ԵՐԵՎԱՆ, 9 նոյեմբերի-Sputnik. 2016թ.-ի Ապրիլյան քառօրյա պատերազմի օրերին զինվորները նորմալ բժշկական սպասարկում չեն ստացել: Այս մասին գրում է «Ժողովուրդ» օրաթերթը, որի տեղեկություններով Քառօրյա պատերազմի հանգամանքներն ուսումնասիրող ԱԺ քննիչ հանձնաԺողովի նիստում այդ օրերի ռազմական գործողություններին մասնակից մի բժշկի են քննել, որն այժմ մասնագիտական գործունեությամբ չի զբաղվում:
«Հանձնաժողովը փորձում է այս պահին չաշխատող բժիշկների միջոցով բացահայտել, թե այդ օրերին ինչ իրավիճակ է տիրել սահմանին, քանի որ, ըստ հանձնաժողովականների, այդկերպ բժիշկներն ավելի անկաշկանդ կներկայացնեն այն իրավիճակը, որ առկա է եղել այդ օրերին»,- գրում է օրաթերթը՝ նշելով, որ հարցաքննվող բժիշկը բավականին անկաշկանդ պատմել է, որ անգամ թերի են եղել բժշկական այն անհրաժեշտ պարագաները, որոնց միջոցով բժիշկները օգնություն կցուցաբերեին զինվորներին:
Սերժ Սարգսյանը կգնա՞ Ապրիլյանի հանգամանքներն ուսումնասիրող քննիչ հանձնաժողով
Թերթի տեղեկություններով՝ բժշկական օգնության մասով իսկապես բացեր են եղել, իսկ Քննիչ հանձնաժողովի նիստի ավարտից հետո հանձնաժողովի նախագահ Անդրանիկ Քոչարյանը նշել է, որ իրենց շատ կարևոր տեղեկություն են ստացել նաև ՊՆ կողմից: Ստացած լրացուցիչ նյութերը հնարավորություն են տալիս ավելի ընդարձակ ուսումնասիրություններ կատարել:
