Էդմոն Մարուքյան

Քննադատում է այն, ինչն իր համար է ստեղծել. ԱԺ-ում խոսել են Սերժ Սարգսյանի ելույթի մասին

122
(Թարմացված է 23:41 25.11.2019)
«Իմ քայլը» և «Լուսավոր Հայաստան» խմբակցությունների ղեկավարներն ԱԺ–ում լրագրողների հետ հանդիպմանը գնահատականներ են հնչեցրել ԵԺԿ համագումարում ՀՀ երրորդ նախագահ Սերժ Սարգսյանի ելույթի վերաբերյալ։

ԵՐԵՎԱՆ, 25 նոյեմբերի — Sputnik.  ՀՀ նախկին նախագահ Սերժ Սարգսյանը քննադատում է այն, ինչ ինքն է ստեղծել իր համար։ Այս մասին ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը` ԱԺ–ում լրագրողների հետ հանդիպմանը մեկնաբանելով Սարգսյանի ելույթը ԵԺԿ համագումարում։

«Սերժ Սարգսյանը խոսում է մի բանից, որ հենց իրեն է վերաբերում։ Հակակշռումների և փոխզսպումների մեխանիզմները խեղաթյուրված են, խորհրդարանական կառավարման ամբողջ տրամաբանությունն ապականված է, և այդ սահմանադրության հեղինակներն իրենք են»,– ասաց Մարուքյանը։

Նրա խոսքով` այսօրվա իշխանությունը ժառանգել է սուպերվարչապետական համակարգ, որը հիմնադրել է Սերժ Սարգսյանն ինքն իր համար։ Սակայն բոլորին հայտնի հանգամանքների բերումով չի կարողացել վայելել և այժմ քննադատում է մի բան, որն ինքն է ստեղծել։

Մարուքյանը գործող իշխանություններին քննադատեց նրա համար, որ այդ համակարգը դեռ չեն վերափոխել։

«Ես հույս ունեմ, որ 2020թ–ին ստեղծվող սահմանադրական բարեփոխումների հանձնաժողովն ամբողջությամբ վերանայելու է սուպերվարչապետական համակարգը»,– ասաց Մարուքյանը։

Սերժ Սարգսյանն Արցախից բացի, որևէ այլ տեղ անշարժ գույք չունի. ՀՀ 3-րդ նախագահի գրասենյակ

Ինչ վերաբերում է քաղաքական հետապնդումներին, Մարուքյանը նշեց, որ այն, ինչ իրենք նկատել են, քննադատել են` դատարանների շրջափակումներ, «Մարտի 1-ի» գործով դատավոր Աննա Դանիբեկյանի նկատմամբ ճնշումներ, Արսեն Բաբայանի կալանավորում։

«Եթե կոնկրետ անձ քաղաքական ճնշումների կենթարկվի, մենք այդ մասին հայտարարություն կանենք»,– ասաց «Լուսավոր Հայաստանի» ղեկավարը։

«Իմ քայլը» խմբակցության ղեկավար Լիլիթ Մակունցն էլ նշեց, որ Սերժ Սարգսյանի հայտարարության հետ համաձայն չէ։

«Այսօր կան բոլոր հիմքերը պնդելու, որ Հայաստանը խորհրդարանական հարթակում գործնական քայլեր է ձեռնարկում ԱՄՆ–ի հետ հարաբերություները խորացնելու առումով։ Այնպես որ համաձայն չեմ այն շեշտադրումների հետ, որ արել է պարոն Սարգսյանը։

Նրա խոսքով՝ միևնույն ժամանակ այս հարաբերություններում չափազանց կաևոր են ՀՀ սուվերեն դիրքերը։ «Սա է ամենամեծ շեշտադրումներից մեկը, որ անում ենք մեր գործընկերների հետ միջազգային հանդիպումների հարթակում»,– ասաց Մակունցը։

Նա վստահեցրեց, որ Հայաստանը ձգտում է վարել բալանսավորված քաղաքականություն և որակական առումով նոր շեշտադրումներ է անում գործընկերների հետ հարաբերություններում։

2019թ.–ի նոյեմբերի 20-ին Զագրեբում կայացած ԵԺԿ համագումարի ընթացքում ՀՀ երրորդ նախագահ Սերժ Սարգսյանը ելույթ էր ունեցել, որտեղ կոշտ քննադատության էր ենթարկել ՀՀ իշխանության վարած արտաքին ու ներքին քաղաքականությունը և նշել, որ իշխանափոխությունը Հայաստանի համար բացասական հետևանքներ է ունեցել։

122
թեգերը:
ԱԺ, ելույթ, Լիլիթ Մակունց, Սերժ Սարգսյան, Էդմոն Մարուքյան, Հայաստան
Ըստ թեմայի
Հայ-թուրքական արձանագրություններն ի սկզբանե մեռալածին փաստաթղթեր էին. Մարուքյան
Պատգամավորը նախարարների աշխատավարձերը բարձրացնելու մասին չի իմացել, բայց մտադիր է ճշտել
ՀՀ դատախազությունը ՌԴ գործընկերոջն է դիմել «Ալրաղացի Լյովիկին» արտահանձնելու համար
Պետրոսյան. «Արդյո՞ք ներկրվող եղևնիներն իրենց հետ չեն բերում հիվանդություններ»