Ռոբերտ Քոչարյան

Դատարանը մերժեց Ռոբերտ Քոչարյանին գրավի դիմաց ազատ արձակելու միջնորդությունը

136
(Թարմացված է 13:37 12.11.2019)
Ռոբերտ Քոչարյանը ներկա էր դատական նիստին։ ՀՀ 2-րդ նախագահի աջակիցները դատարանում Քոչարյանին ծափողջույններով դիմավորեցին։

ԵՐԵՎԱՆ, 7 նոյեմբերի - Sputnik. Երևանի ընդհանուր իրավասության դատարանը մերժեց Ռոբերտ Քոչարյանին գրավի դիմաց ազատ արձակելու պաշտպանների միջնորդությունը։ Այս մասին հայտնեց դատավոր Աննա Դանիբեկյանը` հրապարակելով  դատարանի վճիռը:

Հիշեցնենք, որ նոյեմբերի 5-ին Ռոբերտ Քոչարյանի փաստաբանները նրա խափանման միջոց կալանքը փոխելու և իրենց պաշտպանյալի նկատմամբ որպես խափանման միջոց գրավը կիրառելու միջնորդություն էին ներկայացրել։

2018 թվականի հուլիսի 26-ին Մարտի 1-ի գործով Հատուկ քննչական ծառայությունում քննվող քրեական գործով Հայաստանի երկրորդ նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

Ինձ համար տհաճ է կանգնել այստեղ ու փորձել համոզել, որ չեմ փախչելու. Ռոբերտ Քոչարյան

Հիշեցնենք, որ սեպտեմբերի 20–ին Երևանի ընդհանուր իրավասության դատարանը մերժել էր ՀՀ 2–րդ նախագահ Ռոբերտ Քոչարյանին գրավի դիմաց ազատ արձակելու միջնորդությունը, որը ներկայացրել էր փաստաբան Հովհաննես Խուդոյանը:

136
թեգերը:
Աննա Դանիբեկյան (դատավոր), պաշտպան, միջնորդություն, Դատարան, Դատավոր, Ռոբերտ Քոչարյան, Հայաստան
Ըստ թեմայի
Ռոբերտ Քոչարյանի մոտ ուռուցք է եղել, որն էլ վիրահատել են. որդին մանրամասներ է հայտնում
Վճռաբեկը վարույթ է ընդունել Ռոբերտ Քոչարյանի գործով բողոքը
«Թող ձերբակալեն». Սերժ Սարգսյանը խոսել է իր հնարավոր ձերբակալության մասին
Ռոբերտ Քոչարյանին վիրահատությունից հետո կրկին տեղափոխել են ՔԿՀ
Զվարթնոց օդանավակայան, արխիվային լուսանկար

Աննախադեպ. իրականացվել է Լոս Անջելես-Երևան առաջին հատուկ չվերթը

3
(Թարմացված է 21:58 12.07.2020)
Չվերթն իր տեսակով աննախադեպ է հայկական ավիափոխադրումների պատմության մեջ։

ԵՐԵՎԱՆ, 12 հուլիսի - Sputnik. Իրականացվեց Լոս Անջելես-Երևան առաջին հատուկ չվերթը։ Լուրը Facebook-ի պաշտոնական էջում հայտնել է «Զվարթնոց» միջազգային օդանավակայանի մամուլի ծառայությունը։

Օդաչու չեն, բայց առանց նրանց «թռչել» չի լինի. լուսանկարներ բորտուղեկցորդուհիների առօրյայից

«Լոս Անջելեսի «Թոմ Բրեդլի» օդանավակայանից Երևան ուղևորվող իսլանդական ազգային ավիափոխադրող Icelandair ավիաընկերության Boeing 767-300ER տիպի օդանավը, վառելիքի վերալիցքավորման նպատակով մեկ կանգառ կատարելով Ռեյկյավիկի օդանավակայանում, քիչ առաջ վայրէջք կատարեց «Զվարթնոց» միջազգային օդանավակայանում»,- նշված է հաղորդագրության մեջ։


Նշվում է, որ այս չվերթն իր տեսակով աննախադեպ է հայկական ավիափոխադրումների պատմության մեջ։ Մոտ 15 ժամ տևած հատուկ չվերթով Հայաստան են տեղափոխվել 265 ուղևոր։ Նրանցի 240-ը COVID-19 համաճարակի պատճառով Լոս Անջելեսում մնացած մեր հայրենակիցներն էին։

Հիշեցնենք, որ հուլիսի 13-ին ծրագրված է Երևան-Լոս Անջելես, իսկ հուլիսի 17-ին՝ Երևան-Բոստոն-Լոս Անջելես չվերթերը։ Այս դեպքում թռիչքի տևողությունը 17 ժամ է, Բոստոնում կանգառի տևողությունը՝ 3 ժամ։ Ինքնաթիռը Բոստոնում կկատարի տեխնիկական կանգառ, որի ընթացքում ուղևորները, ստանալով ուղեբեռը, պարտադիր պետք է անցնեն միգրացիոն և մաքսային ստուգում, ապա, Լոս Անջելես շարունակող ուղևորները ևս մեկ անգամ կհաշվառվեն և հանձնելով ուղեբեռը՝ կվերադառնան նույն ինքնաթիռ՝ չվերթը շարունակելու համար։

Չվերթերն իրականացնում է IcelandAir ավիաընկերությունը։ Չվերթից կարող են օգտվել ԱՄՆ քաղաքացիները, ԱՄՆ-ում մշտական բնակության իրավունք ունեցողները (Green Card), ներգաղթային վիզայով ճանապարհորդողները, ինչպես նաև այն օտարերկրյա քաղաքացիները,որոնք ունեն ԱՄՆ-ում բնակվող ընտանիքի անդամներ (ամուսին/կին/ծնող/երեխա)։

Դոնի Ռոստով-Երևան չարտերային թռիչք կիրականացվի

Ըստ հայաստանյան զբոսաշրջային ընկերությունների՝ Երևան-Լոս Անջելես ուղիղ չվերթի արժեքը էկոնոմ կարգի ավիատոմսի համար 1350$-ին համարժեք դրամ է, բիզնես դասինը՝ 2350$-ին համարժեք ՀՀ դրամ: Երևան-Բոստոն-Լոս Անջելես չվերթի համար էկոնոմ կարգի ավիատոմսի արժեքն է 1450$-ին, բիզնես դասինը՝ 2450$ -ին համարժեք ՀՀ դրամ:

Երկու չվերթերի դեպքում էլ մինչև 2 տարեկան երեխաների ավիատոմսն արժե 100$ -ին համարժեք դրամ:

Ռուսաստանի ավելի քան 2 հազար քաղաքացի Հայաստանից հայրենիք է վերադարձել. դեսպանատուն

3
թեգերը:
տոմս, ուղևոր, «Զվարթնոց» օդանավակայան, Երևան, Լոս Անջելես, չվերթ
Ըստ թեմայի
Երևան-Մոսկվա չվերթն անորոշ ժամանակով հատաձգվել է
Առաջիկա օրերին 4 չվերթ է նախատեսված Ռուսաստանից ու Բելառուսից
Մոսկվայից և Վորոնեժից դեպի Երևան չվերթեր կիրականացվեն
Նոր չարտերային չվերթով Հայաստան են վերադարձել 248 քաղաքացի
Ռեջեփ Թայիփ Էրդողան

«Նա չարիք է». հայազգի հաղորդավարը կկանգնի դատարանի առջև Էրդողանին «վիրավորելու» համար

26
Տեր-Հարությունյանի արտահայտությունները իրարանցում են առաջացրել թուրքական դիվանագիտական ներկայացուցչությունում. տասնյակ ցուցարարներ են հավաքվել Al Jadeed հեռուստաալիքի շենքի մոտ:

ԵՐԵՎԱՆ, 12 հուլիսի - Sputnik. Լիբանանյան Al Jadeed հեռուստաալիքի «Անա Հեք» թոք-շոուի հաղորդավար, հայազգի Նշան Տեր-Հարությունյանը դատարանի առաջ կկանգնի՝ Թուրքիայի նախագահ Ռեջեփ Թայիփ Էրդողանին «վիրավորելու» համար։

Arab Weekly-ի հաղորդմամբ՝ հանդիսականներից մեկը Տեր-Հարությունյանին փախստական էր անվանել և մեղադրել ռասիզմի մեջ նրա համար, որ նա Էրդողանին չարիք էր անվանել։ Տեր-Հարությունյանն էլ պատասխանել է8 հանդիսատեսին. «Նա հենց չարիք է,  միլիոնավոր չար մարդկանց որդին»։

Ավելի ուշ նա պարզաբանել էր իր արտահայտությունը՝ նշելով, որ այն վերաբերում էր Էրդողանին, նրա ռեժիմին, թուրք-օսմաններին և թուրքերին։

«Եթե դուք կարծում եք, որ ես փախստական եմ, ապա ասեմ՝ ես ավելի շատ ծագումով լիբանանցի եմ, քան դուք, և ես հպարտանում եմ Լիբանանով ավելի շատ, քան դուք»,- ասել էր նա:

Տեր-Հարությունյանի արտահայտություններն իսկական իրարանցում են առաջացրել թուրքական դիվանագիտական ներկայացուցչությունում։ Տասնյակ ցուցարարներ են հավաքվել Al Jadeed հեռուստաալիքի առջև և բողոքի ակցիա կազմակերպել «Օսմանյան պետությանն ու Թուրքիայի նախագահ Ռեջեփ Թայիփ Էրդողանին ուղղված «վիրավորանքի» համար:

Թուրքիայի իշխանությունները մտադիր են «փակել» Սուրբ Սոֆիայի տաճարի որմնանկարները

Իսկ Թուրքիայի իշխանությունները կապվել են Լիբանանի արտաքին գործերի նախարարության հետ և պահանջել, որ պետական մակարդակով «անհրաժեշտ միջոցներ» ձեռնարկվեն հաղորդավարի դեմ ։

Լիբանանի ազգային լրատվական գործակալությունը (NNA) հայտարարել է, որ «դատախազությանը տրամադրված տեղեկության համաձայն՝ Տեր-Հարությունյանի գործը կներկայացվի Բեյրութի հրապարակումների պալատ»:

Տեր-Հարությունյանն իր խոսքերի համար պատասխան կտա հոկտեմբերին։

Ի դեպ, մի շարք լրատվամիջոցներ պաշտպանել ենՏեր-Հարությունյանին, գործընկերներից շատերն ի աջակցություն նրա՝ Twitter-ում գրառումներ են արել։ Նրանց թվում է հայտնի լիբանանցի երգչուհի, դերասանուհի և մոդել Սիրին Աբդելնուրը։

Որոշ մասնագետներ անանուն մնալու պայմանով հայտնել են առաջադրված մեղադրանքների ոչ իրավաչափության մասին: Նրանց կարծիքով այս ամենի պատճառը այն է, որ Թուրքիան չի ուզում ճանաչել Օսմանյան կայսրությունում հայերի դեմ իրականացված հանցագործությունները։

26
թեգերը:
Բողոքի ակցիա, Լիբանան, Դատարան, Ռեջեփ Թայիփ Էրդողան, հաղորդավար, հայ
Ըստ թեմայի
Այդ «սրից փրկվածները» դեռ կան․ Էրդողանը գռեհիկ է արտահայտվել հույների և հայերի հասցեին
Ասադի «հրաժարականի» լուրերի ֆոնին․ Պուտինն ու Էրդողանը քննարկել են իրավիճակը Սիրիայում
Էրդողանն ընդդեմ Հայոց ցեղասպանության, կամ ինչից է այդքան վախենում Անկարան
Վերադարձ դեպի անցյալ. ինչո՞ւ է Էրդողանը աչք դրել Սուրբ Սոֆիայի տաճարի վրա