ԵՐԵՎԱՆ, 22 նոյեմբերի – Sputnik. ՀՀ ԱԺ պատգամավոր Ալեն Սիմոնյանը օրերս երեք օրենքի նախագիծ է շրջանառության մեջ դրել, որոնցից մեկի համաձայն առաջարկում է` անցում կատարել ամառային ժամի։ Այս մասին «Իմ քայլը» խմբակցության պատգամավորը գրել է Facebook-ի իր էջում։
«Ժամերի փոփոխությունը հնարավորություն կտա անցում կատարել ամառային ժամի և օգտագործելով բնական լույսը` խնայել հոսանք և ոչ միայն»,- գրել է նա:
Երկրորդ նախագծով պատգամավորն առաջարկում է Հայաստանում ֆուտբոլը զարգացնելու համար թույլ տալ օտարերկրյա ֆուտբոլային ակումբներին լեգիոներներ գնել հայկական ֆուտբոլի համար։ Մեկ այլ նախագծով Սիմոնյանը նպատակ ունի նվազեցնել Ամանորի նախաշեմին եղևնինների ապօրինի հատումներն ու վաճառքը։
Հեղափոխության հետքերով. Հայաստանում ստեղծում են սարք, որը լիցքավորվում է քայլելիս
«Եղևնիների վաճառքի վերաբերյալ նախագիծը կնվազեցնի այն սպանդը, որը տիրում է Ամանորի օրերին, երբ 7 օրվա համար 10 ծառ են ներմուծում դրսից, մնացած հազարները՝ Հայաստանում հատում և հետո թափում այդ ծառերը: Բնական եղևնին Ամանորին տանը կարող է լինել միայն ծաղկամանի մեջ, որ հետո հնարավոր լինի այն տեղափոխել և տնկել,- նշել է պատգամավորը:
Սիմոնյանը հայտնել է, որ ներկայացվածը մեծ օրենսդրական փաթեթի միայն մի մասն է և խոստացել` շարունակության մասին հաջորդիվ տեղեկացնել։
