Նազենի Հովհաննիսյան

«Նադյան հաստատ հանգիստ է...». Նազենի Հովհաննիսյանը Էմմիի հետ լուսանկար է հրապարակել

519
(Թարմացված է 16:10 12.12.2019)
Դերասանուհի Նազենի Հովհաննիսյանը հիշել է իր ծնողներին և լուսանկար հրապարակել իր բախտակցի հետ` գրելով, որ մարդու լավագույն ընկերները մնում են ծնողները։

ԵՐԵՎԱՆ, 12 դեկտեմբերի — Sputnik. Հայտնի դերասանուհի, հաղորդավարուհի Նազենի Հովհաննիսյանը նոր լուսանկար է հրապարակել երգչուհի Էմմիի հետ և խոսել նրա ծնողների հետ իր ընկերության և Էմմի հետ մտերմության մասին։

«Իմ Էմման է, երբ փոքր էր, իր ծնողները` Նադյան ու Դոդոն, իմ ընկերներն էին, իմ սիրելի ավագ ընկերները, իմաստուն ու շատ հետաքրքիր, որոնցից ամեն րոպե մի նոր բան էիր սովորում: Մեծանալով` մենք դարձանք ընկերներ։Բայց դե միևնույնն է, Էմմայի լավագույն ընկերները իր ծնողներ էին: Իմ հայրն ու մայրն էլ իմ ընկերն էին, իմ կյանքը, ամեն ինչը»,–գրել է հաղորդավարուհին և նշել, որ ծնողի կորուստն անդառնալի ու անբուժելի մի բան է։

Նազենիի խոսքով` նվիրված մայր, դուստր ու կին է` իր հեքիաթային ընտանիքով։

«Նադյան հաստատ հանգիստ է` իմանալով, որ դու երջանիկ ես: Հ.Գ. ԱՄՆ- ում առանց մեծերի անընդհատ օգնության շատ դժվար է երեխա մեծացնել, բրավո բոլոր մամաներին ու նրանց հավասարապես օգնող պապաներին) ( չօգնողների մասին լռում եմ )»,–գրել է Նազենին։

View this post on Instagram

A post shared by Nazeni Hovhannisyan (@nazenihovhannisyan) on

Հաղորդավարուհու էջի հետևորդները շատ են հավանել լուսանկարը։ Նրանք բազմաթիվ դրական մեկնաբանություններ են գրել աղջիկների հասցեին։

«Այնքան ջերմություն կա այս լուսանկարում», «Ինչքան կարոտ կա Էմմիի աչքերում», «Շաաատ հուզիչ է, երկուսդ էլ շատ վաղ եք կորցրել Ձեր ամենաթանկերին»,–գրել են հետևորդները։

Երկար ժամանակ հարցազրույց չէի տալիս. Էմմին`ծնողների և երեխաների մասին

Հիշեցնենք, որ Նազենիի մայրը` Էմմա Հովհաննիսյանը, մահացել է 2011 թվականի դեկտեմբերի 20-ին։ 2019–ի մայիսի 24-ին էլ կյանքից հեռացավ դերասանուհու հայրը։

Իսկ Էմմիի հայրը` հայտնի քանդակագործ Դավիթ Բեջանյանը մահացել է 2011թ.–ին, մայրը` սիրված երգչուհի Նադեժդա Սարգսյանը, երկարատև հիվանդությունից հետո, կյանքից հեռացավ 2018թ.–ին։

Էմմին արցախյան ելույթից հետո վազել է տղաների մոտ. լուսանկար

519
թեգերը:
ծնող, Instagram, Մահ, մայր, հայր, ընտանիք, Լուսանկար, Նազենի Հովհաննիսյան, Էմմի
Ըստ թեմայի
Հիմա ամենահարուստն ենք. երգչուհի Էմմին առաջին անգամ ամուսնու հետ լուսանկար է հրապարակել
Նազենի Հովհաննիսյանը բացահայտել է իր կազմվածքի գաղտնիքը
«Անձրևային Երևան». Սիրուշոյի ընտանեկան զբոսանքը մայրաքաղաքում. տեսանյութ
Արցախցի ընտանիք

Արցախցի ընտանիքներին հյուրընկալածները պետությունից աջակցություն կստանան

6
(Թարմացված է 11:48 03.12.2020)
Կառավարության որոշմամբ` փոխհատուցման կարգը մշակվել է առաջիկա 6 ամիսների համար: Այն կրելու է ժամանակավոր բնույթ:

ԵՐԵՎԱՆ, 3 դեկտեմբերի – Sputnik. Արցախցի ընտանիքներին հյուրընկալած հայաստանցիներն ու արցախցիները պետությունից ֆինանսական աջակցություն կստանան: Տեղեկությունն այսօր կառավարության նիստում հայտնեց ՀՀ աշխատանքի և սոցիալական հարցերի նախարար Մեսրոպ Առաքելյանը՝ ներկայացնելով համապատասխան որոշման նախագիծը:

«Յուրաքանչյուր անձի համար՝ ՀՀ-ում՝ 30 000 դրամ, Արցախում՝ 45 000 դրամի չափով»,- ասաց Առաքելյանը:

Նրա խոսքով` միջոցառումը կրելու է ժամանակավոր բնույթ, և առայժմ հաշվարկված է առաջիկա 6 ամսվա համար: Գումարը հատկացվելու է ամսական սկզբունքով:

«Հյուրընկալող քաղաքացիները կարող են դիմել էլեկտրոնային նամակով՝ կցելով այն քաղաքացիների տվյալները, ում հյուրընկալում են»,- ասաց նախարարը:

Փոխհատուցվող գումարը չի հարկվելու:

1–5 մլն դրամ. պետությունն աջակցություն կտրամադրի զոհերի ընտանիքներին ու հաշմանդամներին

Նշենք, որ Արցախում սեպտեմբերի 27–ին մեկնարկած թուրքա–ադրբեջանական ագրեսիայի հետևանքով շատ արցախցիներ` հիմնականում կանայք և երեխաներ,  ժամանակավորապես տեղափոխվել են Հայաստան։

6
թեգերը:
օգնություն, Պատերազմ, Հայաստան, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ընդդիմությունը վարչապետի թեկնածուի հարցում միաձայն որոշում է կայացրել. հայտնի է նրա անունը
Ստեփանակերտում ռուս խաղաղապահները մոտ 100 պայթյունավտանգ առարկա են վնասազերծել
Շուշեցիները խաղաղ ակցիա են իրականացնում ՀՀ-ում Արցախի ներկայացուցչության շենքի դիմաց
Վարդենիս. արխիվային լուսանկար

Կառավարությունը կփոխհատուցի Հայաստանում տուն ու ունեցվածք կորցրած քաղաքացիներին

14
(Թարմացված է 11:57 03.12.2020)
Կառավարության որոշմամբ` ՀՀ տարածքում գույքային վնասներ կրած քաղաքացիները պետությունից փոխհատուցում կստանան, իսկ տուն կորցրած ընտանիքը՝ կացարան:

ԵՐԵՎԱՆ, 3 դեկտեմբերի – Sputnik. Սեպտեմբերին ադրբեջանա–թուրքական ուժերի սանձազերծած պատերազմական գործողությունների հետևանքով Հայաստանում անշարժ գույքը կորցրած քաղաքացիները պետական ֆինանսական աջակցություն կստանան: Տեղեկությունն այսօր կառավարության նիստում հայտնեց ՀՀ աշխատանքի և սոցիալական հարցերի նախարար Մեսրոպ Առաքելյանը՝ ներկայացնելով համապատասխան որոշման նախագիծը:

«Հիմնականում Սյունիքի մարզում ու մի փոքր հատված նաև Գեղարքունիքի մարզում, ընդհանուր առմամբ` մոտ 75 միավոր անշարժ գույքի մասին է խոսքը»,- ասաց Առաքելյանը:

Փոխհատուցման չափը, նրա խոսքով, հաշվարկել ու մարզպետարաններ են ներկայացրել ՀՀ տարածքային կառավարման ու ենթակառուցվածքների նախարարությունն ու Քաղաքաշինության կոմիտեն: Բայց, ըստ նախարարի, վնասները հիմնականում մեծ չափերի չեն:

«Միայն մեկ դեպքի մասով ունենք տան ամբողջական վնասում, որտեղ հնարավոր չէ բնակվել: Կոնկրետ այդ ընտանիքի մասով քննարկում է իրականացվում առանձին կացարանով ապահովելու համար»,- ասաց Առաքելյանը:

Ի պատասխան վարչապետի հարցադրման, թե արդյո՞ք այս որոշմամբ քաղաքացիների վնասներն ամբողջությամբ փոխհատուցվում են, սոցապնախարարն ասաց, որ բացի վերոհիշյալ մեկ դեպքից, մնացած բոլոր դեպքերում վնասները փոխհատուցվում են:

«Քանի որ այս խմբի վնասները փոքր են, քննարկման արդյունքում նպատակահարման ենք գտել կանխիկ գումարի տեսքով փոխհատուցել»,- ասաց Առաքելյանը՝ հավելելով, որ գումարները կհատկացվեն առավելագույնը՝ 25-20 օրվա ընթացքում:

Ինչ վերաբերում է շարժական գույքի վնասներին, դրանք դեռ հաշվառման ու քննարկման փուլում են:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Քաղաքացիական բնակչության շրջանում զոհեր ու վիրավորներ են եղել։

Հեծանիվի անվադողը՝ «ժգուտ», պատկերասրահն էլ՝ տեսակավորման կայան. կամավոր դարձած հայություն

14
թեգերը:
կառավարություն, փոխհատուցում, Պատերազմ, Գեղարքունիքի մարզ, Վարդենիս
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Կարևոր է, որ սահմանը պահողների միտքը հանգիստ լինի. ի՞նչ կարգով փոխհատուցում կստանան
ՀՀ–ում քննարկվում է հյուրատների և հյուրանոցների կոմունալ ծախսերի փոխհատուցման հարցը
Զոհված, անհայտ կորած, վիրավոր. ո՞ւմ ընտանիքները կարող են փոխհատուցում ստանալ հիմնադրամից