ԵՐԵՎԱՆ, 6 դեկտեմբերի — Sputnik. 2020թ–ի բյուջեով աղետի գոտուն տրամադրվել է 3 մլրդ դրամ։ Այս մասին այսօր ԱԺ–ում հաջորդ տարվա բյուջեի նախագծի քննարկման ժամանակ հայտնեց ՀՀ վարչապետ Նիկոլ Փաշինյանը` հիշեցնելով, որ վաղը Սպիտակի երկրաշարժի 31-րդ տարելիցն է։
«Տեսանելի ժամանակաշրջանում երբեք այսպիսի ծավալների, նույնիսկ դրան մոտիկ գումար չի տրամադրվել, և մենք սրանով 2020թ–ին լուծում ենք բոլոր այն քաղաքացիների հարցերը, որոնց նկատմամբ ՀՀ պատասխանատվությունը դե յուրե արձանագրված է»,– ասաց վարչապետը։
Նրա խոսքով` այսուհետ աղետի գոտու վերականգնման տրամաբանությունը սոցիալականից փոխվում է զարգացմանի։ Իսկ Գյումրու զարգացման պոտենցյալը խոչընդոտող հիմնական գործոնների թվում վարչապետն առանձնացրեց քաղաքում դեռևս մնացած տնակային ավանների խնդիրը։
Աղետի գոտու 227 ընտանիք բնակարան գնելու հնարավորություն կստանան
«Գյումրի քաղաքը պետք է ազատվի տնակներից։ Ընդ որում, սա չի նշանակում, որ տնակներում ապրող բոլոր քաղաքացիների նկատմամբ պետությունն ունի պարտավորություն, բայց սա չի էլ նշանակում, որ ոչ մեկի նկատմամբ չի կարող չունենալ պարտավորություն»,– ասաց նա։
Երբ կոշիկի կապերը պինդ չես ձգում, կամ ինչ է պետք անել «աղետի գոտուն» հրաժեշտ տալու համար
Վարչապետի խոսքով` կառավարությունն ամեն տնակի պատմությունն ուսումնասիրել է ու ամեն տնակի նկատմամբ լինելու է առանձնահատուկ մոտեցում։
