Երվանդ Իսմայիլյան

Մեզ վրա շշեր էին նետում, Երվանդն էլ պատասխանեց. հայ երկրպագուն 3 շաբաթ ֆիննական բանտում է

1237
(Թարմացված է 16:35 05.11.2019)
ՖԱՖ շարժման հիմնադիր անդամ Սերգեյ Ջանջոյանն անձամբ ներկա է եղել տհաճ միջադեպին: Հավաստիացնում է, որ հայ երկրպագուի` չեզոք գոտի նետած ճայթուկից ոչ ոք չի տուժել, թուրք երիտասարդի բողոքն անհիմն է:

ԵՐԵՎԱՆ, 5 նոյեմբերի – Sputnik. Հայաստանի ֆուտբոլի ազգային հավաքականի երկրպագու, ՖԱՖ շարժման անդամ Երվանդ Իսմայիլյանն արդեն երեք շաբաթ է` թուրք երկրպագուի բողոքի հետևանքով Ֆինլանդիայի Տուրկու քաղաքի բանտում է: Sputnik Արմենիայի հետ զրույցում այս մասին ասաց ՖԱՖ շարժման հիմնադիր անդամ Սերգեյ Ջանջոյանը:

Ամեն ինչ սկսվել է հոկտեմբերի 15-ին Տուրկուում կայացած Ֆինլանդիա–Հայաստան խաղի ժամանակ, երբ մեր թիմը 0:3 հաշվով պարտվեց ֆիններին:

«Դեռ խաղից առաջ հայ երկրպագուներին շատ քիչ տեղեր հատկացրին (օնլայն վաճառքում հայ երկրպագուների համար կտրուկ աճել էին խաղի տոմսերի գները և բանկային քարտով հնարավոր չէր տոմս գնել), և այնպես ստացվեց, որ ֆինն երկրպագուները հենց մեր կողքին նստեցին: Մեզ ընդամենը մի ժապավեն էր բաժանում: Երբ Ֆինլանդիայի հավաքականը գոլ խփեց, նրանց երկրպագուները սկսեցին մեր հանդեպ սադրիչ գործողություններ անել»,-ասաց Սերգեյը` շեշտելով, որ իրենց հարևանությամբ գտնվող ֆինների մեջ եղել են նաև ազգությամբ թուրք երկրպագուներ, որոնցից մեկը սկսել է շահարկել Հայոց ցեղասպանության թեման։

Բախումից խուսափելու համար Երվանդը ճայթուկ է նետել չեզոք գոտի: Ըստ Սերգեյի` ոչ ոք չի տուժել:

«Ֆինն երկրպագուները մեզ վրա շշեր էին նետում: Ճայթուկից հետո ամեն ինչ խաղաղվեց, սակայն թուրք երիտասարդը բողոք ներկայացրեց իրավապահներին, թե տուժել է Երվանդի գործողությունից: Ֆինն երկրպագուներից ոչ ոք չի բողոքել»,-ասաց Սերգեյը:

Նրա խոսքով՝ թուրք երիտասարդն իր բողոքում նշել է, որ հայ երկրպագուները եկել են հատուկ սադրիչ գործողություններ իրականացնելու համար:

«Պետք է դատ լինի, որը շատ է ձգձգվում: Այժմ շատ անորոշ վիճակ է ստեղծվել, քանի որ Երվանդին տրամադրված փաստաբանը չի խոսում անգլերեն, թարգմանիչ չեն տրամադրում, ինչը բարդացնում է գործը»,– ասաց Սերգեյը` ավելացնելով, որ ֆիննական ոստիկանությունում իրենց հավաստիացրել էին, որ հաջորդ օրը Երվանդը կուղևորվի հայրենիք, այնինչ մինչև հիմա նա դեռ Ֆինլանդիայում է:

ՖԱՖ շարժման հիմնադիր անդամը մի քանի անգամ հեռախոսով խոսել է Երվանդի հետ։ Այժմ նա գտնվում է առանձին խցում: Հագուստի հետ կապված խնդիր է եղել, որը լուծել են Տուրկուում գտնվող հայ երկրպագուի օգնությամբ:

Sputnik Արմենիան կապ հաստատեց նաև ԱԳՆ խոսնակ Աննա Նաղդալյանը հետ: Նա նշեց, որ Շվեդիայում ՀՀ հյուպատոս Լիանա Գրիգորյանը (Ֆինլանդիայում ՀՀ–ն դիվանագիտական ներկայացուցչություն չունի – խմբ.) մշտական կապի մեջ է թե՛ մեր քաղաքացու, թե՛ նրա փաստաբանի, թե՛ Ֆինլանդիայի իշխանության հետ։

«Մեր դիվանագետներն ուշիուշով հետևում են իրավիճակի զարգացմանը», – ասաց նա։

Նշենք, որ Երվանդի հետ տեսակցություն դեռևս չի թույլատրվում:

1237
թեգերը:
Երվանդ Իսմայիլյան, Հայաստանի ազգային հավաքական, ֆուտբոլ, Բանտ, երկրպագու, Ֆինլանդիա, Հայաստան
Ըստ թեմայի
Ո՞վ է լինելու Հայաստանի ֆուտբոլի հավաքականի մարզիչը. անուններ` հավանական ու ոչ այնքան
Մի ձեռքով երկու ձմերուկ չես բռնի, կամ ի՞նչ պետք է չլինի հայկական ֆուտբոլում
Սկանդալից հետո Էրիկ Վարդանյանը որակազրկվել է
Սնկի պես աճած ակումբները նպաստո՞ւմ են հայկական ֆուտբոլի զարգացմանը, թե՞ հակառակը
Արմեն Չարչյան

Սա քաղաքական տեռոր է․ Արմեն Չարչյանը՝ իր դեմ հարուցված քրեական գործի մասին

30
(Թարմացված է 17:54 22.06.2021)
«Իզմիրլյան» ԲԿ-ի ղեկավարը հավատում է արդարադատությանն ու համոզված է, որ դատարանը ճիշտ վճիռ կկայացնի։

ԵՐԵՎԱՆ, 22 հունիսի - Sputnik․ «Իզմիրլյան» բժշկական կենտրոնի ղեկավար Արմեն Չարչյանը հավատում է, որ դատարանն արդար վճիռ կկայացնի իր դեմ հարուցված քրեական գործով։ Պրոֆեսոր Չարչյանը վստահ է, որ մեղադրանքը «քաղաքական տեռորի» մաս է։ Հիշեցնենք, որ պրոֆեսոր Չարչյանը ՀՀ երկրորդ նախագահ Ռոբերտ Քոչարյանի գլխավորած «Հայաստան» դաշինքի անդամ ու պատգամավորության թեկնածու է։

«Ինձ առաջադրված է մեղադրանք, որը ինձ համար բացարձակ անհասկանալի է, ըստ իս՝ այդ մեղադրանքի մեջ որևէ հանցակազմ չկա, և այն կրում է խիստ քաղաքական բնույթ ու քաղաքական տեռոր է»,- դատարանի մուտքի մոտ լրագրողների հետ զրույցում նշեց բժիշկ Չարչյանը։

Ինչ է վերաբերում է հայտնի ձայնագրությանն ու իրեն ուղղված մեղադրանքին՝ Չարչյանը նշեց՝ իր խոսքերում «հարկադրանք ու պարտադրանք չկա»։

«Ես կարող եմ ձեզ խնդրել, դա պարտադրանք չէ, ես կարող եմ ձեզ հորդորել, դա պարտադրանք չէ, ես կարող եմ ձեզնից պահանջել, և դուք իմ պահանջը չկատարեք, դա նույնպես պարտադրանք չէ։ Այ եթե ես ձեզ խնդրելուց, հորդորելուց ու պահանջելուց հետո որոշակի միջոցներով ստիպեմ, որ դուք դա անեք, այ, էդ դեպքում է պարտադրանք»,- նշեց Չարչյանը։

Նա նաև պարզաբանել է, որ իր և իր անձնակազմի հարաբերություններն առանձնահատուկ են եղել։ Յուրաքանչյուրն, ով դիմել է իրեն հետազոտության, վիրահատության խնդրանքով իր հարազատների համար, միշտ օգնություն է ստացել։ Չարչյանը նշել է, որ ինքը հարգանքով է վերաբերվել յուրաքանչյուր աշխատակցի խնդրանքին՝ մայրապետից մինչև բաժանմունքի պետ, հետևաբար ակնկալում է, որ նրանք էլ իր խնդրանքին պետք է հարգանքով մոտենան։

Վաստակավոր բժշկի խոսքով՝ այն դեպքում, եթե նրանք չհարգեին իր խնդրանքը, ինքն էլ իր մոտեցումը կփոխեր՝ գործելով օրենքի շրջանակներում։

ԿԸՀ–ն թույլատրել է Արմեն Չարչյանին քրեական հետապնդման ենթարկել

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Նույն օրը հայտնի դարձավ, որ Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Հունիսի 20-ի գիշերը Երևան քաղաքի Ավան և Նոր Նորք վարչական շրջանների ընդհանուր իրավասության դատարանի դատավոր Շահվերդյանը բավարարեց պաշտպանների բողոքը, ու Արմեն Չարչյանն առավոտյան դուրս եկավ «Շենգավիթ» ԲԿ-ից, ուր տեղափոխվել էր գիշերը՝ առողջական խնդիրների պատճառով։

Ավելի ուշ Հատուկ քննչական ծառայությունը որոշում կայացրեց նրան որպես մեղադրյալ ներգրավելու մասին։ Այսօր Երևան քաղաքի առաջին ատյանի ընդհանուր իրավասության դատարանը, Արմինե Մելիքսեթյանի նախագահությամբ, քննում է Չարչյանին կալանավորելու միջնորդությունը։

30
Ըստ թեմայի
Փաշինյանը պետք է Խաչատրյաններից ներողություն խնդրի․ դատարանը մերժել է բողոքը
Թաթոյանի հայտարարությունը զրպարտություն է, դիմելու եմ դատարան. Վիլեն Գաբրիելյան
Ինչու դատարանը չի հրապարակում Արմեն Չարչյանի վերաբերյալ որոշումը․ պաշտպանն իր վարկածն ունի
Կաշառք

Պատգամավորի թեկնածուն կալանավորվել է ընտրակաշառք տալու համար․ ՀՔԾ

65
(Թարմացված է 16:42 22.06.2021)
Իրավապահները փորձում են բացահայտել ընտրակաշառք բաժանելու հանցավոր սխեմայում ներգրավված բոլոր անձանց։

ԵՐԵՎԱՆ, 22 հունիսի - Sputnik․ Պատգամավորի թեկնածուն կալանավորվել է ընտրակաշառք տալու և խոստանալու մեղադրանքով։ Հատուկ քննչական ծառայության լրատվության բաժինը տեղեկացնում է, որ դատարանն այսօր բավարարել է քննիչի միջնորդությունը՝ որպես խափանման միջոց կալանավորումն ընտրելու վերաբերյալ։

«2021 թվականի հունիսի 20-ին նշանակված ՀՀ ԱԺ արտահերթ ընտրություններին մասնակցելու և կուսակցությունների դաշինքի օգտին կողմ քվեարկելու համար ՀՀ Վայոց Ձորի մարզի Եղեգնաձոր քաղաքում մի խումբ անձանց կողմից ընտրողներին անձամբ և միջնորդների միջոցով կաշառք բաժանելու դեպքերով հիմնավորվել է, որ կուսակցությունների դաշինքի պատգամավորության թեկնածու Գ.Ս.-ն, մի խումբ անձանց հետ նախնական համաձայնությամբ, երկու և ավելի անձանց առաջարկել և տվել է 20.000-ից 30.000 ՀՀ դրամ գումարի չափով կաշառք` կուսակցությունների դաշինքի օգտին կողմ քվեարկելու համար»,- նշված է հաղորդագրության մեջ։

Այսպիսով` Գ.Ս.-ին մեղադրանք է առաջադրվել ՀՀ քրեական օրենսգրքի 154.2-րդ հոդվածի 4-րդ մասի 1-ին և 2-րդ կետերով (ընտրակաշառք տալը):

ՀՔԾ-ն Ազգային անվտանգության ծառայության հետ համատեղ ձեռնարկում է անհրաժեշտ գործողություններ` բոլոր հանգամանքները և ընտրակաշառք բաժանելու հանցավոր սխեմայում ներգրավված բոլոր անձանց ինքնությունը բացահայտելու ուղղությամբ:

Դաշինքի թեկնածուն կձերբակալվի․ նա Վայոց Ձորում կաշառք է բաժանել քաղաքացիներին

Նշենք, որ օրեր առաջ հունիսի 19-ին «Պատիվ ունեմ» դաշինքի ներկայացուցիչ Արսեն Բաբայանը Facebook–ի իր էջում գրել է, որ ձերբակալվել է իրենց դաշինքի պատգամավորության թեկնածու Գոռ Սեդրակյանը։

65
թեգերը:
Հատուկ քննչական ծառայություն (ՀՔԾ), թեկնածու, Կաշառք, Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Քաղաքացիների ծայրահեղ հակադիր կարծիքները ընտրությունների արդյունքների մասին. տեսանյութ
Մոսկվան ակնկալում է, որ ընտրությունների արդյունքները կնպաստեն ՀՀ-ի զարգացմանը. Զախարովա
Իշխանությունն ընտրություններում կիրառեց «նորերն ընդդեմ հների» ռազմավարությունը. Մարկեդոնով
Երեխա, արխիվային լուսանկար

Ողբերգական ավտովթար Արարատում. 16-ամյա տղան մահացել է, 13-ամյա երեխային փորձում են փրկել

0
(Թարմացված է 19:02 22.06.2021)
Մահացած երեխան Վեդիի բնակիչ է, իսկ մյուսը, որի կյանքը փրկելու համար պայքարում են բժիշկները, Երևանի բնակիչ։

ԵՐԵՎԱՆ, 22 հունիսի – Sputnik. Այսօր ողբերգական ավտովթար է տեղի ունեցել Արարատի մարզում, որի հետևանքով 16-ամյա տղա է մահացել։ Տեղեկությունը հայտնում է shamshayn.com-ը։

Ըստ կայքի` ժամը 17:30-ի սահմանում KIA մակնիշի ավտոմեքենան Վեդի-Գոռավան–Արարատ ավտոճանապարհի Գոռավան գյուղի վարչական տարածքում դեռևս անհայտ հանգամանքներում կողաշրջվել է: Վթարի հետևանքով 2 հոգի տեղափոխվել են Վեդու բժշկական կենտրոն:

Մինչ դեպքի վայրում աշխատել են հետաքննիչները, հիվանդանոցից հայտնել են, տուժածներից մեկը մահացել է:

Գցել է գետնին ու կտրել կնոջ պարանոցը. Արտաշատի սարսափելի սպանության մանրամասները

Փաստի առթիվ հարուցվել է քրեական գործ ՀՀ քրեական օրենսգրքի 242–րդ հոդվածի 2-րդ մասի հատկանիշներով (ճանապարհային երթևեկության և տրանսպորտային միջոցների շահագործման կանոնները խախտելը):

Կայքը գրում է, որ մահացածը Վեդի քաղաքի բնակիչ, 16-ամյա Մ. Վարդանյանն է, իսկ տուժածը՝ Երևանի բնակիչ, 13-ամյա Է. Մարտիրոսյանը։

Երևանի կենտրոնում մեքենա է այրվել

 

0
թեգերը:
Մահ, վթար, երեխա, Հայաստան
Ըստ թեմայի
Հավի եփած թևիկներ և հավի մսով փլավ. Լոռիում էքսկուրսիան ավարտվել է ինֆեկցիոն հիվանդանոցում
Վթար Ճամբարակ–Շորժա ճանապարհին. 1 երեխա մահացել է, կա 7 վիրավոր
Վթար Արմավիրի մարզում. 16–ամյա վարորդը և նրա անչափահաս ուղևորները տեղափոխվել են հիվանդանոց
Միհրան Հակոբյանի մեքենայի տակ նռնակ են նետել