Մանուկներ

Կառավարությունը 5 մանկատուն է լուծարում

122
(Թարմացված է 12:08 31.10.2019)
ՀՀ վարչապետը կառավարության նիստի ժամանակ մտավախություն հայտնեց, որ որոշումը դարձյալ սխալ մեկնաբանության է արժանանալու։

ԵՐԵՎԱՆ, 31 հոկտեմբերի — Sputnik. ՀՀ կառավարությունը որոշել է լուծարել «Դիլիջանի երեխաների խնամքի և պաշտպանության գիշերօթիկ հաստատությունը», «Բյուրեղավանի երեխաների խնամքի և պաշտպանության գիշերօթիկ հաստատությունը», «Գյումրու երեխաների խնամքի և պաշտպանության N 1 գիշերօթիկ հաստատությունը», «Գյումրու Ֆրիտյոֆ Նանսենի անվան երեխաների խնամքի և պաշտպանության N 2 գիշերօթիկ հաստատությունը», «Վանաձորի մանկատունը»։

Որոշումն ընդունվեց այսօր ՀՀ կառավարության նիստում։ Նախագծի քննարկման ընթացքում ՀՀ վարչապետ Նիկոլ Փաշինյանը մտավախություն հայտնեց, որ որոշումը դարձյալ սխալ մեկնաբանության է արժանանալու։ «Հիմա կասեն` կառավարությունը էլի գիշերօթիկ դպրոցներ է փակում» ու ՀՀ աշխատանքի և սոցիալական հարցերի նախարարին հորդորեց հնարավորինս մանրամասն զեկուցել հարցը։

«Այս որոշումը մշակվել է երեխայի` ընտանիքում ապրելու իրավունքն ապահովելու համար և դա ամենևին չի նշանակում, թե նախարարությունը կամ կառավարությունը հրաժարվում է այս երեխաների հանդեպ իր պարտականությունից։ Փոխվում է պարզապես այդ աջակցության ձևը։ Եվ նշեմ, որ 2020թ.–ից մենք գրեթե եռապատկում ենք ամբողջ Հայաստանում երեխաների ցերեկային աջակցության ֆինանսավորումը»,– ասաց նախարար Զարուհի Բաթոյանը։

Գիշերօթիկո՞ւմ, թե՞ պայմաններից զուրկ տանը. որտե՞ղ է երեխան ավելի ապահով

Նա նաև հայտնեց, որ 200 երեխա վերադարձել է ընտանիք։ 2019-ին գիշերօթիկ հասատատություններում խնամք է ստացել 360 երեխա։

16 ընտանիքների ծնողներ ընդգրկվել են տնտեսական ակտիվացման ծրագրերում, որպեսզի նրանք հնարավորություն ունենան իրենց երեխաներին պահելու։

Ծրագրի արդյունքում խնայված գումարը տրամադրվելու է երեխաների ցերեկային խնամքի կենտրոնների ստեղծմանը և խնամատար ու կենսաբանական ընտանիքների ֆինանսական օժանդակությանը։

Նախարարն ասել է` ինչպես օգնել երեխաներին և մեկնաբանել է գիշերօթիկների փակման հարցը

122
թեգերը:
ընտանիք, երեխա, մանկատուն, Զարուհի Բաթոյան, ՀՀ կառավարություն, Նիկոլ Փաշինյան
Ըստ թեմայի
Մանկատներին ու ծերանոցներին կարագի ու կաթնաշոռի անվան տակ այլ բան է մատակարարվել
Ծերանոցներում ու մանկատներում կասկածելի սնունդ է հայտնաբերվել. Զարուհի Բաթոյան
Ինչ է կատարվում ծերանոցներում ու գիշերօթիկներում. Փաշինյանը բացատրել է գործընթացի նպատակը