Ռուբեն Սահակյան

Փաստաբանների պալատում Ռոբերտ Քոչարյանի փաստաբանի նկատմամբ կարգապահական վարույթ են հարուցել

232
(Թարմացված է 16:25 22.11.2019)
ՀՀ փաստաբանների պալատը նրա մեկնաբանությունը անընդունելի է համարել ու Սահակյանի նկատմամբ կարգապահական վարույթ է հարուցել։

ԵՐԵՎԱՆ, 21 նոյեմբեր — Sputnik. ՀՀ փաստաբանների պալատում կարծում են, որ ՀՀ երկրորդ նախագահի փաստաբան, ՀՀ փաստաբանների պալատի առաջին նախագահ Ռուբեն Սահակյանը վարչական խախտումներ է թույլ տվել։ Պատճառն այն է, որ ավելի վաղ փաստաբանը լրագրողների հետ զրույցում  նշել էր, որ Ռոբերտ Քոչարյանի գործը քննող դատավոր Աննա Դանիբեկյանը բավականաչափ պրոֆեսինալ չէ։

«Նա չի տիրապետում իր մասնագիտությանը: Նախորդ նիստում չցանկացավ լսել, թե ինչի մասին եմ խոսում և ասաց՝ «կարճ կապեք»… եթե չես հասկանում, ինչո՞ւ կարճ կապեմ, գնա ձեր տուն, կատուներին դատապարտի: Քո կատուների գործը լսի, ոչ թե մարդկանց, դե, նա շատ կատուներ է պահում»,- նշել էր Սահակյանը:

ՀՀ փաստաբանների պալատը նրա մեկնաբանությունը էթիկապես անընդունելի է համարել ու Սահակյանի նկատմամբ կարգապահական վարույթ է հարուցել։ Sputnik Արմենիայի թղթակցի հետ զրույցում փաստաբանը հայտնեց իր դժգոհությունը։

«Անկեղծ ասած` չեմ պատրաստվում ինչ–որ բան անել, որովհետև ես ոչ մեկին չեմ վիրավորել։ Անգամ եթե իրենց կարծիքով ես վիրավորել եմ դատավորին, ուզում եմ բացատրել` ինչու եմ դա արել։ Դանիբեկյանն անբարեխիղճ, անպատասխանատու դատավոր է, նա խաղում է մարդկանց ճակատագրերի հետ», – ասաց Սահակյանը։

«Լավ բաներ չեմ ասելու». Քոչարյանի գործով դատավորին ինքնաբացարկի միջնորդություն ներկայացրին

Ըստ Սահակյանի` դատավոր Դանիբեկյանն ամեն կերպ խոչընդոտում է Քոչարյանի  փաստաբանների ելույթներին ու այսպիսով` չհիմնավորված որոշումներ է կայացնում։ Նա նաև չի հասկանում` ինչու դատավորը մինչ այժմ չի բացատրել` ինչպես Քոչարյանի գրավի դիմաց ազատության մեջ գտնվելու ընթացքում կարող է խոչընդոտել  քննությանը։

«Եթե գտնում ես, որ կարող է խոչընդոտել, ապա նշիր` ում վրա կարող է ազդեցություն գործադրել։ Ի՞նչ ապացույց կարող է թաքցնել։ Դու մարդկանց ճակատագրեր ես լուծում, քեզ ո՞վ է տվել իրավունք խախտել օրենքը։ Դու պարտավոր ես պատճառաբանել քո որոշումը։ Ուրեմն` դու կարող ես խախտել օրենքը, իսկ մենք չեն կարող քեզ մի թթու խոսք ասել», – վրդովվեց  փաստաբանը։

Նա ավելացրեց, որ բազմիցս ասել է` փաստաբանները նյութապաշտ են, սակայն Փաստաբանների պալատը երբեք չի արձագանքել իր մեկնաբանություններին։

Քոչարյանի պաշտպանը դիմել է արդարադատության նախարարին

Հիշեցնենք` Հայաստանի Փաստաբանների պալատի նախագահի առաջին տեղակալը որոշել է Ռուբեն Սահակյանի նկատմամբ հարուցել կարգապահական վարույթ՝ «Փաստաբանության մասին» ՀՀ օրենքի 19-րդ հոդվածի 2-րդ կետի, ինչպես նաև Կանոնագրքի 2.2.2 ենթակետի խախտման հատկանիշներով:

232
թեգերը:
Փաստաբանների պալատ, Ռոբերտ Քոչարյան, Հայաստան
Ըստ թեմայի
Հայաստանը պատրա՞ստ է վատ սցենարների. Քոչարյանը` Փաշինյանի, Արցախի ու Ռուսաստանի մասին
Քոչարյանի փաստաբանները «քարը քարի վրա չեն թողնելու»
Դատարանը մերժեց Քոչարյանի և մյուսների գործով դատախազի բացարկի միջնորդությունը
 Հռոմի պապ Ֆրանցիսկոս 1-ին

«Ես շատ տխուր եմ»․ Հռոմի պապը մեկնաբանել է Սուրբ Սոֆիայի տաճարը մզկիթի վերածելու որոշումը

12
(Թարմացված է 18:54 12.07.2020)
Հռոմի պապ Ֆրանցիսկոսը Վատիկանում ավանդական կիրակնօրյա պատարագի ժամանակ մեկնաբանել է Սուրբ Սոֆիայի տաճարը մզկիթի վերածելու Թուրքիայի կառավարության որոշումը։

ԵՐԵՎԱՆ, 12 հուլիսի – Sputnik. Հռոմի պապ Ֆրանցիսկոսին տխրեցրել է Թուրքիայի իշխանությունների՝ Սուրբ Սոֆիայի տաճարը մզկիթի վերածելու որոշումը։ Այդ մասին հայրապետը հայտարարել է Վատիկանի Սուրբ Պետրոսի հրապարակում քարոզի ժամանակ։

«Ես մտածում եմ Ստամբուլի մասին, Սուրբ Սոֆիայի մասին և շատ տխուր եմ»,-ասել է նա՝ դիմելով հավատացյալներին։

Հուլիսի 10-ին Թուրքիայի Պետական խորհուրդը չեղարկել էր Սուրբ Սոֆիան թանգարան դարձնելու մասին 1934թ-ի որոշումը։ Նույն օրը երկրի նախագահ Ռեջեփ Թայիփ Էրդողանը ստորագրել էր Սուրբ Սոֆիան մզկիթ դարձնելու որոշումը։

2019թ-ի մարտին Թուրքիայի ղեկավարը հայտարարել էր, որ տաճարի կարգավիճակի փոփոխությունը մուսուլմանների անունից պատասխան է Իսրայելում ԱՄՆ գործողություններին։ Այդպիսով Թուրքիան պատասխանում է ամերիկյան պետությանը, որն աջակցում է Իսրայելի ինքնիշխանությանը Հոլանի բարձունքներում։

ՀՀ ԱԳՆ–ին մտահոգում է Սուրբ Սոֆիայի տաճարի կարգավիճակը փոխելու որոշումը

Սուրբ Սոֆիայի տաճարը կառուցվել է Հուստինիանոս կայսեր հրամանով՝ մ․թ․ 6-րդ դարում։ Կոնստանդնուպոլիսը գրավելուց հետո թուրքերն այն մզկիթ էին դարձրել, բայց 1935թ-ին ժամանակակից թուրքական պետության հիմնադիր Քեմալ Աթաթուրքը սրբավայրին թանգարանի կարգավիճակ էր տվել։

Սպառնալիք է քրիստոնեական աշխարհի համար. Կիրիլ Առաջինը դեմ է Թուրքիայի ծրագրերին

12
թեգերը:
մզկիթ, Ռեջեփ Թայիփ Էրդողան, որոշում, Հռոմի պապ, Թուրքիա, Սուրբ Սոֆիայի տաճար
Ըստ թեմայի
Էրդողանը չեղարկել է Սուրբ Սոֆիայի տաճարը թանգարան դարձնելու մասին Աթաթուրքի որոշումը
Թուրքերը զանգվածաբար աղոթում են մզկիթի վերածված Սուրբ Սոֆիայի տաճարի մոտ. տեսանյութ
Սուրբ Սոֆիայի մզկիթ դառնալը կբարդացնի շատերի կյանքը. Կարո Փայլան
Վերադարձ դեպի անցյալ. ինչո՞ւ է Էրդողանը աչք դրել Սուրբ Սոֆիայի տաճարի վրա
Շառլ Ազնավուրի հրապարակ, արխիվային լուսանկար

Շառլ Ազնավուրի հրապարակում նոր աստղեր կհայտնվեն

15
(Թարմացված է 18:01 12.07.2020)
Այս տարի նշվում է Հրանտ Մաթևոսյանի 85 և Աղասի Այվազյանի 95-ամյակները։ Աստղերի բացման արարաղությունները կմեկնարկեն այս ամիս։

ԵՐԵՎԱՆ, 12 հուլիսի - Sputnik. Երևանի Ազնավուրի հրապարակում հայ կինոյի աստղաբույլը կհամալրվի երկու նոր աստղերով՝ Հրանտ Մաթևոսյանի և Աղասի Այվազյանի։ Նոր աստղերի բացման արարողությունը մեկնարկում է հուլիսից «Ոսկե ծիրան» միջազգային կինոփառատոնի շրջանակում։ Այս տարի նշվում է Հրանտ Մաթևոսյանի 85 և Աղասի Այվազյանի 95-ամյակները։

Հիշեցնենք՝ կինոփառատոնը ծրագրված է անցկացնել նոյեմբերի 1-8-ը։ Կազմակերպիչները հույս ունեն, որ մինչև այդ համավարակի պարտադրած սահմանափակումները գոնե մասնակի կվերացվեն։

Ավելի վաղ տեղեկացրել էինք, որ «Ոսկե ծիրանի» թիմը նաև այլ սցենարներ ևս քննարկել է, եթե նոյեմբերին փառատոնն անցկացնելը հնարավոր չլինի կորոնավիրուսի պատճառով՝ առցանց փառատոնից մինչև հետաձգում հաջորդ տարի։ Առայժմ, փառատոնը շրագրված է նոյեմբերի առաջին շաբաթվա ընթացքում։

Ազնավուրի հրապարակն ու Նիկոլայ I-ի Արարատը. Հայաստանն ինչով կզարմացնի զբոսաշրջիկին

Նշենք, Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։

Դրա տարածումը կանխելու համար աշխարհում բազմաթիվ հայտնի ու մասսշտաբային մարզական ու մշակութային միջոցառումներ հետաձգվել կամ չեղարկվել են։ Մեկ տարով հետաձգվել են անգամ Տոկիոյում կայանալիք ամառային օլիմպիական խաղերը։

15
թեգերը:
Երևան, կինո, Հրանտ Մաթևոսյան, Շառլ Ազնավուր
Ըստ թեմայի
Կինոյի հայ–ռուսական հիմնադրամի ապագան. մանրամասնում է Մակունցը
Հայ ոստիկանները ռուսաստանցի կինոգետին վերադարձրել են գողացված գումարը
Հայ ճարտարապետների նախագծով «շուռ տված» կինոթատրոն կկառուցվի Մոսկվայի սրտում
Հայ աղջիկների հետ շփվել է, ծիրանը` կերել. մեքսիկացի կինոռեժիսորին մնում է Սևանը տեսնել

Քրեական ոստիկանությունը բերման է ենթարկել «Վստրեչի ապերին»

0
(Թարմացված է 18:51 12.07.2020)
Արամ Վարդանյանը մեղադրվում է սպանության փորձ, կողոպուտ և անձի առևանգում կազմակերպելու մեջ։ Նրա նկատմամբ հայտարարվել էր հետախուզում:

ՀՀ քննչական կոմիտեի գլխավոր վարչության հատուկ նշանակայինները հուլիսի 12-ի լուսադեմին Երևանի Արցախի փողոցի տներից մեկում հայտնաբերել ու բերման են ենթարկել 49-ամյա Արամ Վարդանյանին, որը քրեական աշխարհում հայտնի է «Վստրեչի ապեր» մականունով։ Տեղեկությունը հայտնում է ՀՀ ոստիկանության մամուլի ծառայությունը:

Նա մարտի 8-ից ոստիկանության Էրեբունու բաժնի կողմից հետախուզվում էր սպանության փորձի, կողոպուտի և անձի առևանգմանը հանցակցելու, ինչպես և ՀՀ քրեական օրենսգրքով նախատեսված այլ հանցանքներ կատարելու մեղադրանքով, խափանման միջոցը՝ կալանք։ Արամ Վարդանյանը տեղափոխվել  է  քրեակատարողական հիմնարկ։ Օպերատիվ-հետախուզական միջոցառումներն ու քննչական գործողությունները շարունակվում են։

Հիշեցնենք`ոստիկանությունը մարտի 9-ին հետախուզում էր հայտարարել քրեական հեղինակություն, «Վստրեչի ապեր» մականունով հայտնի 49-ամյա Արամ Վարդանյանի նկատմամբ։

Ըստ պաշտոնական հաղորդագրության` նա մեղադրվում է սպանության փորձ, կողոպուտ և անձի առևանգում կազմակերպելու մեջ։

«Մեղադրանքի հետ կապ չունի, բայց պետք է կալանավորվի». «Վստրեչի ապերի» փաստաբանը կբողոքարկի

Ոստիկանությունը նրա գտնվելու վայրի մասին տեղեկություն ունեցողներին խնդրել էր դիմել ոստիկանության մոտակա բաժին` երաշխավորելով տեղեկություն հայտնողի գաղտնիությունը։

0
թեգերը:
Ձերբակալում, Հայաստան, հետախուզվող, ՀՀ քննչական կոմիտե, Մեղադրանք, Արամ Վարդանյան
Ըստ թեմայի
Ոստիկանությունը «Վստրեչի ապերի» նկատմամբ հետախուզում է հայտարարել
«Վստրեչի ապերի» եղբորորդուն և հարևանին մեղադրանք է առաջադրվել. պաշտպան
Ինչպես են ոստիկանները մտել «Վստրեչի ապերի» տուն. տեսանյութեր
«Չփորձեք ինձ ներքաշել քաղաքական խաղերի մեջ». «Վստրեչի ապերը» հայտարարություն է տարածել