետության հրապարակում

  • Պաղպաղակով ու փուչիկով աղջիկը
    © Sputnik / Aram Nersesyan

    Պաղպաղակով ու փուչիկով աղջիկը

  • Շիկահեր փոքրիկը Հանրապետության հրապարակում
    © Sputnik / Asatur Yesayants

    Շիկահեր փոքրիկը Հանրապետության հրապարակում

  • Գեղեցիկ սանրվածքով աղջնակը լողացնում է տիկնիկին
    © Sputnik / Aram Nersesyan

    Գեղեցիկ սանրվածքով աղջնակը լողացնում է տիկնիկին

  • Մոր ապահով ձեռքերում
    © Sputnik / Asatur Yesayants

    Մոր ապահով ձեռքերում

  • Պաղպաղակով տղան
    © Sputnik / Asatur Yesayants

    Պաղպաղակով տղան

  • Սոցիալական հեռավորության մասին նրանք էլ չեն մոռանում
    © Sputnik / Aram Nersesyan

    Սոցիալական հեռավորության մասին նրանք էլ չեն մոռանում

  • Աղջնակը թռչկոտում է Հանրապետության հրապարակում
    © Sputnik / Andranik Ghazaryan

    Աղջնակը թռչկոտում է Հանրապետության հրապարակում

  • Փոքրիկ տղան Հյուսիսային պողոտայում
    © Sputnik / Aram Nersesyan

    Փոքրիկ տղան Հյուսիսային պողոտայում

թեգերը:
Լուսանկար, Երևան, Հայաստան, երեխա
Ըստ թեմայի
Ո՞ր դեպքում դպրոցները նորից կբացվեն. Արայիկ Հարությունյանը գիտի խնդրի լուծումը
«Մամ, զանգի Պուտինին». փոքրիկը խնդրում է բացել դպրոցները
Իլոն Մասկը ստիպված է եղել փոխել երեխայի անունը. նորը պակաս տարօրինակ չէ
Մարգարիտա Սիմոնյան

«Տիգրանն ինձ հետ համամիտ է». ինչպես է Մարգարիտա Սիմոնյանը դաստիարակում երեխաներին

15
(Թարմացված է 22:29 01.06.2020)
Սիմոնյանը երկու տեսանյութ է հրապարակել և ցույց տվել 3 երեխաներին` 6 տարեկան Մարիաննային, 5 տարեկան Բագրատին ու 6 ամսական Մարոյին։

ԵՐԵՎԱՆ, 1 հունիսի – Sputnik. «Ռոսիա սեգոդնյա» ՄՏԳ–ի և RT հեռուստաալիքի գլխավոր խմբագիր Մարգարիտա Սիմոնյանը Երեխաների պաշտպանության օրը տեսանյութ է հրապարակել և խոսել երեխաների դաստիարակության մասին։ Տեսանյութերից մեկում 6 տարեկան Մարիաննան ու 5 տարեկան Բագրատը խաղում են ու ֆրանսերեն խոսում։

«Կանոն առաջին` ֆիզիկական որևէ պատժի մասին խոսք անգամ լինել չի կարող։ Ոչ մի ապտակ, անկյուն կանգնեցնել և այլն։ Փոքր տարիքում իմ ամենասարսափելի պատիժն այն էր, երբ մայր ասում էր. «Մարգարիտա, դու ինձ հիասթափեցրիր»։ Այդ ժամանակ ես 8 տարեկան էի», – խոստովանել է Սիմոնյանը։

Посмотреть эту публикацию в Instagram

Публикация от Маргарита Симоньян (@_m_simonyan_)

Նա նշել է, որ ցանկացած ֆիզիկական պատժամիջոց նվաստացնում է երեխային և ազդում նրա հոգեբանության վրա։ Սիմոնյանի կարծիքով` ամուսինը` Տիգրան Քեոսայանը, երեխաների դաստիարակման հարցում նույն կարծիքն ունի։

Ինչպես է Մարգարիտա Սիմոնյանի մեծ ընտանիքն անցկացնում ժամանակը մեկուսացման ընթացքում

Այդ գրառումից մի քանի ժամ առաջ Սիմոնյանը հուզիչ տեսագրություն էր հրապարակել և ցույց տվել կրտսեր դստերը` 6 ամսական Մարոյին։ Փոքրիկը խաղում է տատիկի` հայտնի դերասանուհի Լաուրա Քեոսայանի հետ։

Посмотреть эту публикацию в Instagram

Публикация от Маргарита Симоньян (@_m_simonyan_)

Նշենք, որ Սիմոնյանը միշտ երեխաների դեմքը փակում է սթիքերներով, սակայն այս անգամ մի պահ սմայլիկն իջնում է, և մենք կարողանում ենք տեսնել հիասքանչ Մարոյին իր սև ու խիտ հոնքերով և կլոր թշիկներով։

Մարգարիտա Սիմոնյանը երրորդ անգամ մայրացավ 2019 թվականի հոկտեմբերի 19-ին։

Մարգարիտա Սիմոնյանի ամուսինն ու դուստրը նարդի են խաղում. տեսանյութ

15
թեգերը:
երեխա, Տիգրան Քեոսայան, Մարգարիտա Սիմոնյան
Ըստ թեմայի
«Գիտեմ, որ ծեր ժամանակ այսպիսի տեսք եմ ունենալու». ի՞նչ է ակնարկել Մարգարիտա Սիմոնյանը
Մարգարիտա Սիմոնյանը հայտնել է նորածին դստեր անունը
Տիգրան Քեոսայանն ու Մարգարիտա Սիմոնյանը «Զարթիր, լաո» են երգում. վերադարձ դեպի արմատներ
Փայլակ Թադևոսյան

Թադևոսյան. «Հարկային սահմանափակումները խոչընդոտում են ձեռնարկատերերին»

0
«Հարկ վճարողների պաշտպանություն» ՀԿ ղեկավար Փայլակ Թադևոսյանը Sputnik Արմենիայի եթերում անդրադարձել է ԱԺ–ի կողմից երկրորդ ընթերցմամբ և ամբողջությամբ ընդունված Հարկային օրենսգրքում լրացում կատարելու մասին նախագծին։ 
Թադևոսյան. Հարկային սահմանափակումները գործող օրենսգրքով խոչընդոտում են ձեռնարկատերերին։

«Հարկ վճարողների պաշտպանություն» ՀԿ ղեկավար Փայլակ Թադևոսյանի դիտարկմամբ` բոլոր հարկ վճարողներին հնարավորություն է տրվում ըստ հայեցողության ընտրել ամորտիզացիոն ժամկետները: Թեև դժվար է ասել՝ կավելանան արդյոք ներդրումները կորոնավիրուսի հետ կապված պայմաններում, սակայն, ըստ մեր զրուցակցի, ամորտիզացիոն մասհանումների ժամկետներն ու կարգն ամբողջությամբ վերանայելու անհրաժեշտություն կա, որովհետև նույն ամորտիզացիոն մասհանումների մասով սահմանափակումները գործող օրենսգրքով ոչ միայն չեն խրախուսում, այլ խոչընդոտում են ձեռնարկատերերին։ 

«Հարցին պետք է տալ ընդհանրական լուծում և ամբողջությամբ վերանայել ամորտիզացիոն մասհանումների ներկայիս կարգավորումները, և դա պետք է արվի բոլորի համար։ Հիմնական որոշակի միջոցների համար պետք է սահմանվի կոնկրետ ժամկետ, այլ ոչ թե այն միջոցների, որոնք ընտրված են ըստ ցուցակի։ Ըստ այդմ` տեղին չէ, որ, օրինակ, շենք–շինությունների և տրանսպորտային միջոցների համար սահմանվում է ժամկետ, իսկ մյուս միջոցների պարագայում հարցը թողնվում է հարկ վճարողների հայեցողությանը։ Գործող հաշվապահական ստանդարտներին համահունչ` ձեռներեցը պետք է որոշի, թե բիզնես գործունեությունից ելնելով` որ հիմնական միջոցն ինչ ժամկետում ամորտիզացիա անի»,– Sputnik Արմենիայի հետ զրույցում ասաց նա։ 

Թադևոսյանի խոսքով` շատ խնդիրներ կան նաև կապիտալ ընթացիկ ծախսերի դասակարգման հետ կապված։ Ըստ նրա` եթե ինչ–որ բան արվում է, ապա պետք է արվի ամբողջական, և ոչ թե մասնակի։ 

Կորոնավիրուսի պատճառով հարկերը չվճարած գործարարների տույժ-տուգանքները կնվազեցվեն

«Օրինակ՝ կան սարքավորումներ, որոնց համար թեև նվազագույն ամորտիզացիոն ժամկետն ութ տարի է, բայց այս կարգավորումը հնարավորություն է տալիս այդ հիմնական միջոցները շահագործող հարկ վճարողներին մինչև տարեվերջ ներդրում անելու դեպքում ժամկետն ընտրել ըստ հայեցողության, այսինքն` ավելի կարճ ժամկետում»,– նշեց Թադևոսյանը։ 

Թադևոսյանի գնահատմամբ` շատ գործոններ կարող են ազդել ներդրումների աճի վրա` սկսած կորոնավիրուսից, վերջացրած տնտեսական ճգնաժամով, հետևաբար նոր ներդրումներ անելու առումով գործարարների մոտ դեռ սպասողական վիճակ է։

Նշենք, որ Հարկային օրենսգրքում լրացում կատարելու մասին նախագծի հեղինակը ԱԺ տնտեսական հարցերի մշտական հանձնաժողովի նախագահ Բաբկեն Թունյանն է: Փոփոխություններով  մինչև այս տարվա վերջ կատարվող ներդրումների դեպքում տնտեսվարողները կարող են օգտվել արագացված ամորտիզացիայի հնարավորությունից։

Պետությունը հարկ վճարողներին նոր գործիք է առաջարկում. ի՞նչ կտա օրենքի փոփոխությունը

0
թեգերը:
տնտեսություն, ԱԺ, Ներդրում, հարկային օրենսգիրք, Հայաստան
Ըստ թեմայի
Հայաստանը պետք է լինի պատրաստի արտադրանքի երկիր. կորոնավիրուսը կանցնի, տնտեսությունը կմնա
Հարկային օրենսգրքում դեռևս շատ խնդրահարույց դրույթներ կան. Սամսոն Գրիգորյան
Կորոնավիրուսի համավարակն ու Հայաստանի տնտեսությունը. կկարողանա՞նք ոտքի վրա մնալ
«Մեր տնտեսությունը և բնակչությունը պետք է պատրաստվեն տնտեսական մեծ անկման». Պարսյան