ԵՐԵՎԱՆ, 15 դեկտեմբերի – Sputnik. Հայաստանի տարածքում դեկտեմբերի 15-19-ը սպասվում է առանց տեղումների եղանակ: Քամին կլինի հարավարևմտյան՝ 3-8 մ/վ արագությամբ: Այս մասին տեղեկացնում է ՀՀ ԱԻՆ մամուլի ծառայությունը։
«Օդի ջերմաստիճանը դեկտեմբերի 15-17-ն աստիճանաբար կբարձրանա 5-7 աստիճանով»,–ասվում է ԱԻՆ հաղորդագրության մեջ:
Ըստ հիդրոօդերևութաբանների կանխատեսումների` Երևան քաղաքում նույնպես դեկտեմբերի 15-19-ը սպասվում է առանց տեղումների եղանակ։
Հիշեցնենք` եղանակային կանխատեսումների վերաբերյալ Facebook–ի իր էջում պարբերաբար գրառումներ է անում ՀՀ ԱԻՆ Հիդրոմետ ծառայության օդերևութաբանական կենտրոնի պետ Գագիկ Սուրենյանը։
Երեկ` դեկտեմբերի 14–ին, նա հրապարակել էր քարտեզի նկար, որի վրա դեկտեմբերի 14-22-ը ընկած ժամանակահատվածի համար ըստ գունային գամմաների ներկայացված էին օդի միջին ջերմաստիճանի շեղումը կլիմայական նորմայից։
Քարտեզի վրա երևում էր, որ ողջ Եվրոպայում, Ռուսաստանի Եվրոպական մասում, Փոքր Ասիայում, Մերձավոր Արևելքում, Կովկասում և Հայաստանում կանխատեսվում է կլիմայական նորմայից բարձր ջերմաստիճան 5-7, առանձին հատվածներում` 8-10 աստիճանով։