Դպրոցականներ, արխիվային լուսանկար

Օլիմպիադաներում բարձր արդյունքի հասած աշակերտները 2020 թ–ից անվանական կրթաթոշակ կստանան

1038
(Թարմացված է 12:32 08.11.2019)
Ամսական կրթաթոշակներ կկարողանան ստանալ և՛ միջազգային, և՛ հանրապետական օլիմպիադաներում բարձր արդյունքներ ցուցադրած դպրոցկանները։

ԵՐԵՎԱՆ, 8 նոյեմբերի – Sputnik. ՀՀ կրթության, գիտության, մշակույթի և սպորտի նախարար Արայիկ Հարությունյանի հրամանով 2020 թվականի հունվարի 1-ից կգործի հանրակրթական ուսումնական հաստատությունների սովորողներին ԿԳՄՍ նախարարության անվանական կրթաթոշակի տրամադրման նոր կարգը։ Այս մասին հայտնում է նախարարության մամուլի ծառայությունը։

Հրամանի համաձայն՝ մեկ տարի ժամանակով ամսական կրթաթոշակ կարող են ստանալ հանրակրթական ուսումնական հաստատությունների այն սովորողները, որոնք բավարարում են հետևյալ չափանիշներից առնվազն մեկին`

  • միջազգային առարկայական օլիմպիադաների եզրափակիչ փուլերի մասնակիցներ․
  • առաջին կարգի դիպլոմակիրներին՝ 25․000 դրամ
  • երկրորդ կարգի դիպլոմակիրներին՝ 20․000 դրամ
  • երրորդ կարգի դիպլոմակիրներին՝ 15․000 դրամ
  • եզրափակիչ փուլերի այլ մասնակիցներին՝ 10․000 դրամ,

միջազգային դպրոցական այլ օլիմպիադաների (Ժաուտիկովյան միջազգային օլիմպիադա, Մենդելեևյան միջազգային օլիմպիադա և այլն) եզրափակիչ փուլերի մասնակիցներ.

  • առաջին կարգի դիպլոմակիրներին՝ 15․000 դրամ
  • երկրորդ կարգի դիպլոմակիրներին՝ 10․000 դրամ
  • երրորդ կարգի դիպլոմակիրներին՝ 7․500 դրամ,

ՀՀ առարկայական հանրապետական օլիմպիադաների եզրափակիչ փուլերի հաղթողներ (դիպլոմակիրներ).

  • առաջին կարգի դիպլոմակիրներին՝ 10․000 դրամ
  • երկրորդ կարգի դիպլոմակիրներին՝ 7․500 դրամ
  • երրորդ կարգի դիպլոմակիրներին՝ 5․000 դրամ:

Կրթաթոշակը սովորողներին տրվելու է հաստատությունների միջոցով` մեկ տարվա համար (ուսումնառությունը տվյալ հաստատությունում դադարելու դեպքում մեկ տարվա համար նախատեսված անվանական կրթաթոշակի չվճարված մասը սովորողին վճարվում է միանվագ): Սահմանվել է նաև, որ կրթաթոշակ ստացողների ցանկում միաժամանակ երկու կամ երեք հիմքով ընդգրկվելու դեպքում սովորողը կստանա կրթաթոշակ՝ դրանց հանրագումարի չափով:

Հարված գոտկատեղից ներքև. ո՞ւմ է խանգարում հայոց լեզուն

2020 թ. պետական բյուջեի նախագծում ԿԳՄՍ նախարարության անվանական կրթաթոշակի համար նախատեսվել է ավելի քան 35 մլն դրամ, որը կտրամադրվի օլիմպիադաներում բարձր արդյունքներ ցուցաբերած շուրջ 370 աշակերտի: Համեմատության համար նշենք, որ 2018 թ. մասնագիտացված կրթական ծրագրեր իրականացնող դպրոցների գերազանց առաջադիմությամբ, ինչպես նաև հանրապետական և միջազգային օլիմպիադաներում բարձր արդյունքներ ցուցաբերած շուրջ 300 աշակերտի կրթաթոշակի համար հատկացվել է մոտ 13 մլն դրամ: Ընդ որում, նշված 300 աշակերտներն ընդգրկված են եղել մասնագիտացված 4 դպրոցներում, իսկ նախարարության անվանական կրթաթոշակը նախատեսված է ՀՀ բոլոր դպրոցների համար, եթե այդ դպրոցներում կան սահմանված չափանիշներին բավարարող աշակերտներ:

Փաշինյանն ավելորդ է համարում «Հայոց եկեղեցու պատմություն» առարկան. տեսանյութ

1038
թեգերը:
կրթաթոշակ, օլիմպիադա, դպրոց, Հայաստան
Ըստ թեմայի
Հայաստանի բոլոր դպրոցներում ուսումնասիրություններ են անցկացվելու. Դավթյանն է հանձնարարել
«Առանց ակցենտի». հայ և ռուս պատգամավորներն այցելել են Գյումրու դպրոցներից մեկը. տեսանյութ
Փորձնական նախագիծ Վանաձորում. ինչու դպրոցականներին չեն կարողանում կտրել դասից
Հիվանդանոց

Ինչո՞ւ կորոնավիրուսից մահացած մարդկանց տարիքը չի հրապարակվել. Նիկողոսյանի մեկնաբանությունը

28
Վերջին մեկ օրում Հայաստանում կորոնավիրուսի հետևանքով 29 մարդ է մահացել, սակայն ՀՀ առողջապահության նախարարությունը նրանց վերաբերյալ տեղեկություն չի հրապարակել։

ԵՐԵՎԱՆ, 29 հոկտեմբերի – Sputnik. ՀՀ առողջապահության նախարարությունը կորոնավիրուսի համավարակի ընթացքում առաջին անգամ չի հրապարակել վարակի զոհ դարձածների տարիքը։ Նախարարի մամուլի քարտուղար Ալինա Նիկողոսյանը Sputnik Արմենիայի թղթակցի հետ զրույցում ասաց, որ առաջիկայում, ամենայն հավանականությամբ, մահացածների մասին տեղեկություններ չեն հրապարակվի։

«Այս պահին նպատակահարմար չէ, որ մահացածների տարիքները հրապարակվեն։ Եվ հնարավոր է` առաջիկայում ևս չհրապարակվեն»,– ասաց նա։

Նշենք, որ վերջին մեկ օրում Հայաստանում կորոնավիրուսով վարակվածներից 29–ը մահացել են։ Արձանագրվել է նաև մահվան 2 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 352 է։

Նշենք, որ հոկտեմբերի 29-ի, ժամը 11:00-ի դրությամբ Հայաստանում հաստատվել է կորոնավիրուսային հիվանդության ընդհանուր 85034 դեպք, 53257-ն արդեն առողջացել են, 1272 -ը` մահացել: Այս պահին փաստացի բուժում է ստանում կորոնավիրուսով վարակված 28548  մարդ: Ընդհանուր առմամբ կատարվել է 392660 թեստավորում:

28
թեգերը:
վարակ, տղամարդ, Կին, Մահ, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Գիտնականները կորոնավիրուսի նոր բռնկում են կանխատեսել
Պատերազմն ու կորոնավիրուսը. ՀՀ առողջապահության նախարարությունը պատասխանել է քննադատությանը
Կորոնավիրուսի հետևանքով մահացել է ԱԱԾ նախկին փոխտնօրեն Գուրգեն Եղիազարյանը
Հիվանդանոց

2383 նոր դեպք` մեկ օրում. Հայաստանում կորոնավիրուսով վարակվածների թիվը դարձավ 85034

281
(Թարմացված է 11:05 29.10.2020)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները։

ԵՐԵՎԱՆ, 29 հոկտեմբերի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 2383–ով և դարձել 85034։ Տեղեկությունը հայտնում է Հիվանդությունների վերահսկման և կանխարգելման կենտրոնը:

Այս պահին փաստացի բուժում է ստանում 30151 մարդ (+1603), կատարվել է 392660 թեստավորում (+5027), առողջացել են վարակվածներից 53257–ը (+749)։ Գրանցվել է մահվան 1272 (+29) դեպք։ Կորոնավիրուսով վարակված, բայց այլ պատճառով մահացածների թիվն ավելացել է 2–ով և դարձել 354։

Հիշեցնենք` մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Արդյո՞ք COVID-19-ը հաղթահարածները պետք է պատվաստվեն գրիպի դեմ. պատասխանում են բժիշկները

Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասարակական վայրերում դիմակ դնելու պահանջը շարունակում է գործել:

 

281
թեգերը:
համավարակ, վարակ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Գիտնականները բացահայտել են կորոնավիրուսի «թույլ տեղը»
Գիտնականները կորոնավիրուսը կանխող վիտամին են հայտնաբերել
Գիտնականները կորոնավիրուսի նոր բռնկում են կանխատեսել
Հայկ Եսայան

«Վեոնը» պաշտոնապես հայտնում է, որ «Բիլայնի» ակտիվները վաճառել է հայկական ընկերությանը

0
Բջջային օպերատորի գնման գործարքը, որի մասին խոսվում էր ամիսներ շարունակ, մոտ է իր ավարտին։

ԵՐԵՎԱՆ, 29 հոկտեմբերի – Sputnik. Կապի օպերատոր «Վեոն» ընկերությունը պաշտոնապես հայտարարել է, որ Հայաստանում ունեցած իր ակտիվները՝ «Վեոն Արմենիա» ընկերությունը («Բիլայն» ապրանքանիշ) վաճառել է հայկական նորաստեղծ «Թիմ» օպերատորին։

««Վեոնը» այսօր հայտարարում է, որ համաձայնագիր է կնքել իր դուստր ընկերությունը՝ «Վեոն Արմենիան» «Թիմ» ԲԲԸ-ին վաճառելու մասին։ Ակնկալվում է, որ գործարքը կիրականացվի առաջիկայում», - նշված է հայտարարության մեջ։

Ընկերությունից նշել են, որ Հայաստանում եղած ակտիվների վաճառքը համապատասխանում է «Վեոն» ընկերության նպատակներին, որոնք ուղղված են ընկերությունների խմբի կառուցվածքի պարզեցմանն ու շուկայում դրա գրավչության բարձրացմանը։

Հիշեցնենք՝ դեռ այս տարվա օգոստոսին դատարանը չեղարկել էր «Թիմի» կողմից «Վեոն Արմենիան» գնելու գործարքի ավարտի արգելքը։

Մինչ այդ «Յուքոմ» ընկերությունը դատարան էր դիմել` պահանջելով արգելել «Թիմ» օպերատորին գնել «Վեոն» կորպորացիայի հայկական ակտիվները։ «Յուքոմը» պնդում էր, որ «Թիմը» բանակցությունների ընթացքում օգտագործել էր «Յուքոմի» ներքին տեղեկությունները՝ խախտելով բարեխիղճ մրցակցության օրենքները։ Երևանի ընդհանուր իրավասության դատարանը ժամանակավորապես արգելել էր ավարտել գործարքը։

0