Հռոմի պապ

Նիկոլ Փաշինյանը կհանդիպի Հռոմի պապին. «Ժողովուրդ»

50
(Թարմացված է 21:07 08.11.2019)
Նիկոլ Փաշինյանի մամուլի խոսնակ Վլադիմիր Կարապետյանը չի հերքել վարչապետի և Հռոմի պապի հանդիպման մասին լուրը։

ԵՐԵՎԱՆ, 8 նոյեմբերի – Sputnik. ՀՀ վարչապետ Նիկոլ Փաշինյանը նոյեմբերի 20-ին պաշտոնական այցով կմեկնի Վատիկան, որտեղ հանդիպում կունենա Հռոմի պապի հետ։ Այս մասին գրում է «Ժողովուրդ» օրաթերթը։

«ՀՀ վարչապետ Նիկոլ Փաշինյանը նոյեմբերի 20-ին պաշտոնական այցով Վատիկանում կլինի: Նախատեսված է ՀՀ վարչապետ Փաշինյանի և Հռոմի Սրբազան Քահանայապետ Ֆրանցիսկոս պապի հանդիպումը»,- նշված է թերթի այսօրվա համարում:

Օրաթերթը վարչապետ Փաշինյանի մամուլի խոսնակ Վլադիմիր Կարապետյանից փորձել է պարզել լուրի իսկությունը: Կարապետյանը չի հերքել հանդիպման մասին տեղեկությունը։

«Վարչապետի այցերի վերաբերյալ մենք ժամանակին հայտարարություն և հաղորդագրություն կտարածենք»,- նշել է Կարապետյանը:

Հայերը միշտ հավատարիմ են եղել Քրիստոսին. Հռոմի պապը շնորհավորել է մխիթարյանականներին

Հիշեցնենք, որ Հռոմի Սրբազան Քահանայապետը 2016-ին Հայաստան էր այցելել` Սերժ Սարգսյանի ու Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ի և Կաթոլիկ եկեղեցու հրավերով և «Այց առաջին քրիստոնյա երկիր» կարգախոսով:

50
թեգերը:
Ֆրանսիա, Վլադիմիր Կարապետյան, Նիկոլ Փաշինյան, Հռոմի պապ, Հայաստան
Ըստ թեմայի
Տիեզերականը, որ խոսեց Աստծո հետ սրտանց, իսկ Աստված պատասխանեց նրան
Հռոմի պապը համբուրեց Հարավային Սուդանի նախագահի ոտքերը. տեսանյութ
Հռոմի պապը թույլ չի տալիս համբուրել իր մատանին. տեսանյութ
Սուրբ Աթոռում Հայաստանը նոր դեսպան ունի. նախագահը հրամանագիր է ստորագրել