ԵՐԵՎԱՆ, 5 դեկտեմբերի – Sputnik. Երևանի տներից մեկի խոհանոցում գազի կուտակումից տեղի է ունեցել պայթյուն. բնակիչը այրվածքներով հոսպիտալացվել է։ Այս մասին հայտնում է ՀՀ արտակարգ իրավիճակների նախարարությունը։
Պայթյուն Արագածոտնի մարզի տներից մեկում. 12–ամյա տղան տեղափոխվել է հիվանդանոց
«Դեկտեմբերի 5-ին, ժամը 11:00-ին «911» ծառայություն ահազանգ է ստացվել, որ Երևանի Աղբյուր Սերոբի փողոցի տներից մեկի մոտակայքում պայթյունի ձայն է լսվել: Դեպքի վայր է մեկնել ԱԻՆ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ»,–նշված է հաղորդագրության մեջ։
Ռուսաստանում պայթյունի հետևանքով մահացել է Երևանի նախկին ոստիկանապետ Աշոտ Կարապետյանը
Ըստ նախնական տվյալների՝ տներից մեկի խոհանոցում գազի կուտակումից տեղի է ունեցել պայթյուն: Տան բնակիչը՝ Էլեն Կ.-ն (26 տ), ձեռքի շրջանում ստացել է այրվածքներ և հոսպիտալացվել «Արմենիա» ՀԲԿ: Վնասվել են տան պատուհանները և բակում կայանած ավտոմեքենայի հետևի ապակին: