Վազգեն Մանուկյան

«Արման Բաբաջանյանը գործիք է քաղաքական հարցեր լուծելու համար». Վազգեն Մանուկյան

96
(Թարմացված է 16:25 30.10.2019)
Վազգեն Մանուկյանը կարծում է, որ Արման Բաբաջանյանի պահանջները քաղաքական նպատակներ ունեն։

ԵՐԵՎԱՆ, 30 հոկտեմբերի — Sputnik. ԱԺ պատգամավոր Արման Բաբաջանյանը գործիք է քաղաքական հարցեր լուծելու համար։ Այս մասին լրագրողների հետ զրույցում ասաց Հանրային խորհրդի նախագահ Վազգեն Մանուկյանը։

Հայտնել էինք, որ ՀՀ ԱԺ պատգամավոր Արման Բաբաջանյանը դիմել էր վարչապետին Հանրային խորհրդի նախագահ Վազգեն Մանուկյանին պաշտոնանկ անելու պահանջով:

«Այդ ամենն իր հետևում քաղաքական նպատակներ է թաքցնում։ Սա քաղաքական պատվեր է։ Եթե ինձ ասելու բան ունեն, թող կանչեն, աչքերիս նայեն ու ասեն, ոչ թե երկրորդական մարդկանց միջոցով ինչ–որ բան հասկացնեն»,–ասաց նա։

Նրա խոսքով` հնարավոր է առաջիկայում փորձի հանդիպել վարչապետ Նիկոլ Փաշինյանի հետ` քննարկելու իր պաշտոնավարման հարցը։

Մյուս կողմից, ըստ Մանուկյանի, Արման Բաբաջանյանին ուղղորդում են, քանի որ դժվար թե առանց վարչապետ Նիկոլ Փաշինյանի թույլտվության, Բաբաջանյանը կարողանար մտնել բանտ և տեսակցել հոկտեմբերի 27–ի ահաբեկչական խմբավորման ղեկավար Նաիրի Հունանյանին։ 

«Հոկտեմբերի 27–ի դեպքերը ես չեմ քննարկելու, քանի որ դա այն խաղն է, որի մեջ պարտադրում են, որ ժողովուրդը մտնի։  Խոսակցությունները, թե Հունանյանի հետ ես մտերիմ եմ, անհիմն են։ Ես Հունանյանի հետ առնչվել եմ 1988թ–ի շարժման ժամանակ, քանի որ ես «Ղարաբաղ կոմիտեն» էի ներկայացնում, ինքը` ուսանողական շարժումը»,–ասաց նա։

Մահափորձ, սպառնալիքներ. Վերմիշյանը պատմում է` ինչու էին ՌԴ–ում որոշ մարդիկ դժգոհում իրենից

Դրանից հետո, ըստ Մանուկյանի` Հունանյանն ուզել է ԱԺՄ կուսակցության անդամ դառնալ, սակայն որոշել են իրեն չընդունել կուսակցության շարքում։ Լուրերը, թե Հունանյանը Մանուկյանի տուն է այցելել և այլն, նույնպես իրական չեն, քանի որ Մանուկյանի պնդմամբ` Հունանյանը երբեք իրենց տանը չի եղել։ 

Հիշեցնենք, որ հոկտեմբերի 24–ին Բաբաջանյանը տեսակցել էր Նաիրի Հունանյանին։ Դրանից հետո Բաբաջանյանը հայտարարել էր, թե «Մարտի 1-ի գործը» Նաիրի Հունանյանի փոխանցածի համեմատ ծաղիկներ են:

«Կարծում եմ, երանի կտան մեղավորները, որպեսզի Մարտի 1-ով վերջանա ամեն ինչ»,–ասել էր նա։

Դրան հաջորդել էր Վազգեն Մանուկյանին պաշտոնանկ անելու Բաբաջանյանի պահանջը։ Ըստ Բաբաջանյանի` Մանուկյանը զբաղեցնելով ապաքաղաքական պաշտոն՝ քանիցս հանդես է եկել քաղաքական ընդգծված կողմնակալ հայտարարություններով, և հստակ իր համակրանքն է հայտնել նախկին իշխանության  նկատմամբ:

96
թեգերը:
Հոկտեմբերի 27, Հրաժարական, ԱԺ, քաղաքականություն, Վազգեն Մանուկյան, Արման Բաբաջանյան
Ըստ թեմայի
Ի՞նչ կապ ունի Կենտրոն վարչական շրջանի հրաժարականը Սերժ Սարգսյանի փեսայի հետ
Արման Բաբաջանյանի հակառուսական պոռթկումներն ինքնագովազդի նպատակ ունեն. պատգամավոր Սանդիկով
Աբգարյան. «Վիկտոր Մնացականյանի հրաժարականը կորուստ է Կենտրոն վարչական շրջանի համար» 
Արսեն Բաբայանը համաներման ցանկություն չի հայտնել. Սասուն Խաչատրյան