Տատյանա Մեժենցևան ու Դենբերել Օօրժակը

«Մանկական Եվրատեսիլ» մրցույթի փորձի ժամանակ ռուս մասնակիցն ուշագնաց է եղել

181
(Թարմացված է 10:23 21.11.2019)
Դեպքը տեղի է ունեցել մրցույթի առաջին փորձի ժամանակ: Դենբերելի կողքին են եղել նրա տատիկն ու Ռուսաստանի պատվիրակության ներկայացուցիչները:

ԵՐԵՎԱՆ, 21 նոյեմբերի - Sputnik. «Մանկական Եվրատեսիլ 2019» միջազգային երգի մրցույթի ռուս մասնակիցը` 13-ամյա Դենբերել Օօրժակը, մրցույթի առաջին փորձի ժամանակ բեմում ուշագնաց է եղել, նրան տեղափոխել են Լեհաստանի հիվանդանոցներից մեկը: Այս մասին հայտնում է ՌԻԱ Նովոստին` հղում անելով «Իգոր Կրուտոյի ակադեմիայի» մամուլի ծառայությանը:

Փորձի ժամանակ Օօրժակն իրեն վատ է զգացել, բժիշկներ են ժամանել, որոնք խորհուրդ են տվել տղային հանգստանալ: Դենբերելի կողքին եղել են նրա տատիկը և Ռուսաստանի պատվիրակության ներկայացուցիչները:

«Առաջին փորձի ընթացքում Դենբերելն ուշագնաց է եղել: Նրան շտապօգնության մեքենայով տեղափոխել են տեղի հիվանդանոց: Նա այժմ գտնվում է բժիշկների հսկողության տակ», - նշված է մամուլի հաղորդագրության մեջ:

Ըստ տեղեկության` տղան բուժզննում է անցել: Բժիշկները նրան առաջարկել են հանգստանալ և գիշերը մնալ հիվանդանոցում ՝ բժշկական անձնակազմի հսկողության տակ:

«Սիրում եմ ուշադրության կենտրոնում լինել». անկեղծ զրույց Սրբուկի հետ

Հիշեցնենք, որ «Մանկական Եվրատեսիլ 2019» երգի միջազգային մրցույթի եզրափակիչ փուլը կկայանա նոյեմբերի 24-ին Լեհաստանի Գլիվիցե քաղաքում:

«Ես հոգեբանորեն պատրաստ եմ թե՛ հաղթանակի, թե՛ պարտության». Կարինա Իգնատյան

181
թեգերը:
հիվանդանոց, երեխա, Մանկական Եվրատեսիլ
Ըստ թեմայի
Միհրան Ծառուկյանը բեմում ամուսնության առաջարկ արեց Արփի Գաբրիելյանին. տեսանյութ
Billboard–ը հայտնել է «տասնամյակի կնոջ» անունը
«Աչքերը` հաղարջի հատիկ». Ստոցկայան ցույց է տվել իր և հայ ամուսնու երեխաների լուսանկարը