Հրայր Թովմասյան

Կառավարությունը թոշակի է ուղարկում Հրայր Թովմասյանին

276
(Թարմացված է 14:05 14.11.2019)
Կառավարությունն ԱԺ–ին առաջարկում է հրատապ կարգով ընդունել ՍԴ դատավորներին վաղ կենսաթոշակի ուղարկելու օրինագծերը։

ԵՐԵՎԱՆ, 14 նոյեմբերի — Sputnik. Եթե ՍԴ անդամը մինչև 2020թ–ի դեկտեմբերի 31-ը հրաժարական տա, կստանա հրաժարականի պահին ստացած աշխատավարձի ու հավելավճարի չափով գումար։ Այս մասին այսօր կառավարության նիստում հայտնեց ՀՀ արդարադատության նախարար Ռուստամ Բադասյանը` ներկայացնելով «Սահմանադրական դատարանի»  և «Պաշտոնատար անձանց գործունեության ապահովման, սպասարկման և սոցիալական երաշխիքների մասին» ՀՀ օրենքներում կառավարության առաջարկած փոփոխությունները։

«Հաշվի առնելով Հայաստանում տարիներ շարունակ կոռուպցիայի բարձր մակարդակն ու դրա հնարավոր ազդեցությունը դատական մարմինների ձևավորման վրա, մենք խնդիր ենք դրել տարբեր գործիքներով ստուգել դատավորների և իրավապահների բարեվարքությունը։ Եվ, վաղ կենսաթոշակի ներդրումն այս ուղղությամբ հերթական քայլն է»,– ասաց Բադասյանը։

Նա նաև հիշեցրեց, որ ՀՀ նոր Սահմանադրությամբ ՍԴ 9 դատավորներին պետք է ընտրի ԱԺ–ն` կառավարության, դատավորների ընդհանուր ժողովի ու ՀՀ նախագահի առաջադրած 3-ական թեկնածուներից։

«Ըստ էության, ստացվում է այնպես, որ առհասարակ կարող է կյանքի չկոչվել այս մոդելը, որովհետև սահմանադրական փոփոխություններից առաջ արդեն պաշտոնավարում էին ՍԴ անդամները, որոնք ընտրվել էին հին կարգով»,– ասաց Բադասյանը։

Այվազյան. «Թովմասյանի դիմումը վարույթ չընդունելով` ՍԴ–ն փոշիացրեց ԱԺ մեծամասնությանը»

ՀՀ վարչապետ Նիկոլ Փաշինյանն էլ նշեց, որ եթե կառավարությունը ոչինչ չփոխի, ապա սահմանադրական այդ դրույթը հնարավոր չի լինի կիրառել մինչև 2035թ–ը, երբ կավարտվի այսօր պաշտոնավարող ՍԴ դատավորների պաշտոնավարման ժամկետը։

«Փաստորեն, սահմանադրական փոփոխությունների հեղինակները մի կողմից ասել են` ժողովուրդ ջան, տեսեք, մենք երազանքի ՍԴ մոդելը գտել ենք, որը մեր խնդիրները լուծելու է, մյուս կողմից արել են փոփոխություններ, որոնք ՀՀ–ին առնվազն մինչև 2035թ–ը թույլ չեն տա ունենալ այդ երազանքի ՍԴ–ն»,– ասաց Փաշինյանը։

ՍԴ դատավորները հետևում են զարգացումներին և կարձագանքեն ըստ անհրաժեշտության

Կառավարության օրենսդրական նախաձեռնությունը Փաշինյանի խոսքով, հնարավորություն կտա նոր Սահմանադրության մշակման ու ընդունման մեջ ավանդ ունեցած ՍԴ անդամներին ունենալ իրենց երազած ՍԴ–ն` առանց սոցիալական կորուստների։

Կառավարությունն ընդունեց «Սահմանադրական դատարանի»  և «Պաշտոնատար անձանց գործունեության ապահովման, սպասարկման և սոցիալական երաշխիքների մասին» ՀՀ օրենքներում փոփոխությունների նախագծերն, ու դրանք ուղարկեց ԱԺ` հրատապ կարգով, արտահերթ նիստում ընդունելու։

276
թեգերը:
Նիկոլ Փաշինյան, Ռուստամ Բադասյան, ԱԺ, ՀՀ կառավարություն, Թոշակ, Սահմանադրական դատարան, Հրայր Թովմասյան, Հայաստան
Ըստ թեմայի
Հրայր Թովմասյանի դեմ կոնկրետ ցուցմունք տվող է եղել. «Ժողովուրդ»
Հրայր Թովմասյանը չարաշահե՞լ է պաշտոնեական լիազորությունները
Հարությունյան. «Սահմանադրությունը փոխելու նախադրյալներ այս պահին չկան»
Հրայր Թովմասյանն արձագանքել է Վենետիկի հանձնաժողովի նախագահի հայտարարությանը
 Facebook

Ադրբեջանի իշխանությունն արգելափակել է գրեթե բոլոր սոցիալական ցանցերը

145
(Թարմացված է 11:40 27.09.2020)
Ադրբեջանում վաղ առավոտից սոցցանցային օգտատերերը բողոքում են, որ Facebook, Youtube, Whatsapp, TikTok սոցցանցային հարթակները չեն աշխատում։

ԵՐԵՎԱՆ, 27 սեպտեմբերի - Sputnik. Ադրբեջանի իշխանությունները արգելափակել են գրեթե բոլոր սոցիալական ցանցերը: Տեղեկությունը հայտնում է երկրի տրանսպորտի, կապի և բարձր տեխնոլոգիաների նախարարությունը:

Ադրբեջանի իշխանությունները պարզաբանել են, որ սոցիալական ցանցերի արգելափակումը պայմանավորված է «Հայաստանի կողմից լայնածավալ սադրանքները կանխելու համար»:

«Հուսով ենք, որ Ադրբեջանի քաղաքացիները ըմբռնում կցուցաբերեն՝ կապված այն սահմանափակումների հետ, որոնք կարող են ծագել սոցցանցային տիրույթում ՝ հակամարտության համատեքստում»,- նշել են նախարարությունից:

Նշենք, որ Ադրբեջանում սոցցանցային օգտատերերը վաղ առավոտից բողոքում են, որ Facebook, Youtube, Whatsapp, TikTok սոցցանցային հհարթակները չեն աշխատում:

Մեկ կին և մեկ երեխա. Մարտունիում խաղաղ բնակիչներ են զոհվել

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

«Պատերազմ են ուզում, պատերազմ էլ կստանան». Արցախի նախագահ

145
թեգերը:
Արցախ, հայ-ադրբեջանական, Ադրբեջան, Facebook
թեմա:
Ադրբեջանական ագրեսիա Արցախում. 2020
Ըստ թեմայի
Արցախում ռազմական դրություն և համատարած զորահավաք է հայտարարվել
Ինչպես է հայկական զինուժը ոչնչացնում ադրբեջանական տանկերը. տեսանյութ
Մարտերը շարունակվում են. հայկական կողմը խոցել է 2 ուղղաթիռ, 14 ԱԹՍ, տանկեր. տեսանյութ
Երևան

Քանի՞ օր անձրև չի գա Հայաստանում. եղանակի տեսություն

39
(Թարմացված է 22:41 26.09.2020)
Օդերևութաբանների կանխատեսումներով` հանրապետության տարածքում առաջիկա օրերին օդի ջերմաստիճանի էական փոփոխություն չի գրանցվի։

ԵՐԵՎԱՆ, 27 սեպտեմբերի — Sputnik. Հայաստանի տարածքում սեպտեմբերի 27-ին տեղումներ չեն լինի։ Չոր եղանակը կշարունակվի մինչև սեպտեմբերի 30-ը։ Տեղեկությունը հայտնում է ՀՀ արտակարգ իրավիճակների նախարարությունը։

«Օդի ջերմաստիճանն էապես չի փոխվի»,– նշված է հաղորդագրության մեջ։

Երևանում սեպտեմբերի 27-ի ցերեկային ժամերին սպասվում է 28–30, երեկոյան՝ 23–25, գիշերը՝ 14+16 տաքություն։

Հայաստանի հյուսիսում` Շիրակում, սեպտեմբերի 27-ին ցերեկը սպասվում է 20–25, գիշերը՝ 6–10 տաքություն։ Հարավում` Սյունիքում, ցերեկը կլինի 22–25, գիշերը՝ 12–16 տաքությունը։ Արցախում նույնպես տաք աշուն է, ցերեկը օդի ջերմաստիճանը կտատանվի +20–ից +25–ի, գիշերը՝ +6–ից +10–ի սահմանում։

 Եղանակի կանխատեսում
Եղանակի կանխատեսում
39
թեգերը:
Անձրև, եղանակ, Հայաստան
թեմա:
Եղանակը Հայաստանում
Ըստ թեմայի
«Ապրեք». Արայիկ Հարությունյանը համոզված է, որ հնարավոր է զերծ մնալ դպրոցները փակելուց
Երևանի մի շարք թաղամասերում ու մարզերում ջրամատակարարման նոր գրաֆիկ է սահմանվել
ՀՀ ոստիկանությունը մարտից ի վեր ավելի քան 145 հազար վարչական տույժ է նշանակել
Օնիկ Գասպարյան. արխիվային լուսանկար

Հազարավոր կյանքերի գնով վաստակած մեր անկախությունը նորից վտանգված է. Օնիկ Գասպարյան

0
(Թարմացված է 13:56 27.09.2020)
ՀՀ զինված ուժերի գլխավոր շտաբի պետը հանդես է եկել ուղերձով` նշելով, որ պետք է արժանի լինենք հայոց զենքի և անվան փառքին:

ԵՐԵՎԱՆ, 27 սեպտեմբերի — Sputnik. Արցախա–ադրբեջանական շփման գծի առաջնագծի ողջ երկայնքով Ադրբեջանը ներկայում իրականացնում է հրթիռահրետանային և ավիացիոն հարվածներ` զուգահեռ հրետակոծության ենթարկելով քաղաքացիական բնակավայրերը: Տեղեկությունը հայտնել է ՀՀ զինված ուժերի գլխավոր շտաբի պետ, գեներալ-լեյտենանտ Օնիկ Գասպարյանը` ուղերձ հղելով սահմանային իրավիճակի առնչությամբ։

«Լավագույն հայորդիների հազարավոր կյանքերի և արյան գնով վաստակած մեր ազատությունն ու անկախությունը նորից վտանգված է: Ադրբեջանը, ոգեկոչվելով մեր ազգի դարավոր թշնամու՝ Թուրքիայի բազմակողմանի աջակցությունից, չի հաշտվել 2016թ. ապրիլին Արցախում և 2020թ. հուլիսին ՀՀ հյուսիս-արևելքում իր կողմից սադրած մարտական գործողություններում ջախջախիչ պարտություն կրելու հետ ու կրկին պատերազմ է սանձազերծել»,–ասել է նա։

Գասպարյանի խոսքով` պաշտպանության բանակի ստորաբաժանումները հակառակորդին զգալի կորուստներ պատճառելով հաջողությամբ խափանում են նրա ծրագրերը:

Նա ասել է, որ եկել է ժամանակը ցույց տալու մեր ոգու արիությունը, բազկի ուժը և անսահման ատելությունը քոչվոր ու անհայրենիք քարանձավային ցեղի մնացորդների նկատմամբ: Գասպարյանի խոսքով` պետք է արժանի լինենք հայոց զենքի և անվան փառքին:

Նա նշելէ, որ մեր գործն արդար է, մենք պաշտպանում ենք մեր պապերի սուրբ հողը, հայկական տունը, մեր պատիվն ու մեր ժողովրդի` ազատ երկրում խաղաղ ապրելու իրավունքը:

ՀՀ զինված ուժերի գլխավոր շտաբի պետը վստահ է` հաղթելու ենք։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Արցախում ռազմական դրություն և համատարած զորահավաք է հայտարարվել

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։ 

Ինչպես է այրվում ադրբեջանական զրահատեխնիկան. նոր տեսանյութ

0