ԵՐԵՎԱՆ, 25 նոյեմբերի — Sputnik. Դատարանը բավարարեց ԱԱԾ–ի` ՊԵԿ ներքին անվտանգության վարչության պետ Կարեն Խաչատրյանի կալանքի ժամկետը երկարացնելու մասին միջնորդությունը։ Այս մասին լրագրողների հետ զրույցում ասաց Խաչատրյանի պաշտպանը` Արամ Մակինյանը։
«Երևանի ընդհանուր իրավասության դատարանը Կարեն Խաչատրյանի կալանքի ժամկետը 2 ամսով երկարաձգելու որոշում կայացրեց։ Այսպիսով, դատարանը մերժեց Խաչատրյանի խափանման միջոց կալանքը գրավով փոխարինելու մեր միջնորդությունը։ Մեզ համար անսպասելի չէր այս որոշումը, քանի որ շատ մեծ համարձակություն է պետք արդար որոշում կայացնելու համար»,–նշեց նա։
Մակինյանի խոսքով` Խաչատրյանը պետությանը պատճառած վնասը` ավելի քան 200 մլն դրամն արդեն իսկ փոխանցել է դատարանի դեպոզիտային հաշվին։
«Երբ պատճառած վնասը փոխհատուցվում է, պետությունն ավելի մեղմ է գտնվում մեղադրյալի հանդեպ, հիմա ո՞րն է պատճառը, որ իմ պաշտպանյալին կալանքի տակ են պահում` Խաչատրյան ազգանո՞ւնը»,- ասաց Մակինյանը։
Նա նշեց, որ պատրաստտվում են դատարանի որոշումը Վերաքննիչում բողոքարկել։
Կան մարդիկ, որոնք պատրաստ են Գագիկ Խաչատրյանի համար վճարել 230 մլն դրամ գրավը. պաշտպան
Հիշեցնենք, որ այս տարվա օգոստոսի 27–ին ՊԵԿ նախկին նախագահ Գագիկ Խաչատրյանը և նրա եղբորորդին՝ Կարեն Խաչատրյանը, պաշտոնեական դիրքի չարաշահման և առանձնապես խոշոր չափերով գույքի վատնման կասկածանքով բերման էին ենթարկվել ՀՀ ԱԱԾ քննչական դեպարտամենտ և ձերբակալվել։ Նրանց մեղադրանք էր առաջադրվել և միջնորդություն էր ներկայացվել դատարան` կալանավորումը որպես խափանման միջոց ընտրելու համար: Միջնորդությունները բավարարվել էին, և Գագիկ Խաչատրյանն ու Կարեն Խաչատրյանը կալանավորվել էին:
Գագիկ Խաչատրյանի ցանկացած շարժում կարող է լուրջ խնդիրներ առաջացնել. նիստն ավարտվեց
Գագիկ Խաչատրյանին մեղադրանք է առաջադրվել ՀՀ քրեական օրենսգրքի 38-179 3-րդ մասի 1-ին կետով (առանձնապես խոշոր չափերի վատնում կազմակերպելը): Քրեական գործով պետությանը պատճառված 800 միլիոն դրամի վնասը վերականգնվել է:
