Վայոց Ձորի մարզպետ Տրդատ Սարգսյան

Հակասական իրադրություն` փոխգնդապետի ծեծի գործով. իրարամերժ վկայություններ կան

81
(Թարմացված է 18:48 30.10.2019)
Զինծառայողներն առերեսվել են Վայոց Ձորի մարզպետի հետ ու պնդել, որ նա ներկա է եղել փոխգնդապետ Արա Մխիթարյանի ծեծին։

ԵՐԵՎԱՆ, 30 Հոկտեմբեր – Sputnik. Վայոց Ձորի մարզում տեղի ունեցած միջադեպի առնչությամբ հակասական իրադրություն է ստեղծվել։ Այս մասին այսօր Ազգային ժողովում լրագրողների հետ զրույցում ասաց Քննչական կոմիտեի ղեկավար Հայկ Գրիգորյանը։

Վայոց Ձորում տեղի ունեցած ծեծկռտուքին մարզպետի մասնակցությունը ստուգվում է. ՔԿ

Հայտնել էինք, որ Եղեգնաձորում սեպտեմբերի 18-ի գիշերը զինվորականների և մարզպետարանի աշխատակիցների մասնակցությամբ միջադեպ է գրանցվել։ ԶԼՄ–ների տեղեկություններով` ծեծկռտուքի հիմնական դերակատարը մարզպետի օգնական Հարություն Գրիգորյանն է եղել, որը ծանր վնասվածքներ է հասցրել փոխգնդապետ Արա Մխիթարյանին։ Վերջինս դեռ կոմայի մեջ է։

«Վայոց Ձորի դեպքի մասին 4 զինծառայող պնդում են, որ մարզպետն այնտեղ է եղել, բայց ունենք նաև մարզպետի շենքի դիմաց տեղադրված տեսանկարահանող սարք, ըստ որի՝ 22։30–ին մարզպետը մտնում է շենքի մուտք և 00։30-ին շքամուտքից դուրս գալիս։ Մյուս կողմից, զինծառայողներն առերես էլ են պնդել, որ մարզպետն այնտեղ է եղել»,–ասաց Գրիգորյանը։

Նրա խոսքով` իրենք տեսաձայնագրային փորձաքննություն են նշանակել, և ըստ եզրակացության՝ տեսանյութը մոնտաժված չէ։

Քննչական կոմիտեի ղեկավարը հայտնեց նաև, որ միջադեպի առնչությամբ հարուցված քրգործի քննությունը դեռ չի ավարտվել։

Սա ուղղակի հրաշք է. Վայոց Ձորում ծեծի ենթարկված փոխգնդապետը բացել է աչքերը

Հիշեցնենք, որ դեպքի առթիվ հարուցված քրգործի շրջանակում մարզպետի եղբայրն ու օգնականը կալանավորվել են։ Ի դեպ, դեպքից հետո Վայոց Ձորի մարզպետ Տրդատ Սարգսյանը հրաժարականի դիմում էր ներկայացրել։

Վայոց Ձորի մարզպետը որոշել է լքել պաշտոնը․ հեռանալուց առաջ նա պարզաբանում է գրել

81
թեգերը:
Հայկ Գրիգորյան, ՀՀ քննչական կոմիտե, Տրդատ Սարգսյան, Ծեծկռտուք, Մարզպետ, Վայոց Ձոր
Ըստ թեմայի
Վայոց Ձորում ծեծկռտուքից վնասվածքներ ստացած փոխգնդապետի վիճակը հույս չի ներշնչում. Տոնոյան
Վայոց Ձորում ծեծկռտուքի հետևանքով վնասվածք ստացած փոխգնդապետի վիճակը դեռ ծայրահեղ ծանր է
Առանց զեկուցման ու քննարկման. Վայոց Ձորի մարզպետն ազատվեց պաշտոնից