Գևորգ Պետրոսյան

Հայաստանի իշխանության համար ՍԴ–ն միակ անառիկ «կղզյակն» է. պատգամավոր

47
(Թարմացված է 13:56 11.12.2019)
«Բարգավաճ Հայաստան» կուսակցության պատգամավորն ասել է, թե ինչ վտանգներ ունի Սահմանադրական դատարանի անդամների վաղաժամկետ թոշակի անցնելու մասին օրենքը։

ԵՐԵՎԱՆ, 11 դեկտեմբերի – Sputnik. Հայաստանի իշխանությունն ուզում է իրեն ենթարկեցնել վերջին անկախ ատյանը` Սահմանադրական դատարանը։ Այս մասին այսօր ճեպազրույցի ժամանակ ասաց «Բարգավաճ Հայաստան» խմբակցության պատգամավոր Գևորգ Պետրոսյանը` մեկնաբանելով ՍԴ դատավորների վաղաժամկետ թոշակի անցնելու մասին օրենքի ընդունումը։

Այսօր ԱԺ–ն երկրորդ ընթերցմամբ հավանություն տվեց ՍԴ դատավորների վաղաժամկետ թոշակի անցնելու մասին օրինագիծը։ «Կողմ» են քվեարկել 82, «դեմ»` 34 պատգամավորներ։

Պետրոսյանի խոսքով` ներկայիս իշխանությունը քննադատում էր նախորդներին երկրի բոլոր ատյաններն իրենց ենթարկեցնելու փորձի համար։ Սակայն ներկայումս նույն բանն է անում։

«Միակ անառիկ ատյանը, «կղզյակը», որ մնացել է, Սահմանադրական դատարանն է։ Եթե դա էլ իրենցով անեն, ուրեմն այս երկրում չկա այնպիսի մարմին, որը իշխանության հլու–հնազանդ ծառան չլինի», – ասաց Պետրոսյանը։

Մելոյան. «ՍԴ-ի շուրջ ստեղծված իրավիճակը չի կարելի որակել որպես ճգնաժամ»

Նրա խոսքով` «Բարգավաճ Հայաստանն» ուզում է, որ Սահմանադրական դատարանը լինի այն իրավական, ինստիտուցիոնալ զսպաշապիկը, որը կմեղմի, կկանխի իշխանության ոչ լեգիտիմ հավակնությունները։

Ըստ պատգամավորի` ԲՀԿ–ի համար կարևոր չէ Հրայր Թովմասյանի անձը, որի նշանակմանը իրենց խմբակցությունում  դեմ  են քվեարկել դեռ անցյալում։

Դատարանների նկատմամբ վստահության պակասի մեղավորը քաղաքական իշխանությունն է. ՍԴ դատավոր

Նախագիծը լուրջ հասարակական ու քաղաքական իրարանցում է առաջացրել, ընդդիմությունը մեղադրում է իշխանությանը, որ օրենքը նպատակ ունի հասնել ՍԴ նախագահ Հրայր Թովմասյանի հրաժարականին, որը Հայաստանի նախկին իշխանության ներկայացուցիչն է։ ՍԴ նախագահի հեռացումը Սահմանադրական դատարանի լիազորություններից է, սակայն ներկայիս կազմը չաջակցեց իրենց ղեկավարի դեմ իշխանության նախաձեռնած իմպիչմենտին։

47
թեգերը:
Պատգամավոր, Թոշակ, Դատարան, Դատավոր, Սահմանադրական դատարան, Բարգավաճ Հայաստան կուսակցություն (ԲՀԿ), Վարդան Պետրոսյան, Հայաստան
Ըստ թեմայի
Արդարադատության նախարարը պատրաստ է թոշակի գնալ. Բադասյանն ասել է` որ դեպքում
«Իմ քայլն» ընդմիջում է խնդրել դատավորներին թոշակի ուղարկելուց առաջ
Մեր ուշքը գնո՞ւմ է Հրայր Թովմասյան պլյուս վեցնյակի համար. Նաիրա Զոհրաբյան
Նոր Սահմանադրություն ընդունելու պահանջը հասարակակա՞ն է, թե՞ լոկ քաղաքական. Ղազարյան
 Facebook

Ադրբեջանի իշխանությունն արգելափակել է գրեթե բոլոր սոցիալական ցանցերը

153
(Թարմացված է 11:40 27.09.2020)
Ադրբեջանում վաղ առավոտից սոցցանցային օգտատերերը բողոքում են, որ Facebook, Youtube, Whatsapp, TikTok սոցցանցային հարթակները չեն աշխատում։

ԵՐԵՎԱՆ, 27 սեպտեմբերի - Sputnik. Ադրբեջանի իշխանությունները արգելափակել են գրեթե բոլոր սոցիալական ցանցերը: Տեղեկությունը հայտնում է երկրի տրանսպորտի, կապի և բարձր տեխնոլոգիաների նախարարությունը:

Ադրբեջանի իշխանությունները պարզաբանել են, որ սոցիալական ցանցերի արգելափակումը պայմանավորված է «Հայաստանի կողմից լայնածավալ սադրանքները կանխելու համար»:

«Հուսով ենք, որ Ադրբեջանի քաղաքացիները ըմբռնում կցուցաբերեն՝ կապված այն սահմանափակումների հետ, որոնք կարող են ծագել սոցցանցային տիրույթում ՝ հակամարտության համատեքստում»,- նշել են նախարարությունից:

Նշենք, որ Ադրբեջանում սոցցանցային օգտատերերը վաղ առավոտից բողոքում են, որ Facebook, Youtube, Whatsapp, TikTok սոցցանցային հհարթակները չեն աշխատում:

Մեկ կին և մեկ երեխա. Մարտունիում խաղաղ բնակիչներ են զոհվել

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

«Պատերազմ են ուզում, պատերազմ էլ կստանան». Արցախի նախագահ

153
թեգերը:
Արցախ, հայ-ադրբեջանական, Ադրբեջան, Facebook
թեմա:
Ադրբեջանական ագրեսիա Արցախում. 2020
Ըստ թեմայի
Արցախում ռազմական դրություն և համատարած զորահավաք է հայտարարվել
Ինչպես է հայկական զինուժը ոչնչացնում ադրբեջանական տանկերը. տեսանյութ
Մարտերը շարունակվում են. հայկական կողմը խոցել է 2 ուղղաթիռ, 14 ԱԹՍ, տանկեր. տեսանյութ
Երևան

Քանի՞ օր անձրև չի գա Հայաստանում. եղանակի տեսություն

39
(Թարմացված է 22:41 26.09.2020)
Օդերևութաբանների կանխատեսումներով` հանրապետության տարածքում առաջիկա օրերին օդի ջերմաստիճանի էական փոփոխություն չի գրանցվի։

ԵՐԵՎԱՆ, 27 սեպտեմբերի — Sputnik. Հայաստանի տարածքում սեպտեմբերի 27-ին տեղումներ չեն լինի։ Չոր եղանակը կշարունակվի մինչև սեպտեմբերի 30-ը։ Տեղեկությունը հայտնում է ՀՀ արտակարգ իրավիճակների նախարարությունը։

«Օդի ջերմաստիճանն էապես չի փոխվի»,– նշված է հաղորդագրության մեջ։

Երևանում սեպտեմբերի 27-ի ցերեկային ժամերին սպասվում է 28–30, երեկոյան՝ 23–25, գիշերը՝ 14+16 տաքություն։

Հայաստանի հյուսիսում` Շիրակում, սեպտեմբերի 27-ին ցերեկը սպասվում է 20–25, գիշերը՝ 6–10 տաքություն։ Հարավում` Սյունիքում, ցերեկը կլինի 22–25, գիշերը՝ 12–16 տաքությունը։ Արցախում նույնպես տաք աշուն է, ցերեկը օդի ջերմաստիճանը կտատանվի +20–ից +25–ի, գիշերը՝ +6–ից +10–ի սահմանում։

 Եղանակի կանխատեսում
Եղանակի կանխատեսում
39
թեգերը:
Անձրև, եղանակ, Հայաստան
թեմա:
Եղանակը Հայաստանում
Ըստ թեմայի
«Ապրեք». Արայիկ Հարությունյանը համոզված է, որ հնարավոր է զերծ մնալ դպրոցները փակելուց
Երևանի մի շարք թաղամասերում ու մարզերում ջրամատակարարման նոր գրաֆիկ է սահմանվել
ՀՀ ոստիկանությունը մարտից ի վեր ավելի քան 145 հազար վարչական տույժ է նշանակել
Флаг ОБСЕ

Ցավում ենք մարդկային կյանքերի կորստի համար. ԵԱՀԿ ՄԽ համանախագահների հայտարարությունը

0
Համանախագահները կողմերին կոչ են անում անհապաղ դադարեցնել ռազմական գործողությունները և վերսկսել բանակցությունները հակամարտության խաղաղ լուծման համար։

ԵՐԵՎԱՆ, 27 սեպտեմբերի– Sputnik. ԵԱՀԿ Մինսկի խմբի համանախագահները ղարաբաղադրբեջանական սահմանին իրավիճակի սրման վերաբերյալ հայտարարությամբ են հանդես եկել։ Հայտարարության մեջ մասնավորապես նշված է, որ համանախագահները մտահոգված են Լեռնային Ղարաբաղի հակամարտության գոտում շփման գծի երկայնքով լայնամասշտաբ ռազմական գործողությունների մասին հաղորդագրություններով:

«Մենք խստորեն դատապարտում ենք ուժի գործադրումը և ցավում ենք մարդկային կյանքերի անիմաստ կորուստների համար, այդ թվում ՝ խաղաղ բնակչության շրջանում»,– նշված է հայտարարության մեջ։

Համանախագահները կողմերին կոչ են անում անհապաղ դադարեցնել ռազմական գործողությունները և վերսկսել բանակցությունները հակամարտության խաղաղ լուծման համար։

 

0