Սարսափելի արտաքինով սմարթֆոն. պատյանը մարդու մաշկի է նման. տեսանյութ

Սարսափելի՞, թե՞ զվարճալի սմարթֆոն. պատյանը մարդու մաշկի է նման. տեսանյութ

139
(Թարմացված է 23:32 21.10.2019)
Մարդու մաշկ հիշեցնող պատյաններն ապագայում նաև մազեր ու ջերմություն կունենան, իսկ հիմա «թույլ են տալիս» կսմթել ու շոյել իրենց։

ԵՐԵՎԱՆ, 21 հոկտեմբերի – Sputnik. Փարիզի Telecom Paris ինստիտուտի աշխատակից Մարկ Թեսին (Marc Teyssier) իր գործընկերների հետ սմարթֆոնների կոնցեպտուալ պատյան է մշակել, որի նյութը շատ նման է մարդու մաշկին: Այս մասին հայտնում է New Scientist-ը։

Նա առաջարկում է նման պատյաններ օգտագործել Skin-On ինտերֆեյսի հետ, ինչի արդյունքում սմարթֆոնը կկարողանա զգալ այնպիսի գործողություններ, ինչպիսիք են խուտուտը, կսմթոցն ու շոյանքը։ Թեսիի գլխում նման միտք է ծագել է այն ժամանակ, երբ ցանկացել է կսմթել իր հեռախոսը։

Նմանատիպ արհեստական մաշկը կարող է տարբերել բավականին մեծ քանակությամբ ժեստեր։ Ինտերֆեյսը ծրագրավորված է այնպես, որ տարբեր ժեստերն ասոցացնի համապատասխան էմոցիայի հետ։ Ուժեղ, կտրուկ ճնշումը կհամապատասխանի բարկության հետ, թփթփացնելը՝ ուշադրություն պահանջելու, իսկ շոյելը՝ հանգստացնելու։

Ռուսական ընկերությունը iPhone–ն այնպես է ձևափոխել, որ գինը հասել է 15 մլն դրամի. լուսանկար

Թիմը նախագծել է երկու նախատիպ, որոնցից մեկը չափազանց նման է մարդու մաշկին, իսկ մյուսն ավելի չեզոք մակերևույթ ունի։ Արհեստական կաշին ունի երեք շերտ․ պղնձե շերտը լարերի հետ ընկնում է երկու սիլիկոնե շերտերի միջև։

Ապագայում նախատեսվում է, որ «կաշին» իրականին ավելի նման կլինի, կունենա մազեր ու որոշակի ջերմություն։

Օգտատերերից ոմանք համարում են, որ այսպիսի պատյանը պարզապես սարսափելի մի բան է, մյուսներն էլ կարծում են, որ այն իսկապես կարող է զվարճացնել։

Մատնաչափիկ խաղալիքը. խաղային ապարատն արդեն կարելի է գրպանում պահել. տեսանյութ

139
թեգերը:
պատյան, մաշկ, սմարթֆոն
թեմա:
Տեխնիկա և նորարարություններ (170)
Ըստ թեմայի
Amazon-ն առաջարկում է շփվել ակնոցի և մատանու միջոցով
Սինգապուրում թռչող տաքսու հրապարակային թռիչքը կկայանա մոտակա ամիսներին
Խելացի ժամացույցը մարդու կյանք է փրկել
Այ քեզ բան․ հավելվածը «գտնում» է կատարակտը, իսկ տեխնոհսկաները զարմացնում են երկրպագուներին