Սերգեյ Կոպիրկին, ՌԴ դեսպան

Սուր բանավեճերը չպետք է ստվերեն անվտանգության ոլորտում ՀԱՊԿ–ի կարևորությունը. ՌԴ դեսպան

75
(Թարմացված է 12:57 04.11.2019)
Դիվանագետը կարծում է, որ ՀԱՊԿ երկրների համերաշխության շուրջ պարբերաբար հարցեր են առաջանում։ Սա հատկապես վերաբերում է Ադրբեջանի հետ փոխհարաբերություններին։

ԵՐԵՎԱՆ, 4 Նոյեմբեր — Sputnik. Ժամանակակից մարտահրավերների և սպառնալիքների պայմաններում հավաքական կազմակերպությունների դերը զգալիորեն աճում է, և ՀԱՊԿ–ն այս տարիների ընթացքում մեծ փորձ է կուտակել այդ մարտահրավերները չեզոքացնելու հարցում։ Այս մասին այսօր ասաց Հայաստանում Ռուսաստանի դեսպան Սերգեյ Կոպիրկինը «ՀԱՊԿ–ի դերը տարածաշրջանային անվտանգության ապահովման մեջ» կլոր սեղանի ընթացքում։


Նրա խոսքով` ցավոք, հաճախ ՀԱՊԿ–ի թեման քննարկվում է հանրային տիրույթում, երբ կտրուկ հարցեր են ծագում:
«Բոլորս հիշում ենք այն բանավեճերը, երբ ակտիվ քննարկվում էր ՀԱՊԿ գլխավոր քարտուղարի հարցը։ Համերաշխության հարցեր են առաջանում կազմակերպության շրջանակում, այդ թվում նաև Ադրբեջանի հետ առանձին երկրների հարաբերությունների համատեքստում։ Այդ քննարկումների և բանավեճերի հետևում երբեմն չի երևում ՀԱՊԿ–ի այն առանցքային գործունեությունը, որը տարվում է ամեն օր», – նշեց դեսպանը։

Հայերը մեծ ներդրում են ունեցել ֆաշիզմին հաղթելու գործում. Հայաստանում Ռուսաստանի դեսպան

Դիվանագետի կարծիքով` ՀԱՊԿ–ի շրջանակում այսօր հատուկ ծառայությունների, ՆԳՆ, ԱԻՆ փոխգործակցության մեխանիզմներ են ստեղծված։ Այդ համագործակցությունը տարվում է ահաբեկչության, նարկոտրաֆիկի և ապօրինի միգրացիայի դեմ պայքարում։
«Անվտանգության թեման անծայրածիր է, բնականաբար, փոխկապակցված աշխարհի ներկայիս պայմաններում, երբ անվտանգության իրավիճակը շատ դինամիկ է զարգանում, անվտանգության հավաքական կազմակերպությունների դերը մի քանի անգամ աճում է», – ասաց Կոպիրկինը։

ՄՊՀ–ի երևանյան մասնաճյուղն ամրապնդում է հայ–ռուսական հարաբերությունները. Կոպիրկին

Նրա կարծիքով` կազմակերպության գործունեության տարիներին տարբեր մարմիններ և ՀԱՊԿ կառույցներ փոխգործակցության մեծ փորձ են ձեռք բերել` բաց լինելու, փոխադարձ հարգանքի և վստահության սկզբունքների վրա հիմնվելով։
Նա ընդգծեց, որ Ռուսաստանը հատուկ ուշադրությամբ է վերաբերում ինչպես հավաքական փոխգործակցությանը, այնպես էլ առանձին պետությունների հետ դաշնակցային հարաբերությունների կառուցմանը։
Նշենք, որ կլոր սեղանը կազմակերպել է «Ինտեգրացիա և զարգացում» հասարակական կառույցը և նվիրված է Երևանում կայանալիք ՀԱՊԿ ԽՎ–ի հերթական նիստին։

75
թեգերը:
Հավաքական անվտանգության պայմանագիր կազմակերպություն (ՀԱՊԿ), Սերգեյ Կոպիրկին, Դեսպան, Հայաստան
թեմա:
Հայաստան և ՀԱՊԿ (31)
Ըստ թեմայի
ՀԱՊԿ–ում Ադրբեջանը կարո՞ղ է որևէ կարգավիճակ ունենալ. մեկնաբանում է ԱԳՆ խոսնակը
ԱԺ-ն ընդունեց ՀԱՊԿ-ում գործընկերոջ կարգավիճակ ավելացնելու մասին օրինագիծը
ՀՀ փոխվարչապետը անբավարար է համարում ՀԱՊԿ ձեռնարկությունների համագործակցության մակարդակը
Հայաստանը կարող է դառնալ ՁԻԱՀ–ի կանխարգելման տարածաշրջանային կենտրոն. դեսպան