Նիկոլ Փաշինյան

Փորձանքը մեկ անգամ է գալիս. Փաշինյանը` շմոլ գազից մահացած տատի ու 4 թոռների մասին

2541
(Թարմացված է 20:50 17.11.2019)
Փաշինյանը հորդորեց, որ եթե տանը բացակայում է շմոլ գազի անվտանգության համակարգը, ապա չպետք է գազ օգտագործել։

ԵՐԵՎԱՆ, 17 նոյեմբերի — Sputnik. ՀՀ վարչապետ հորդորում է` անպայման ստուգել շմոլ գազի ազդանշանային համակարգն ու նոր միայն գազն օգտագործել։ Այս մասին Փաշինյանն ասաց Նոր Հաճն գնալու ճանապարհին` Facebook–ի իր էջում ուղիղ եթերի ժամանակ` անդրադառնալով երեկ տեղի ունեցած սահմռկեցուցիչ դեպքին։

Երեկ Նոր Հաճնում շմոլ գազից թունավորվել ու մահացել էին 77-ամյա տատը` Ժաննա Սիմոնյանը, իր չորս թոռների հետ` 16-ամյա Էդուարդ Մ.-ի, 12-ամյա Սերինե Մ.-ի, 15-ամյա Տիգրան Ս.-ի և 14-ամյա Ժաննա Մ.-ի դիերը:
«Երեկ տեղի ունեցածը ողբերգական դեպք էր, ու քանի որ գազով ջեռուցման սեզոնը բացվել է, բոլորդ անպայման գազի ներտնային սպասարկման բաժնի աշխատակիցներին հրավիրեք, թող գան ու տեղադրեն դրանք»,–ասաց նա։

Փաշինյանը նշեց նաև, որ եթե տանը բացակայում է անվտանգության համակարգը, ապա պետք չի գազ օգտագործել։ Վարչապետը մեջբերեց ասացվածքը` փորձանքը մեկ անգամ է գալիս։

Սահմռկեցուցիչ դեպք Նոր Հաճնում. տանը հայտնաբերվել են տատի ու 4 թոռների դիերը

Նրա խոսքով` ստուգել շմոլ գազի ազդանշանային համակարգ ունենալը դեռ ապահովագրություն չէ` պետք է նաև ստուգել ու համոզվել, որ դրանք աշխատում են։

Շմոլ գազից Երևանում թունավորվել է 6 երեխա

Հիշեցնենք, որ երեկ շմոլ գազի հետևանքով մահացածներից երկուսը հայտնաբերվել էին լոգարանում, 3-ը՝ ննջարանում: Հայտնի է, որ երեխաների հայրն ու մայրը բնակվում են Ուկրաինայում, սակայն ամուսնալուծված են, իսկ երեխաների հոգսը միշտ հոգացել են տատիկը և Հայաստանում գտնվող հորեղբայրը:

2541
թեգերը:
գազ, թոռ, Տատիկ, Մահ, Նիկոլ Փաշինյան, Հայաստան
Ըստ թեմայի
Շմոլ գազից թունավորվելու հերթական դեպքը Հայաստանում. երեխաներ են հիվանդանոց տեղափոխվել
Դարբնիկում շմոլ գազից 3–10 տարեկան երեխաներ են թունավորվել
Թունավորում շմոլ գազից. Լիճքի 5 բնակչի հիվանդանոց են տեղափոխել
Վորոնեժի մոտակայքում երկու փոքրիկի մահվան գործով դատապարտվել է մայրը, որը ՀՀ քաղաքացի է