Սուրբ Գեորգ, հայկական կաթոլիկ միջնադարյան եկեղեցի

Շինարարություն ոսկորների վրա. ի՞նչ է սպառնում Թեոդոսիայի հայկական եկեղեցու գերեզմանատանը

188
(Թարմացված է 21:03 07.12.2019)
ՌԻԱ Նովոստիի թղթակից Գալինա Օլենևան նյութ է պատրաստել այն մասին, թե ինչպես Թեոդոսիայում շինարարությունը կարող է ճակատագրական դառնալ հին հայկական եկեղեցու համար, իսկ հնագույն դամբարանները կարող են ընդմիշտ փոշիանալ ցեմենտի տակ։ Բայց գերեզմանատունը փրկելու միջոցներ կան...

Եթե Թեոդոսիայի կենտրոնական շուկայից Նախիմովի փողոցով բարձրանաք վերև, ճանապարհի աջ կողմում կարելի է տեսնել Սուրբ Գևորգ հայկական կաթոլիկ միջնադարյան եկեղեցին։ Շինությունը պատված է գծավոր ժապավենով։ Դա արվել է Ղրիմի և Թեոդոսիայի հայ համայնքների ներկայացուցիչների ուժերով` տարածքի կառուցապատումը թույլ չտալու նպատակով։

Средневековый армяно-католический храм Святого Георгия
© Sputnik / Галина Оленева
Սուրբ Գեորգ, հայկական կաթոլիկ միջնադարյան եկեղեցի

Բանն այն է, որ այս տարվա աշնանը եկեղեցու հարակից տարածքներում մեկը մյուսի հետևից երկու շինարարություն է մեկնարկել։ Առաջինը սկսվել է հոկտեմբերին և իսկույն գրավել տեղի հասարակական գործիչների ուշադրությունը. աշխատանքների ընթացքում շինարարական աղբ են լցրել եկեղեցու պարսպի հին քարե շարվածքի վրա։ Նոյեմբերի վերջին եկեղեցու մոտ սկսել են ևս մեկ մասնավոր շինություն կառուցել։ Սկանդալը նոր թափ է ստացել և հասել իր գագաթնակետին, երբ աշխատանքների վայրում հայտնաբերվել են հին դամբարաններ, երևացել են դագաղներ և մարդկային աճյուններ։

Այդպես Այվազովսկուն էլ կարող են հանել

Դեկտեմբերի 2–ի առավոտյան միջնադարյան եկեղեցու մոտ հավաքվել են Թեոդոսիայի հայ համայքնի ներկայացուցիչներ, տեղի բնակիչներ։ Մարդկանց զայրացրել է այդ ամենը։

«Ինչպե՞ս կարելի է այդպես վերաբերվել մեր պատմությանը։ Մենք պահպանելու ենք այս տեղը, որպեսզի ոչ ոք ոչինչ չանի։ Ինչպե՞ս կարելի է ամեն տեղ հող վաճառել։ Այվազովսկուն էլ հանեք, նրա շիրիմի տեղը շինարարություն սկսեք», – վրդովվել են ներկաները։

Թեոդոսիայի հայ համայնքի ղեկավար Աշոտ Գաբոյանի կարծիքով` եկեղեցուն կից շինարարություն սկսելու փաստն ինքնին վանդալիզմի ակտ է։ Այն, որ այդ աշխատանքների հետևանքով վնասվել են հին գերեզմանները, ընդհանրապես սրբապղծություն է։

«Մենք հիմա պարզում ենք առանձին շինարարության հարցերը, իսկ մեզ զանգում են մոտակայքում ապրող մարդիկ և ասում, որ տրակտորը քանդում է գերեզմանատունը։ Մենք եկանք և ի՞նչ տեսանք. բացվել են գերեզմանները, երևում են դագաղները, աճյունները։ Դա XIV դարի պատմական եկեղեցի է, և դա սրբապղծություն է։ Սկսել են տրակտորներով քանդել մեր պատմությունը։ Մենք պահանջում ենք, որ այս ամենը դադարեցնեն և իրավական գնահատական տան իրավիճակին», – նշել է Գաբոյանը։

Ո՞վ է մեղավոր և ի՞նչ անել

Տեղի պաշտոնյաները պարզաբանում են. դեռ ուկրաինական շրջանում այդտեղի հողը մասնատվել է և վաճառվել` որպես մասնավոր սեփականություն։ Ինչպես պարզվել է, սեփականատերը հողատարածքի քաղաքաշինական պլան ստանալու համար դիմել է ընթացիկ տարվա աշնանը։

Территория средневекового армяно-католического храма Святого Георгия
© Sputnik / Галина Оленева
Սուրբ Գեորգ, հայկական կաթոլիկ միջնադարյան գերեզմանատան տարածքը

Թեոդոսիայի քաղաքային իշխանությունների ղեկավար Սերգեյ Բովտունենկոն Facebook սոցիալական ցանցի իր էջում հայտարարել է, որ անձամբ վերահսկում է իրավիճակը և անթույլատրելի է համարում պահպանվող գոտում ցանկացած շինարարական աշխատանքների կատարումը։

Նրա խոսքով` հողատարածքի սեփականատերը ծանուցվել է աշխատանքները դադարեցնելու անհրաժեշտության մասին։

Գոյություն ունի վերադարձի մեխանիզմ

Ինչպես պարզաբանել են Թեոդոսիայի քաղաքապետարանի մամուլի ծառայությունից, պահպանվող տարածքը բաժանվել է չորս հատվածի, որոնցից յուրաքանչյուրը 13 տարի առաջ գնել են տարբեր մարդիկ։ Բայց արդեն գոյություն ունի այդ հողը վերադարձնելու մեխանիզմ, և այն անպայման կօգտագործվի։

«Քաղաքային իշխանությունները սկսել են հայցեր նախապատրաստել երեք հողատարածքները քաղաքապետարանին վերադարձնելու մասին։ Չորրորդի դեպքում կկիրառվի այլ ընթացակարգ, քանի որ այդ հողատարածքում արդեն շինություններ կան։ Դեկտեմբերի 13–ին տեղի կունենա Թեոդոսիայի քաղաքային խորհրդի նստաշրջանը, որի շրջանակում պատգամավորները կքննարկեն տվյալ հողատարածքները  տրամադրելու մասին` 2006թ–ի որոշումը չեղարկելու հարցը։ Դրանից հետո հայցերը կփոխանցվեն դատարան», – ասել է Թեոդոսիայի քաղաքապետարանի ԶԼՄ–ների և հասարակայնության հետ կապերի բաժնի վարիչ Արմինե Շաքարյանը։

Ինչպես երևում է, գործընթացը երկարատև և ծանր կլինի, սակայն Թեոդոսիայում արդեն կա նախադեպ. բնակիչներն այդպես պաշտպանել են քաղաքի պուրակներից մեկը, որը նույնպես մասնավորեցվել էր 2004թ–ին։

188
թեգերը:
շինարարություն, գերեզման, Եկեղեցի
Ըստ թեմայի
Հայերի ստեղծած գլուխգործոցները Թուրքիայում. ինչի՞ մասին զբոսաշրջիկներին չեն պատմում
Ինչպես են հայ հետախույզները ՆԱՏՕ–ի ինքնաթիռով հասել ԱՄՆ. դրվագներ Վարդանյանների կյանքից
Պատերազմում վիրավորվել էր, բայց խնամում էր ռազմագերիների գերեզմանը. Գյումրու անհայտ մասը
Սիմոնյան. «Հուղարկավորությունը հիգիենիկ և ծիսական տեսանկյունից միանգամայն արդարացված է»
Հերբերտ Համբարձումյան

Մահացել է Հերբերտ Համբարձումյանը

4
(Թարմացված է 18:58 28.10.2020)
ՀՀ տարածքային կառավարման և ենթակառուցվածքների նախարարությունը ցավակցում է Հերբերտ Համբարձումյանի հարազատներին:

ԵՐԵՎԱՆ, 28 հոկտեմբերի – Sputnik. Կյանքի 73-րդ տարում մահացել է Հայաստանի միջազգային փոխադրողների ասոցիացիայի նախագահ Հերբերտ Համբարձումյանը: Տեղեկությունը հայտնում է ՀՀ տարածքային կառավարման և ենթակառուցվածքների նախարարությունը։

«Անուրանալի է Հերբերտ Համբարձումյանի վաստակը Հայաստանի Հանրապետությունում տրանսպորտի համակարգի կայացման և զարգացման գործում: Նրա ամբողջ կյանքը մեծ նվիրում էր տրանսպորտի կայուն զարգացմանը։

Հերբերտ Համբարձումյանը իսկական նվիրյալ էր, ինքնատիպ, անսահման եռանդի տեր, պայքարող և արարող անհատականություն, ով դեռ շատ անելիք ուներ»,– նշված է հաղորդագրության մեջ:

Տարածքային կառավարման և ենթակառուցվածքների նախարարությունը ցավակցում է Հերբերտ Համբարձումյանի ընտանիքի անդամներին, հարազատներին ու ընկերներին, մաղթում ոգու ամրություն և ուժ` այս մեծ կորուստը հաղթահարելու համար:

«Ինչպես տեսնում եք, ես ողջ և առողջ եմ». Վահագն Չախալյանն արձագանքել է իր մահվան լուրերին

4
թեգերը:
Մահ, Հայաստան
Լոռի, ստուգայցեր

Ալավերդիում և Ստեփանավանում խախտումները շատացել են. ստուգայցերի արդյունքները

23
(Թարմացված է 18:34 28.10.2020)
Խախտումներ արձանագրելու դեպքում տեսուչներն իրականացնում են բացատրական աշխատանք, տրամադրում խորհրդատվություն, կազմվում է արձանագրություն։

ԵՐԵՎԱՆ, 28 հոկտեմբերի — Sputnik. ՀՀ առողջապահական և աշխատանքի տեսչական մարմնի աշխատակիցները շուրջ 4 տասնյակ ստուգայցեր են իրականացրել Ալավերդիում և Ստեփանավանում և արձանագրել են, որ խախտումները շատացել են։

«Բանկեր, ֆինանսական կազմակերպություններ, մանր ու միջին առևտրի կետեր, դեղատներ, գեղեցկության սրահներ և վարսավիրանոցներ․ ԱԱՏՄ ստուգայցերն այս ոլորտներում գործող տնտեսավարողների մոտ այսօր արձանագրել են հակահամաճարակային նորմերի պահպանման թերություններ։ Ռազմական դրության շրջանում տնտեսավարողների կողմից նկատվում է կանոնների պահպանման հանդեպ զգոնության թուլացում»,–ասված է հաղորդագրության մեջ։

Տեղեկացվում է, որ հաճախակի են ժամը 10:00-12:00 միայն կենսաթոշակային տարիքի անձանց սպասարկելու վերաբերյալ առողջապահության նախարարի 17-ն որոշման կետ ի խախտումները․ տնտեսավարողների մի մասը թյուրիմացաբար կարծում է, թե այս նորմն ուժը կորցրել է։

Երբեմն թերի են լրացվում ջերմաչափման և ախտահանման աշխատանքների գրանցամատյանները, իսկ որոշ տնտեսավարողների մոտ նշանակված չի լինում վարակի տարածման կանխարգելման պատասխանատու աշխատակից։

Պատերազմն ու կորոնավիրուսը. ՀՀ առողջապահության նախարարությունը պատասխանել է քննադատությանը

«Խախտումներ արձանագրելու դեպքում տեսուչներն իրականացնում են բացատրական աշխատանք, տրամադրում խորհրդատվություն, որոշ թերություններ տեղում շտկվում են: Խախտումների արձանագրման դեպքում կազմվում է արձանագրություն»,–ասված է հաղորդագրության մեջ։

Կորոնավիրուսի (COVID-19) տարածումը կանխելու նպատակով ՀՀ ԱԱՏՄ-ն կրկին հիշեցնում է՝ սահմանված անվտանգության նորմերը ենթակա են պարտադիր կատարման, այլապես կկիրառվի վարչական պատասխանատվության միջոցներ։

Նշենք, որ վերջին մեկ օրվա ընթացքում Հայաստանում գրացվել է կորոնավիրուսի 2241 նոր դեպք։ Ընդհանուր վարակվածների թիվը 82651 է։

23
թեգերը:
ստուգումներ, ՀՀ առողջապահական և աշխատանքի տեսչական մարմին (ԱԱՏՄ), համաճարակ, կորոնավիրուս, Ստեփանավան, Ալավերդի
Ըստ թեմայի
COVID-19-ով հիվանդ 186 մարդու համար Հայաստանի հիվանդանոցներում տեղ չկա
Վրաստանում COVID-19-ի ցուցանիշների ռեկորդային աճ է գրանցվել
«Մեր ռազմական պլաններում այս վիճակին համակերպվել չկա». Արծրուն Հովհաննիսյան