Գագիկ Ծառուկյան

Ծառուկյանն առաջարկում է բռնության մասին հայկական ժողովրդական օրենք ընդունել

101
(Թարմացված է 12:38 13.11.2019)
Գագիկ Ծառուկյանը Ստամբուլյան կոնվենցիան տողատակերով գրված օրենք է համարում, և կարծում է, որ դրա փոխարեն մեր «տեղական» օրենք պետք է ընդունել։

ԵՐԵՎԱՆ, 13 նոյեմբերի — Sputnik. ԱԺ «Բարգավաճ Հայաստան» խմբակցության ղեկավար Գագիկ Ծառուկյանն առաջարկում է բռնության մասին հայկական ժողովրդական օրենք ընդունել` Ստամբուլյան կոնվենցիայի փոխարեն։ Այս մասին Ծառուկյանն ասաց Ազգային ժողովում լրագրողների հետ ճեպազրույցի ժամանակ։

«Գագիկ Ծառուկյանը միշտ անկեղծ է պատասխանել բոլոր հարցերին, այսօր էլ անկեղծ է պատասխանելու։ Եկեք մեր հայկական ժողովրդական օրենքն ընդունենք բռնության դեմ, մենք տողատակերով օրենք չենք ուզում։ Բերեք մեր օրենքը ստեղծենք ու բռնության դեմ եռակի, քառակի պատիժներ դնենք»,–ասաց նա։

Հայտնել էինք, որ երեկ ԱԺ–ում ԲՀԿ խմբակցության պատգամավոր Գևորգ Պետրոսյանի և ԱԺ նախագահ Արարատ Միրզոյանի միջև վիճաբանություն էր ծագել։ ԲՀԿ–ն առաջարկում էր օրենքով ամրագրել` միասեռականները չեն կարող երեխա որդեգրել։ Պետրոսյանը երեկ նախագիծը ներկայացնելիս ասել էր, թե պատգամավորներին դուր կգա՞, որ իրենց ընտանիքում նման դեպքեր լինեն, իսկ Միրզոյանը հակադարձել էր` ինչո՞ւ է անձնավորում։

Հայաստանում միասեռականների ամուսնություններ ու որդեգրումներ չեն լինի. նախարար

Ծառուկյանն, այսօր անդրադարձավ նաև այս դեպքին, նշեց, որ Գևորգ Պետրոսյանը շատ հարգալից ներկայացրել է ԲՀԿ–ի տեսակետը և որևէ մեկին վիրավորական բան չի ասել։

«Գևորգ Պետրոսյանին հալալ է, ես իր ցավը տանեմ։ Մենք առաջին քրիստոնյա ազգն ենք և անընդունելի է, որ կարող են համասեռամոլները երեխա որդեգրել և այդ երեխային դաստիարակեն: Ո՞վ կարող է ասել` նրանց դաստիարակած երեխան ինչեր կարող է անել։ Թող ասեն` ԲՀԿ–ն հետամնաց է, բայց մենք, մեկ է, դեմ ենք նման երևույթներին»,–ասաց նա։

Ինչպես կարձագանքի Փաշինյանը. տնաքանդ կոնվենցիա՞, թե՞ քաղաքական օրակարգի գրավիչ հարց

Հիշեցնենք, որ ԲՀԿ–ն առաջարկում էր նաև նույնասեռականների ամուսնության արգելք սահմանել «Ընտանեկան օրենսգրքում»։ ԱԺ պետաիրավական հարցերի հանձնաժողովն այս նախագիծը մերժել է այն հիմնավորմամբ, որ ՀՀ Սահմանադրության 35-րդ հոդվածն ու «Ընտանեկան օրենսգրքի» 1-ին հոդվածն արդեն սահմանում են, որ ամուսնությունը կարող է գրանցվել կնոջ ու տղամարդու միջև։

101
թեգերը:
Ստամբուլյան կոնվենցիա, նախագիծ, Օրենք, Բարգավաճ Հայաստան կուսակցություն (ԲՀԿ), Գագիկ Ծառուկյան
թեմա:
Ստամբուլյան կոնվենցիա (22)
Ըստ թեմայի
Կրքերը չեն հանդարտվում. Ստամբուլյան կոնվենցիան` հաղթաթո՞ւղթ ընդդիմության ձեռքին
«Իհա՛րկե կողմ եմ». նախարարը` Ստամբուլյան կոնվենցիայի մասին
Ռուսաստանում պարզել են` որ ոլորտներում են աշխատում ամենաերջանիկ մարդիկ
«Մոտիկից են ծանոթանալու». ինչու են ԵԽ բարձրաստիճան պաշտոնյաները գալիս Հայաստան. «Հրապարակ»