Դայանա Դավթյան

«Միսս տիեզերք 2019»–ի Հայաստանի մասնակից Դայանա Դավթյանը պատասխանում է քննադատություններին

456
(Թարմացված է 10:54 16.12.2019)
Համացանցում բուռն քննարկվում է «Միսս տիեզերք 2019» գեղեցկության մրցույթի մեր մասնակցի հայկական տարազը։

ԵՐԵՎԱՆ, 15 դեկտեմբերի — Sputnik. Զգեստն անհարմար էր՝ ներսից միացված էր «սկրեպներով» և կապվում էր թելերով, որոնք արձակելու համար օգնողները ստիպված եղան կտրել դրանք, այլապես այն հանել հնարավոր չէր։ Այս մասին Facebook-յան իր էջում գրել է «Միսս տիեզերք 2019» մրցույթում Հայաստանը ներկայացրած Դայանա Դավթյանը` անդրադառնալով վերջին օրերի բուռն քննադատություններին, որոնք ուղղված էին մրցույթում իր ներկայացրած տարազին։

Ըստ մրցույթի կանոնների` մասնակիցները պետք է ներկայանան ազգային հագուստով, երեկոյան զգեստով և լողազգեստով։

«Շատերդ երևի տեղյակ եք «Միսս տիեզերք 2019» մրցույթում դիզայներ Վերա Սմբատիի (Մխիթարյան) հեղինակած և իմ ներկայացրած հայկական տարազի վերաբերյալ մասնագետների և հանրության խիստ բացասական արձագանքի մասին: Ցանկանում եմ պարզաբանել. զգեստի վերաբերյալ բացասական կարծիք ինքս երբեք չեմ արտահայտել, մինչդեռ զգեստն անհարմար էր։ Թևերի սուր վերջավորությունները թեքվում էին կողք, գլխազարդը փոքր էր և չէր ֆիքսվում, գոտին լայն էր: Այնուամենայնիվ, տարազը ներկայացրեցի մաքսիմալ լավ կերպով»,–գրել է Դայանան:

Նրա խոսքով` իրեն վրդովեցրել է, որ զգեստի դիզայները և «Միսս տիեզերք Արմենիայի» ազգային տնօրեն Գոհար Հարությունյանը որոշել են բացասական արձագանքներից խուսափելու համար մեղադրել իրեն՝ իրենց իսկ ստեղծած զգեստի ձախողման համար։

Ներեցեք, սխալվել ենք՝ դուք ամենագեղեցիկը չեք

«Սանրվածքի վերաբերյալ ստույգ որոշում չի եղել, խոսվել է երկու տարբերակի մասին՝ հետևից հավաքած կամ երկու հյուս։ Հյուսերն արել եմ ինքս մի քանի րոպեում՝ օգնող չկար, իսկ առաջին տարբերակը բացառվեց գլխազարդի փոքր չափսի պատճառով»,–գրել է Դայանան` հավելելով, որ շրթներկի գույնն ընդհանրապես չեն քննարկել:

Մինչ մրցույթին մեկնելը Դայանան դժգոհել է, որ հագուստի գոտին կախ է ընկած, դիզայները պատասխանել է`  թող գոտկատեղից ներքև ամրանա: Իսկ գլխազարդը վերջին օրը փոխարինել են նորով, որը փոքր է եղել Դայանայի գլխի չափից և չի ֆիքսվել:

Անդրադառնալով այն մեղադրանքներին, թե իր ձեռքի պարային շարժումը լավը չէր, Դայանան գրել է, որ ինքը տնօրինությանը տեղեկացրել էր, որ ազգային պարերին չի տիրապետում։

Գեղեցկուհին Sputnik Արմենիայի հետ զրույցում ասաց, որ տարազը ներկայացնելու համար ստիպված երգչուհի Սիրուշոյի տեսահոլովակներից մեկից է կրկնօրինակել այդ շարժումը։

«Վերան հենց ինքն էր պատվիրել չժպտալ՝ բացատրելով, որ տարազի հետ ժպիտն անհամատեղելի է: Իսկ հիմա տնօրենի հետ մեղադրում են ինձ չժպտալու մեջ»:

Դայանան նշել է, որ զգեստի դիզայներն իրեն անձնական վիրավորանքներ հասցնելուց բացի, նաև առցանց տիրույթում է հրապարակումներ արել։ Իր հասցեին հնչած մեղադրանքները գեղեցկուհին  համարում է ոչ ադեկվատ։

«Երբ Վերային ասացի, որ ես նույնպես կարող եմ համացանցով պատասխանել ու ճշմարիտ նկարագրել իրավիճակը, նրա պատասխանն էր. «Ես Գոհարի հետ եմ, և եթե այդպիսի բան անես, ապա քեզ պախարակող բան կանենք, խայտառակություն կլինի քո համար» (բառացի մեջբերում եմ ձայնային հաղորդագրությունից, որը կարող եմ տրամադրել): Իսկ ազգային տնօրենը սպառնում է հրավիրել մամուլի ասուլիս և տիտղոսազրկել ինձ՝ ճշմարտությունը բարձրաձայնելու դեպքում»,–գրել է նա:

Մրցույթ և հետնաբեմի ինտրիգներ. հայուհին` «Սուպեր զբոսաշրջային թագուհի» տիտղոսակիր

Մրցույթի ազգային տնօրեն Գոհար Հարությունյանը մեկնաբանել է Դայանայի գրառումը՝ նշելով, որ միջազգային ոչ մի հետևորդ հագուստը չի ծաղրել, միայն Դայանայի ձեռքի շարժումը, որը իրականում սխալ նկարի հետևանք էր (լուսանկարում տպավորություն է, որ Դայանան ձեռքով STOP շարժում է անում)։ Իսկ մասնակցությունը չի սահմանափակվել միայն տարազով: «Այնտեղ որոշիչ է եղել հարցազրույցի փուլը, երեկոյան հագուստը և լողազգեստը: Ես՝ որպես մրցույթի կազմակերպիչ, վստահ ասում եմ, որ իմ չանը թուլացել է այնքան եմ ասել Դայանային, որ գեղեցկուհին լայն ժպիտով պետք է ներկայանա: Այն, որ դա տեղի չի ունեցել, ակնհայտ է»,–գրել  է  Գոհարը։

Նա նաև անդրադարձել է մրցույթի  բավականին թանկ անդամավճարին, ավիատոմսին, բեմական բոլոր հագուստների տրամադրմանը, անկետաների պատրաստմանը և այլ մանրամասների։

Խոսելով  հագուստի և աքսեսուարներն անհարմարության մասին` Գոհարը գրել է, որ Վերան տարազը կարել է ամբողջությամբ իր ռեսուրսներով։

«Մեծ քանակությամբ էսքիզներից ընտրել ենք Դայանայի հետ այս զգեստը, ոտքի բացվածքը նույնպես եղել է Դայանայի ցանկությամբ: Անգամ եթե ինչ - որ մի բան չի ստացվել, Վերան մեծ նվիրվածությամբ է ստեղծել այն: Նորից եմ ասում, այստեղ կարևորը Դայանայի տրամադրությունն էր, որից բողոքելու իրավունքը ես ունեմ, քանի որ իր մասնակցությունը իմ մեկ տարվա աշխատանքն է»։

Գոհարի խոսքով` չի կարելի պախարակել մի մարդու, որը դժվար ժամանակ ձեռք է մեկնել, իր բյուջեով  ստեղծել է տարազ ու անվճար տրամադրել։

Ինչպես է «Երևանի սիրուն աղջիկը» գերել ժյուրիին. Անգելինա Տանանյանն անկեղծացել է

Sputnik Արմենիան կապ հաստատեց Գոհար Հարությունյանի հետ՝ ստեղծված իրավիճակի մասին պարզաբանումներ ստանալու նպատակով։ Վերջինս տեղեկացրեց, որ իր ամբողջ ասելիքը կհայտնի առաջիկա օրերին հրավիրված ասուլիսի ժամանակ։

456
թեգերը:
տարազ, Գեղեցկության մրցույթ, Գեղեցկուհի, «Միսս Տիեզերք», Դայանա Դավթյան
Ըստ թեմայի
«Ահավոր է»․ լրագրողն արթնացրել է գեղեցկության մրցույթի մասնակիցներին. տեսանյութ
Սքանչելի հնդկուհին հաղթել է Miss CosmoWorld-2019 գեղեցկության մրցույթում․ լուսանկար
Մոսկվայում կայացան միանգամից 3 գեղեցկության մրցույթների եզրափակիչները. շլացնող ֆոտոշարք
Երեխա

Մասիսի բնակչուհին 1–ամյա որդուն 500 000 դրամով վաճառել է. հարուցվել է քրգործ

137
(Թարմացված է 19:25 14.08.2020)
Մեկ տարեկան տղայի գնորդը ճանաչել է երեխայի հայրությունը, վերցրել են նրա ազգանունով նոր ծննդյան վկայական։

ԵՐԵՎԱՆ, 14 օգոստոսի — Sputnik. Դատախազությունը տեղեկացնում է, որ Արարատի մարզում մեկամյա երեխայի առուվաճառքի դեպք է բացահայտվել. հարուցվել է քրեական գործ։

«Ոստիկանության Մասիսի  բաժնում օպերատիվ տվյալներ են ստացվել, որ  2020թ. մայիսին Մասիսի բնակչուհին իր մեկամյա երեխային վաճառել է: Իրականացված աշխատանքի արդյունքում այս տարվա մայիսի 13-ին Մասիսի բնակչուհին հաղորդում է տվել, որ իր որդուն 500 000  դրամ  դիմաց վաճառել է Երևանում բնակվող ամուսիններին։ Վերջիններս մաս-մաս վճարել են ընդամենը 300 000 դրամ»,–նշված է հաղորդագրության մեջ։

Պարզվել է` նշված կինը 2019թ. ապրիլին ծննդաբերել է տղա երեխա: Վերջինս Երևանի բնակիչ հանդիսացող ամուսինների հետ նախապես համաձայնության գալով իր մեկամյա որդուն 500 000 դրամի դիմաց նրանց վաճառելու շուրջ՝ 2020թ. մայիսի 5-ին գնացել է Մասիսի ՔԿԱԳ տարածքային բաժին։ Այնտեղ գնորդը  ճանաչել է երեխայի հայրությունը և ստացել է վերջինիս ազգանունով երեխայի՝ նոր ծննդյան պետական վկայականը։

Օրեր անց գնորդ ամուսիները հարազատների հետ գնացել են երեխայի կենսաբանական մոր տուն, որտեղ երեխայի առքի համար նախատեսված պայմանավորված 500 000 դրամից վճարել են 200 000 դրամ  գումար, մնացած մասը՝ 300 000 դրամը, պայմանավորվել են վճարել հետագայում։ Նրանք երեխային տարել են իրենց հետ, իսկ հաջորդ ամիսներին վճարել ևս 50 000 դրամ։

Նորածին վաճառելու նոր փորձ է եղել. ինչքա՞ն է «գնահատվում» Հայաստանում երեխան

Հարուցվել է քրեական գործ՝ ՀՀ քրեական օրենսգրքի 168-րդ հոդվածի 1-ին մասով, այն է` խնամքը ստանձնելու նպատակով երեխայի առքը կամ ստանձնողի խնամքին հանձնելու նպատակով երեխայի վաճառքը։ Նախաքննություն կատարելու համար քրեական գործն ուղարկվել է ՀՀ քննչական կոմիտեի Մասիսի քննչական բաժին:

Միջոցներ են ձեռնարկվում դեպքի լիարժեք հանգամանքները պարզելու ուղղությամբ:

Հիշեցնենք, որ վերջին օրերին նորածնի վաճառքի դեպքեր էին գրանցվել Արարատի մարզում։ Ավելին` հուլիսի 29-ին զարհուրելի դեպք էր տեղի ունեցել Երևանում. կինը ծննդաբերել է, հետո երեխային փաթեթավորելով պոլիէթիլենային տոպրակի մեջ՝ նետել աղբարկղը։

137
թեգերը:
Մասիս, Քրեական գործ, ՀՀ դատախազություն, վաճառք, երեխա
Ըստ թեմայի
Երկու երեխայի վաճառք կազմակերպելու կասկածանքով ձերբակալված կա. ՔԿ
Ոստիկանները երեխայի վաճառքի դեպք են բացահայտել
Ավտոբուս, արխիվային լուսանկար

Ժամանակավոր կասեցվել է մի շարք երթուղայինների գործունեությունը

69
Երթուղայինների աշխատանքները վերահսկելու համար ստուգայցերի ժամանակ պարզվել է, որ մի շարք երթուղայիններ երթևեկել են գերբեռնված։

ԵՐԵՎԱՆ, 14 օգոստոսի - Sputnik. ՀՀ կառավարությունը տեղեկացնում է, որ ժամանակավոր կասեցվել են մի շարք երթուղայինների գործունեությունը` հակահամաճարակային կանոնները չպահպանելու համար։

«Օգոստոսի 14-ին, ՀՀ պարետի որոշմամբ 24 ժամով կասեցվել է կանոնավոր ուղևորափոխադրում իրականացնող N 8, N 57, N 44, N 42, N 39 համարի երթուղիները սպասարկող թվով 18 տրանսպորտային միջոցի գործունեություն։ Դրանք պարբերաբար երթևեկել են գերբեռնված»,– նշված է հաղորդագրության մեջ։

Կասեցման աշխատանքներին զուգահեռ, շարունակվել է ուժեղացված վերահսկողություն իրականացվել Երևանի Կենտրոն վարչական շրջան մուտք գործող հանրային տրանսպորտի նկատմամբ։ Բաղրամյան պողոտայում, Աբովյանի պուրակի հարակից կանգառներում, Ծովակալ Իսակովի պողոտայի ողջ երկայնքով իրականացված վերահսկողական աշխատանքների արդյունքում մարդատար տաքսի ավտոմոբիլներով ուղևորափոխադրում իրականացնող տրանսպորտային միջոցներում խախտումներ չեն հայտնաբերվել։ Իսկ կանոնավոր երթուղիներում ուղևորափոխադրում իրականացնող տրանսպորտային միջոցներում հայտնաբերվել են սահմանված քանակից ավելի ուղևորների նստեցումով փոխադրում իրականացնելու դեպքեր։

Վարորդները չեն վախենում կորոնավիրուսից․ նրանց ավելի շատ անհանգստացնում է եկամուտի պակասը

Արձանագրված խախտումների դեպքերով կազմվել են արձանագրություններ։

ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետները մշտադիտարկումների և վերահսկողության հետ իրականացրել են բացատրական և իրազեկման աշխատանքներ։

69
թեգերը:
պարետ, ուղևոր, վարորդ, երթուղային, երթուղի, Երևան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Երթուղայինների վարորդներն աջակցություն են պահանջում. ինչ են ասում քաղաքապետարանից
Երևանում միկրոավտոբուսային երթուղիներից ևս մեկի սպասարկումը կդադարեցվի
Բողոքի ակցիա Երևանում. երթուղայինների վարորդները չգիտեն՝ ինչպես տունը պահեն
Երթուղայինների վարորդներն առանձին աջակցություն չեն ստանա. նախարար

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

0
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

0
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ