Մարգարիտա Սիմոնյանն ու Տիգրան Քեոսայանը

Տիգրան Քեոսայանն ու Մարգարիտա Սիմոնյանը «Զարթիր, լաո» են երգում. վերադարձ դեպի արմատներ

1303
(Թարմացված է 17:33 16.11.2019)
Instagram–ի օգտատերերից մեկը կարծել է, թե «Զարթիր, լաո»–ն օրորորցային երգ է ու միակն է աշխարհում, որտեղ «քնիր»–ի փոխարեն ասվում է «զարթնիր»։

ԵՐԵՎԱՆ, 16 նոյեմբերի — Sputnik. Մոսկվաբնակ հայազգի ռեժիսոր, դերասան և հեռուսատահաղորդավար Տիգրան Քեոսայանն ու նրա կինը` RT-ի և Sputnik գործակալության գլխավոր խմբագիր, Մարգարիտա Սիմոնյանը, ընկերների հետ անցկացրած երեկոյի ընթացքում հայկական ազգային–ազատագրական երգ են երգել։ Այս մասին Instagram–ում հրապարակած տեսանյութերով իր հետևորդներին հայտնել է Մարգարիտ Սիմոնյանը։

«Ուրբաթ երեկո. Մոսկվայի հայերը հիշում են իրենց արմատները»,– գրել է նա։

Посмотреть эту публикацию в Instagram

Пятница, вечер. Московские армяне вспоминают свои корни.

Публикация от Маргарита Симоньян (@_m_simonyan_)

Տեսանյութերում հստակ լսվում է, որ սեղանակիցները կատարում են «Զարթիր, լաո» երգը։

Instagram–ի օգտատերերը հետաքրքիր մեկնաբանություններով են արձագանքել Սիմոնյանի հրապարակմանը։

Նրանցից մեկը կարծել է, թե սա օրորոցային երգ է։ «Աշխարհում միակ օրորոցայինն է, որտեղ «քնիր»–ի փոխարեն ասվում է «զարթնիր»,– գրել է նա։

Մեկ այլ օգտատեր էլ խոստովանել է, որ հրապարակված տեսանյութերը հայրենիքի սահմաններից դուրս բնակվող հայերի մոտ կարոտախտ են առաջացրել։

«Որքան մենք մեծանում ենք, այդքան այդ զգացումը սրվում է»,– գրել է նա` իր սերն ու հպարտությունը հավաստելով հայրենիքին ու շնորհակալություն հայտնելով տեսանյութերի հեղինակներին։

Տիգրան Քեոսայանի դուստրը «փչացրել է» խորթ քրոջ ծննդյան տոնը

Հիշեցնենք, որ այս տարվա հոկտեմբերի 19-ին, Սիմոնյանի ու Քեոսայանի ընտանիքում ծնվեց երրորդ զավակը։ Տիգրան Քեոսայանն ու Մարգարիտա Սիմոնյանը երկու երեխա արդեն ունեին: 2013 թվականի օգոստոսին ծնվել էր նրանց աղջիկը՝ Մարիանան, իսկ 2014 թվականի սեպտեմբերին` որդին՝ Բագրատը։ Եվս 2 դուստր (Ալեքսանդրիա և Քսենյա) Տիգրան Քեոսայանն ունի դերասանուհի Ալյոնա Խմելնիցկայայի հետ ամուսնությունից:       

«Ես քեզ ասացի` տանը նստիր». Տիգրան Քեոսայանի և կնոջ զվարճալի «երկխոսությունը»

1303
թեգերը:
տեսանյութ, Տիգրան Քեոսայան, Մարգարիտա Սիմոնյան
Ըստ թեմայի
Ինչերից է հրաժարվել Մարգարիտա Սիմոնյանը` ամեն ինչ հասցնելու համար. խոստովանություն
Մարգարիտա Սիմոնյանի՝ սկեսուրի ու ամուսնու նախկին կնոջ հանդեպ սերը ապշեցրել է օգտատերերին
Տիգրան Քեոսայանը «հայավարի» երգում է կանանց համար. տեսանյութը հրապարակել է նախկին կինը
Մաքսիմ Գալկինն ու Ալլա Պուգաչովան. արխիվային լուսանկար

Ինչպես են սպասում տանը. Գալկինը ցույց է տվել, թե ինչ անակնկալ է պատրաստել իր համար կինը

29
(Թարմացված է 20:43 02.07.2020)
71-ամյա պրիմադոննան գործուղումից վերադարձող ամուսնուն դիմավորելու համար յուրահատուկ անակնկալ է պատրաստել։ Երկար սպասված հանդիպման «տեսահաշվետվությունը» հայտնվել է Instargam-ում։

ԵՐԵՎԱՆ, 2 հուլիսի - Sputnik. Ռուսական շոու բիզնեսի թագուհի Ալլա Պուգաչովան հաճելի անակնկալ է պատրաստել ամուսնու` Մաքսիմ Գալկինի վերադարձի առթիվ․ երգչուհին որոշել է ուշադրություն չդարձնել համավարակին և ամուսնու պատվին երեկույթ է կազմակերպել։

Հայտնի հաղորդավարն աշխատանքի բերումով մի քանի օրով քաղաք էր գնացել։ Այդ ընթացքում Պուգաչովան և նրանց երկվորյակները՝ Գարին ու Լիզան, ժամանակը զուր չեն վատնել և պատրաստվել են հայրիկի վերադարձին։ Պուգաչովան ընդհատել է ինքնամեկուսացումը և հրավիրել Գալկինի ընկերներին և բարեկամներին։

Պրիմադոննան գործուղումից վերադարձող ամուսնու համար հատուկ հրավերք է կազմակերպել։ Ընտանեկան հավաքի տեսահաշվետվությունը հայտնվել է Գալկինի ինստագրամյան էջում։

Հավերժ գեղեցիկ ու երջանիկ Պուգաչովան․ Գալկինը կնոջ մասնակցությամբ տեսանյութ է հրապարակել

View this post on Instagram

A post shared by Максим Галкин (@maxgalkinru) on

Տեսանյութում երևում է, որ հյուրերն աստղերի դղյակի տարածքում հավաքվել են խարույկի շուրջ և սպասում են հավաքույթի «մեղավորին»։

Գալկինը հիացած է մտերիմների ուշադրությամբ և շտապել է ուրախությունը հայտնել երկրպագուներին։ Հաղորդավարի հետևորդները գնահատել են նրա տիկնոջ ջանքերը և նշել են, որ Պուգաչովան է՛լ ավելի է գեղեցկացել և իր տարիքից շատ ավելի երիտասարդ է երևում։

Ռուս հումորիստ Մաքսիմ Գալկինը և երգչուհի Ալլա Պուգաչովան, հոգնելով չորս պատի մեջ գտնվելուց, հաճախ են հետաքրքրացնում իրենց առօրյան։ Վերջերս նրանք ընտանեկան կյանքի բեմադրություն էին կազմակերպել կորոնավիրուսի համավարակի հետ կապված։ «Ինքնամեկուսացման հիմնը» զվարճացրել էր հայտնի զույգի երկրպագուներին։

Օրբելյան, Մանուկյան և Ալլա․ մի հայն ուղի բացեց Պուգաչովայի համար, մյուսն ուզում էր «փակել»

Գալկինի և Պուգաչովային երեխաները գործուն մասնակցություն ունեն ծնողների «տարօրինակություններին»։ Վերջերս Գարին և Լիզան պատմում էին, թե ինչպես է պետք պաշտպանվել COVID-19-ից, ինչպես նաև շնորհավորում էին պրիմադոննային՝ ծննդյան օրվա առթիվ։

29
թեգերը:
Ալլա Պուգաչովա, Մաքսիմ Գալկին
Ըստ թեմայի
Հրապարակվել է Ալլա Պուգաչովայի «վուլգար» տեսահոլովակը
Պուգաչովան հպարտանում է իր երեխաներով. նրանք արդեն սահում են անվաչմուշկով. տեսանյութ
Գալկինն առաջին անգամ ասել է` ինչպես է ծանոթացել Պուգաչովայի հետ
Գյումրու քաղաքապետարան

Կոկորդիլոսաբուծությունից մինչև օդային հանրակառք. հեքիա՞թ, թե՞ հավակնոտ ծրագիր

34
(Թարմացված է 20:33 02.07.2020)
«Արմոն» ընկերությունը մշակել է տուրիստական հոսքը խթանող Գյումրու զարգացման բիզնես ծրագիր, որի մեխն օդային քաղաքային տրանսպորտ հիմնելն է: Ծրագիրը որքան հավակնոտ, նույնքան ոչ իրատեսական ու հեքիաթային է:

ԵՐԵՎԱՆ, 2 հուլիսի – Sputnik. Հուլիսի 2-ին «Արմոն» ընկերությունը Գյումրու քաղաքապետարանի նիստերի դահլիճում հանրային քննարկման ներկայացրեց ընդհանուր 610 միլիոն դոլար ներդրումային ծրագիրը, որի  մեխը 25 կմ երկարությամբ  օդային երթուղիներն են:

Ծրագրի շրջանակում նախատեսվում է կառուցել բնակելի էկոթաղամաս՝  դպրոցով, մանկապարտեզով, էսթետիկ կենտրոնով, սպորտային և շատրվանային համալիրներով, լողավազանով, ֆիթնես կորտերով և այլ ենթակառուցվածքներով:

15 տարբեր ենթակառուցվածքները միմյանց հետ կապվելու են օդային տրանսպորտով: Նախագծի անկյունաքարը օդային շարժակազմն է: Դա լինելու է օդային համակարգ, որն աշխատելու է ըստ անհրաժեշտության՝ բենզինով, դիզելային վառելանյութով կամ  էներգիայով: Թեթև շարժակազմով օդային տրանսպորտն այլընտրանքային տրանսպորտ է և ունենալու է  կանգառներ՝ Գյումրու ողջ երկայնքով:

«Արմոն» ընկերության տնօրեն Խաչատուր Սարգսյանը հավաստիացրեց, որ այս տեխնոլոգիան ամենևին էլ նոր չէ։

Планируемый маршрут будущего аэробуса в Гюмри
Ծրագրի նախագիծը

«Նմանատիպ ծրագիր ունենք Աֆրիկայում՝ Տանզանիայում: Տեխնոլոգիան նոր չէ, բելառուսական է, որը գործում է նաև Բելառուսիայի քաղաքներից մեկում»,- ասաց նա։

«Մեռյալ կետից միանգամից սկսեցինք բարձրանալ». Գյումրու քաղաքապետը զարմացած է

Սարգսյանի խոսքով՝ նպատակը մեկն է՝ զարգացնել Գյումրու ենթակառուցվածքները: Ի դեպ, նախագիծը դեռ վերջնական տեսքի չի բերվել։ Նախաձեռնողները պատրաստ են ցանկացած լավ առաջարկ քննարկել:

Նախագծի հեղինակը ծրագիրը ռիսկային է համարում: Ասում է՝ Գյումրին իր տարածքով փոքր է․ հիմնական սպասելիքները կապում են ենթակառուցվածքների հետ, ոչ տրանսպորտից օգտվողների:

Սարգսյանը վստահեցնում է ներդրումային բիզնես գաղափարը նշված ժամկետների մեջ կյանքի կկոչվեն բյուրոկրատական քաշքշուկները բացառելու դեպքում:

Ծրագրի մասին պատմող տեսաֆիլմը դիտելուց հետ Գյումրու քաղաքապետ Սամվել Բալասանյանը փաստեց՝ «հեքիաթ է»:

«Մեկ-մեկ հեքիաթները կյանքի են կոչվում»,- նշեց նա և հավաստիացրեց՝ ամեն ինչ կանեն, որ ներդրողները գոհ լինեն:

Ծրագրի համալիր նախագծման մեկնարկը տրվել է 2020-ին․ նախատեսվում է ավարտին հասցնել մինչև 2023 թվականը։

Հիշեցնեք, որ ամիսներ առաջ «Արմոն» ընկերությունը ներդրումային մի ծրագիր էլ ներկայացրել էր Արարատի մարզի համար: Խոսքը մեծ աղմուկ բարձրացրած կոկորդիլոսաբուծարանի մասին է:

34
թեգերը:
բիզնես, Սամվել Բալասանյան, նախագիծ, Գյումրի
Ըստ թեմայի
Դիահերձարանից կորած գյումրեցի տատիկի դին գտնվեց. Նաիրա Զոհրաբյանը մանրամասներ է հայտնում
Ինչու է գյումրեցի կնոջը սպանած ռուս զինծառայողի դատական նիստը հետաձգվել
Գյումրեցի 13-ամյա Նազելին կապրի հորաքրոջ հետ. դասընկերներն անհամբեր նրան են սպասում
Տուգանքը նույնիսկ գյումրեցիներին է ստիպել կարգապահ դառնալ
Նիկիտա Խրուշչով

Ինչո՞ւ Խրուշչովը կոշիկով խփեց ՄԱԿ-ի սեղանին, ում ելույթն էր հունից հանել ԽՍՀՄ առաջնորդին

16
​Եկեք անկեղծ լինենք: Երբեմն նույն երևույթը, նույն իրադարձությունը, նույն դրվագը տարբեր մարդիկ այնքան տարբեր, հակասական ու իրարամերժ  տեսանկյուններից են նկարագրում, որ մարդ պարզապես զարմանում է՝ արդյոք խոսքը նույն իրականության մասին է:
Խռուշչովի կոշիկը

Երբ մի քանի օր առաջ Ամերիկայում մահացավ խորհրդային նախկին առաջնորդ Նիկիտա Խրուշչովի որդին, հիշեցի նրա հոր հետ կապված երևի թե ամենաարտառոց ամերիկյան պատմությունը, որը տեղի է ունեցել Նյու Յորքի ՄԱԿ-ի կենտրոնակայանում ուղիղ 60 տարի առաջ:

Երևի գիտեք, որ ՄԱԿ-ի կենտրոնակայանում էքսկուրսիաներ են կազմակերպվում, մի անգամ ինձ էլ է բախտ վիճակվել մտնել այդ շենք: Եվ էքսկուրսավարը պատմում էր, որ ամենից հաճախ հնչող խնդրանքը սա է՝ ցույց տվեք այն տեղը, որտեղ 1960 թվականին Խորհրդային Միության ղեկավար Նիկիտա Խրուշչովը հանել է իր կոշիկը և դրանով հարվածել սեղանին: Պատկերացնո՞ւմ եք՝ ողջ աշխարհում ՄԱԿ-ի հետ կապված ամենահիշարժան դրվագը Խրուշչովի կոշիկի հետ է կապված:  

​Իրականում չկա տեսագրություն կամ լուսանկար, որը հավաստեր, թե իրոք սովետական առաջնորդը հանել է կոշիկը ու սկսել է  դրանով թխկացնել սեղանին:  Ինքը՝ Նիկիտա Սերգեևիչը, իր հուշերում պնդում է, թե դա տեղի է ունեցել այսպես: 60 թվականին Իսպանիայում իշխում էր բռնապետ գեներալ Ֆրանկոն։ Նրա ներկայացուցչի ելույթը ՄԱԿ-ում այնքան է զայրացրել Խրուշչովին, որ նա սկսել է բռունցքներով հարվածել սեղանին: Խրուշչովը գրում է. «Հետո հիշեցի, որ մի անգամ կարդացել էի, թե ինչ էին անում դարասկզբին ռուս պատգամավորները Պետական դումայում: Հանեցի կոշիկս ու սկսեցի դխկացնել սեղանին»։

Միանգամից ասեմ՝ Խրուշչովը սխալվել է՝ իսպանացու ելույթի ժամանակ նման բան չի եղել: Դա նշված է նաև նրա հուշերի ծանոթագրություններում։ Ինքը պարզապես շփոթել է. այդ դրվագը տեղի է ունեցել Ֆիլիպինների ներկայացուցչի ելույթի ժամանակ, երբ վերջինս պնդել է, թե Սովետական Միությունը, որը հանդես է գալիս գաղութատիրության դեմ, իրականում ինքն է գաղութացրել ողջ Արևելյան Եվրոպան: Խրուշչովը իբր վրդովվել է, հանել է կոշիկը ու սկսել է դրանով հարվածել սեղանին: Բայց «Նյու Յորք թայմզի» թղթակիցը վկայում է. «Ախր այդ օրը դահլիճում բացի ինձանից ներկա են եղել տասնյակ թղթակիցներ: Ոչ ես եմ նման բան տեսել, ոչ էլ իմ գործընկերները»։ 

​Մնում է եզրակացնել, որ հիշարժան դրվագը տեղի է ունեցել Մեծ Բրիտանիայի այն ժամանակվա վարչապետ Հարոլդ Մաքմիլանի ելույթի ժամանակ: Պարզապես մեջբերեմ նախկին վարչապետի պատմածը. «Երբ ես սկսեցի ամբիոնից խոսել, Խրուշչովն անմիջապես փորձեց ինձ ընդհատել: Ես նրա բնավորությանը լավ ծանոթ էի, բայց այն, ինչ ինքն արեց այդ հեղինակավոր կազմակերպությունում, պարզապես ամոթալի էր: Նա բռունցքներով հարվածում էր սեղանին, հետո էլ հանեց կոշիկը և սկսեց դրանով խփել սեղանին»։

Ինչով են տարբերվում բազմակողմանի զարգացած հայը և նման բրիտանացին, կամ մենք ամեն ինչ գիտենք

Տարբեր վարկածներ են շրջանառվում նաև այն մասին, թե ինչպես պատահեց, որ Խրուշչովը որոշեց գործի դնել կոշիկը: Նրա թոռնուհին՝ Նինա Խրուշչովը, պնդում է, թե պապը այդ օրը նոր կոշիկներ էր հագել, որոնք սեղմում էին եւ նստելուց հանել էր դրանք: Երբ նա սկսեց բռունցքներով հարվածել սեղանին, ձեռքի ժամացույցը ընկավ հատակին, Խրուշչովը կռացավ, որպեսզի վերցնի ժամացույցը, տեսավ կողքին դրված կոշիկը, և  ծագեց այդ կոշիկն օգտագործելու միտքը:   

Ինչու են թուրքմենները թղթադրամների վրա գրում «Բերդիմուհամեդով, հեռացի՛ր»

Ի դեպ՝ գոյություն ունի նաև այսպես կոչված՝ «երրորդ կոշիկի» վարկածը: Ամերիկացի մի պրոֆեսոր պնդում է, թե Խրուշչովը կոշիկը ոտքից չի հանել, նա շորի մեջ փաթաթած լրացուցիչ կոշիկ էր բերել իր հետ նիստերի դահլիճ: Ամփոփելով այս վիճահարույց պատմությունը` անկեղծ ասեմ՝ ինձ ամենից շատ դուր է գալիս ռուսաստանցի պատմաբաններից մեկի ասածն այս դրվագի կապակցությամբ. «Ախր մենք, պատմաբաններս, իսկի չենք կարողանում ստույգ պարզել, թե ինչ է տեղի ունեցել  մի քանի տասնյակ տարի առաջ ՄԱԿ-ի դահլիճում, հարյուրավոր ականատեսների աչքի առջև, երբ արդեն կար ոչ միայն լուսանկարչություն, այլև ռադիո եւ հեռուստատեսություն,  այդ դեպքում ինչ իրավունքով ենք վստահ խոսում այն մասին, թե ինչ է տեղի  ունեցել հարյուրամյակներ, նույնիսկ հազարամյակներ առաջ»։ Համաձայնեք՝ այս միտքը իրոք մտորելու առիթ է տալիս:

 

16
թեգերը:
ԽՍՀՄ, կոշիկ, ելույթ, Միավորված ազգերի կազմակերպություն (ՄԱԿ), Նիկիտա Խրուշչով
թեմա:
5 րոպե Դուլյանի հետ
Ըստ թեմայի
«Ազնիվ մարդկանց կուսակցություն»` կաշառակեր անդամներով, կամ երբ մեր քաղաքական դաշտը կմաքրվի
Արդյո՞ք մարդը մոտ ապագայում կապրի 150 տարի
Անհավանական է. քանի շիշ շամպայն է խմել Չերչիլը և որտեղ են տիեզերագնաց Արմսթրոնգի կոշիկները