Նիկոլ Փաշինյան

«Այդ մակարդակի մարդիկ քաղաքապետի հետ հանդիպմանը գնում են ջինսով ու բոթասներով». Փաշինյան

117
(Թարմացված է 01:57 05.12.2019)
Նիկոլ Փաշինյանը պատմել է շեյխերի ու Երևանի քաղաքապետի հանդիպման իր պատմությունը։ Վարչապետն իսկապես միջնորդել է, բայց կասկածում է, որ նրանք շեյխի ներկայացուցիչներ են եղել։

ԵՐԵՎԱՆ, 4 դեկտեմբերի — Sputnik. ՀՀ վարչապետ Նիկոլ Փաշինյանը համոզված չէ, որ քաղաքապետի հետ հանդիպած անձինք շեյխի ներկայացուցիչներ են։ Այս մասին այսօր ԱԺ ամբիոնից ասաց Փաշինյանը` անդրադառնալով Գագիկ Ծառուկյանի ու քաղաքապետի` արդեն մի քանի օր ընթացող հեռակա բանավեճի թեմային։

«Եթե նրանք շեյխի ներկայացուցիչ լինեին, այսինքն` ԱՄԷ–ի պաշտոնական ներկայացուցիչ, նրանք կարիք չունեին Գագիկ Ծառուկյանին խնդրելու, որպեսզի Ծառուկյանը զանգի ինձ և խնդրի, որպեսզի ես միջնորդեմ՝ Երևանի քաղաքապետը նրանց ընդունի։ Նրանք կարող էին դեսպանատան միջոցով դիմել մեզ»,– նշեց Փաշինյանը։

Վարչապետը չհերքեց` Ծառուկյանն իսկապես զանգահարել է իրեն և խնդրել քաղաքապետի հետ հանդիպման համար միջնորդել։ Ինքն էլ զանգել է։ Քաղաքապետն էլ կիրակի օրով ընդունել է Ծառուկյանի ներկայացրած անձանց։

«Նրա համար առաջինը տարօրինակ է եղել, որ այդ մակարդակի մարդիկ Երևանի քաղաքապետի հետ հանդիպմանը գալիս են ջինսերով, բոթասներով, մայկաներով»,– ասաց վարչապետը։

Փաշինյանը նաև պատմեց, որ շեյխի ներկայացուցիչ ներկայացած մարդիկ Մարությանից հող են պահանջել հյուրանոց կառուցելու համար։ Բայց քաղաքապետն ասել է, որ Երևանի կենտրոնում նրանց պահանջներին համապատասխան հողատարածք քաղաքապետարանի տիրապետության տակ չկա։ 

Ոչ թե Ծառուկյանը չի տիրապետում ինֆորմացիային, այլ քաղաքապետը. ԲՀԿ առաջնորդն ապացույց ունի

«Երբ քաղաքապետը ներկայացրել է, թե ինչ կարող են անել, նրա խոսելու ընթացքում նրանցից մեկը հեռախոսը վերցրել է և սկսել է խոսել։ Քաղաքապետը ստիպված է եղել ընդհատել խոսակցությունը։ Հետո երկրորդի հեռախոսն է զանգել, քաղաքապետը դարձյալ խոսակցությունն ընդհատել է։ Իսկ երբ երրորդի հեռախոսին է զանգ եկել, քաղաքապետն ասել է` ես ենթադրում եմ՝ այս խոսակցությունն արդեն հետաքրքիր չէ ձեզ, ես ավարտեցի, շնորհակալություն, ցտեսություն։ Եվ ես կարծում եմ, որ ճիշտ է արել»,– ասաց վարչապետը։

«Հարկայինը միայն Ծառուկյանին է ստուգում ». ԲՀԿ ղեկավարը դժգոհ է

Փաշինյանը շեշտեց, որ անցել են այն ժամանակները, երբ կարելի էր այդ տեսքով ու այդ վերաբերմունքով խոսել ՀՀ պետական պաշտոնյայի, քաղաքապետի կամ գյուղապետի հետ։

Ինչ վերաբերում է ԲՀԿ–ի դժգոհություններին, վարչապետը փաստեց, որ կուսակցության անդամերն այդ մասին սկսել են խոսել այն ժամանակ, երբ «Մուլտի Գրուպ» կոնցեռնի տնօրենին մեղադրանք է առաջադրվել «Հյուսիս–հարավ» ծրագրի շրջանակում շատ խոշոր չարաշահումներ թույլ տալու համար։

«Հիմա մենք նրանց թաթիկները կտրում ենք և շարունակելու ենք կտրել»,– ասաց Փաշինյանը։

Հիշեցնենք` Երևանի քաղաքապետ Հայկ Մարությանի և ԲՀԿ առաջնորդ Գագիկ Ծառուկյանի միջև հակասություններ ի հայտ եկան այն ժամանակ, երբ Ծառուկյանն Ազգային ժողովում հայտարարեց, թե Հայաստանում խոշոր ներդրումներ կատարելու ցանկություն ունեցող Աբու Դաբիի թագաժառանգը Հայկ Մարությանի հետ հանդիպումից հետո հիասթափված հեռացել է Հայաստանից:

Քաղաքապետի մամուլի խոսնակը  հերքեց Ծառուկյանի այդ հայտարարությունը։ Ծառուկյանն էլ ի պատասխան հեռուստաընկերությամբ եթեր հեռարձակեց տեսանյութ, որտեղ Քուվեյթի թագաժառանգի ներկայացուցիչները որոշ փակագծեր բացեցին քաղաքապետի ու Երևանի գլխավոր ճարտարապետի հետ հանդիպումից։

«Որևէ մեկին չենք թիրախավորել»․ Ալեն Սիմոնյանն արձագանքել է Ծառուկյանի հայտարարությանը

Ներդրողն առաջարկել էր Երևանի կենտրոնում կառուցել բարեգործական հիվանդանոց և հյուրանոց: Մարությանն էլ մերժել էր` ասելով, թե քաղաքապետարանը չի կարող համապատասխան տարածք տրամադրել Կենտրոն վարչական շրջանում:

117
թեգերը:
Գագիկ Ծառուկյան, հիվանդանոց, Հյուրանոց, Երևանի քաղաքապետարան, Ներդրում, Հայկ Մարության, Նիկոլ Փաշինյան, Հայաստան
Ըստ թեմայի
ՊԵԿ-ը հարցաքննել է Ծառուկյանի իտալացի գործընկերոջը. նա մեկնել է Հայաստանից. «Հրապարակ»
«Բոլորն ուզել են փայ մտնեն, բոլորը». ո՞ւմ է պատկանում Աբովյանի ադամանդի գործարանը
Ծառուկյանի և Սուքիասյանի հարաբերությունները լարվել են. «Հրապարակ»
Աղջկա ձեռքին պաշտպանիչ դիմակ է

Պարետը նոր որոշում է ստորագրել. ոմանք կարող են դիմակ չդնել

453
(Թարմացված է 13:56 08.07.2020)
Տիգրան Ավինյանի ստորագրած որոշումը ժամեր անց ուժի մեջ կմտնի։ Բաց տարածքում դիմակ չդնելու համար պարտադիր պայման է գործելու։

ԵՐԵՎԱՆ, 8 հուլիսի – Sputnik. ՀՀ պարետ Տիգրան Ավինյանը նոր որոշում է ստորագրել, ըստ որի` որոշ հիվանդություններ ունեցողները բաց տարածքում կարող են դիմակ չդնել, եթե իրենց մոտ ունենան բժշկական փաստաթուղթ։

«Խրոնիկ շնչառական հիվանդություններ՝ ասթմա, թոքերի խրոնիկ օբստրուկտիվ հիվանդություն, էմֆիզեմա կամ բրոնխիտ` ծանր շնչառական անբավարարության առկայության դեպքում, ինչպես նաև 3-րդ, 4-րդ ֆունկցիոնալ դասի խրոնիկ սրտային անբավարարություն ունեցող անձինք հանրային բաց տարածքներում կարող են չկրել դիմակ՝ պայմանով, որ վերջիններս իրենց մոտ ունենան համապատասխան հիվանդության փաստը հաստատող բժշկական փաստաթուղթ»,– նշված է որոշման մեջ:

Որոշումն ուժի մեջ է մտնում 2020 թվականի հուլիսի 8-ից՝ ժամը 23:59-ից:

Հիշեցնենք` մարտի 16–ից Հայաստանում արտակարգ դրություն է։ ՀՀ կառավարությունը մայիսի 14–ի նիստում որոշեց կորոնավիրուսի կանխարգելման նպատակով հայտարարված արտակարգ դրությունը երկարացնել ևս մեկ ամսով։ 

Հունիսի 6–ին ՀՀ վարչապետ Նիկոլ Փաշինյանը հայտարարեց, որ ստիպված են կրկին երկարացնել արտակարգ դրության ռեժիմը։

Երկարաձգված արտակարգ դրության պայմանները որոշակի փոփոխությունների ենթարկվեցին Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հունիսի 4-ից արտակարգ դրության ընթացքում կիրառվող կարգավորումներում փոփոխություններ և լրացումներ ուժի մեջ մտան։ Այսուհետ բոլոր հանրային բաց տարածքներում դիմակ դնելը պարտադիր է։ Հանրային բաց վայրերում դիմակ կարող են չդնել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

Հուլիսի 6-ին Փաշինյանը պարետատան նիստից հետո հայտնեց, որ հուլիսի 13-ին ավարտվող արտակարգ դրության ռեժիմը կերկարացվի ևս մեկ ամսով։

453
թեգերը:
հիվանդություն, դիմակ, Հայաստան
Ըստ թեմայի
Շուկայում պաշտպանիչ դիմակների պրոֆիցիտ կա. գործարանային դիմակը կարող է դառնալ պարտադիր
Դիմակը խանգարո՞ւմ է շուրթերը մեծացրած կամ քիթը փոքրացրած հայերին
«Իմ քայլը» չի բացառում, որ դիմակ չդնելու տուգանքների բարձրացման նախագիծը կարող է հասնել ԱԺ
Տիգրան Ավինյան

Ո՞վ կարող է օգտվել բնակարանային աջակցության ծրագրից. Ավինյանը մանրամասներ է ներկայացրել

130
(Թարմացված է 13:51 08.07.2020)
Պետությունը որոշել է օգնել մարզերում բնակարան գնելու ցանկություն ունեցող ընտանիքիներին։ Որոշ դեպքերում նրանց նույնիսկ 4 մլն միանվագ աջակցություն կտրամադրվի։

ԵՐԵՎԱՆ, 8 հուլիսի – Sputnik. Պետությունը երեխաներ ունեցող ընտանիքների բնակարանային ապահովության աջակցության նոր ծրագրեր է իրականացնում, որոնց համար 2020 թ.-ի պետական բյուջեով ավելի քան կես միլիարդ դրամ է նախատեսվել: ՀՀ փոխվարչապետ Տիգրան Ավինյանը հուլիսի 1-ից գործող նորամուծությունները ներկայացրել է Facebook–ում։

Միանվագ դրամական աջակցություն մարզային բնակավայրերում բնակարան ձեռք բերելու համար։ Տրամադրվում է մեկ անգամ և ուղղվում է հիփոթեքային վարկի կանխավճարի ֆինանսավորմանը:

Ծրագրի շահառու եք, եթե.

  • Հիփոթեքային վարկով ձեռք եք բերել բնակելի անշարժ գույք մարզային բնակավայրերում 2020 թվականի հուլիսի 1-ին կամ դրանից հետո,
  • Ունեք առնվազն 2 անչափահաս երեխա,
  • Ձեռք բերվող բնակելի անշարժ գույքի արժեքը կազմում է առավելագույնը 30 մլն դրամ: Երրորդ և հաջորդ յուրաքանչյուր երեխայի հաշվով անշարժ գույքի առավելագույն արժեքի 30 մլն դրամին ավելանում է ևս 5 մլն դրամ:

Միանվագ դրամական աջակցության առավելագույն չափը կազմում է.

  • Մինչև 1 մլն դրամ, եթե ունեք 30-ից բարձր տարիք: Ընդ որում` երրորդ և հաջորդ յուրաքանչյուր երեխայի դեպքում աջակցությունն ավելանում է մինչև 500.000 դրամով (առավելագույն չափը 2 մլն դրամ),
  • Մինչև 2,6 մլն դրամ, եթե ունեք 30-ից ցածր տարիք:

Երեխայի ծննդով պայմանավորված միանվագ դրամական աջակցություն հիփոթեքային վարկ մարող ընտանիքներին տրամադրվում է երեխա ծնվելու դեպքում և ուղղվում է հիփոթեքային վարկի մնացորդային մայր գումարի մարմանը։

Ծրագրի շահառու եք, եթե.

  • Ձեր երեխան ծնվել է 2020 թվականի հուլիսի 1-ին կամ դրանից հետո,
  • Առնվազն 12 ամիս կատարել եք հիփոթեքային վարկի մարումներ, և վերջին 12 ամիսների ընթացքում մարված հիփոթեքային վարկի գծով ուշացված օրերի ընդհանուր քանակը չի գերազանցում 30 օրացույցային օրը,
  • Ձեռք բերվող բնակելի անշարժ գույքի արժեքը կազմում է առավելագույնը 30 մլն դրամ: Երրորդ և հաջորդ յուրաքանչյուր երեխայի հաշվով անշարժ գույքի առավելագույն արժեքի 30 մլն դրամին ավելանում է ևս 5 մլն դրամ:

Միանվագ դրամական աջակցության առավելագույն չափը կազմում է.

Մինչև 500 000 դրամ, եթե ունեք 25 տարեկանից բարձր տարիք և ծնվել է առաջին կամ երկրորդ երեխան,

  • Մինչև 2 մլն դրամ, եթե ունեք 25 տարեկանից բարձր տարիք, և ծնվել է երրորդ կամ հաջորդ երեխան,
  • Մինչև 1,5 մլն դրամ, եթե ունեք 25 տարեկանից ցածր տարիք, և ծնվել է առաջին կամ երկրորդ երեխան,
  • Մինչև 4 մլն դրամ, եթե ունեք 25 տարեկանից ցածր տարիք, և ծնվել է երրորդ կամ հաջորդ երեխան:
    երրորդ կամ հաջորդ երեխան:

Նշենք, որ հուլիսի 1-ից Հայաստանում փոփոխվել են նաև երեխայի ծննդյան միանվագ նպաստի ու խնամքի նպաստի չափերը։

Դրամական միջոցների հանգանակություն. Քիմ Քարդաշյանը որոշել է օգնել Հայաստանի փոքր բիզնեսին

130
թեգերը:
Տիգրան Ավինյան, Հայաստան
Ըստ թեմայի
Քանի՞ մարդ կկարողանա այս տարի օգտվել «Դայակ պետության աջակցությամբ» ծրագրից
Առավել տուժած ոլորտների 37 հազար աշխատակիցներ 2-րդ անգամ աջակցություն կստանան պետությունից
Աջակցության 20–րդ ծրագրից կօգտվի 37 հազար քաղաքացի. Փաշինյանն ասել է` ովքեր են նրանք
Թբիլիսի

Հայտնի է, թե որ երկրների համար է Վրաստանը բացում սահմանները

0
(Թարմացված է 14:55 08.07.2020)
Նշվում է, որ Վրաստանն առաջին հերթին սահմանները բացում է «անվտանգ» երկրների համար, որոնք այսպես կոչված «կանաչ գոտում» են։

ԵՐԵՎԱՆ, 8 հուլիսի – Sputnik. Առաջիկայում Վրաստանը սահմանները կբացի Գերմանիայի, Ֆրանսիայի, Էստոնիայի, Լատվիայի և Լիտվայի համար։ Տեղեկությունն այսօր ճեպազրույցի ժամանակ հայտնել է կառավարության մամուլի խոսնակ Իրակլի Չիկովանին։

Սակայն նշված երկրներից այցելուների համար հատուկ պայմաներ են սահմանվելու։ Վրաստանի օդականավակայան ժամանելուն պես այցելուները ստիպված կլինեն հատուկ էլեկտրոնային հարցաթերթիկ լրացնել, որտեղ կնշվի, թե որտեղ են եղել ժամանումից 14 օր առաջ։ Զբոսաշրջիկները նաև պետք է նշեն, թե Վրաստանում որտեղ են կանգ առնելու, լրացնեն հասցեն և հեռախոսահամարը։

Սակայն Չիկովանին չի ասել, թե երբ են սահմանները բացվելու։

Վրաստանի ֆինանսների նախարար Իվանե Մաչավարիանին իր հերթին նշել է, որ մյուս երկրների համար Վրաստանը սահմանները կբացի, երբ նրանք հաղթահարեն նոր տիպի SARS-CoV-2 կորոնավիրուսի համաճարակը։ Նա ընդգծել է, որ այդպիսով իշխանությունները նախատեսում են վտանգը նվազագույնի հասցնել։

Չիկովանին խոստովանում է, որ այն երկրները, որտեղից Վրաստան էր ժամանում զբոսաշրջիկների առյուծի բաժինը (Հայաստանը Վրաստան այցելողների առաջատար եռյակում է՝ խմբ․), այսօր կա՛մ համաճարակի գագաթնակետին են, կամ դեռ չեն հաղթահարել այն։

Նա ընդգծել է, որ թեև ԵՄ-ում COVID-19-ը ավելի քիչ է տարածված, դա չի բացառում ռիսկի առկայությունը։ Կարող է և այնպես պատահել, որ Վրաստան նվազագույն քանակով զբոսաշրջիկներ ժամանեն, սակայն դա բավարար լինի վիրուսի նոր ալիքի տարածման համար։

Նշենք, որ Վրաստանի տնտեսության մեջ զբոսաշրջության չափաբաժինը 10-12% է։ Ավելի վաղ ԵՄ-ն Վրաստանը ներառել էր ԵՄ անդամ չհանդիսացող 15 անվտանգ պետությունների ցանկում, որոնց համար հուլիսի 1-ից սկսած սահմանները բաց են։ Վրաստանի համար սահմանները բացել են Շվեյցարիան, Հունգարիան, Գերմանիան, Լատվիան, Ֆրանսիան, Իսպանիան, Նիդեռլանդները և Իտալիան։

Վրաստանում կորոնավիրուսից հայ է մահացել. նա Հայաստանից էր մեկնել այնտեղ

Վրաստանում կորոնավիրուսով վարակման առաջին դեպքը գրանցվել է փետրվարի 26-ին։ Հուլիսի 8-ի դրությամբ այդ երկրում COVID-19-ի հայտնաբերված դեպքերի թիվը կազմում է 963, նրանցից 841-ն արդեն առողջացել են, մահացել է 15 մարդ։

 

0
թեգերը:
Սահման, կորոնավիրուս, Հայաստան, Վրաստանի Հանրապետություն
Ըստ թեմայի
Վրաստանը պատրաստվում է բացել սահմանները, բայց ոչ բոլորի համար. Հայաստանից մարդ կընդունե՞ն
Հայաստանի և Ռուսաստանի բարեկամության խորհրդանիշները. նախագահն այցելել է պետական սահման
Սահմանամերձ Նորշենի միակ տերն ու տիրակալը Վահանդուխտ տատն է, կամ ինչո՞ւ է աղմկում գետը