Սևանա լիճ

Ձկները փախել են, փողերը` յուրացվել. Սևանի իշխանի ծրագրով քրգործ է հարուցվել

208
(Թարմացված է 17:30 21.10.2019)
Իշխանաբուծության հանրահայտ ծրագրի վերաբերյալ քրեական գործը հարուցվել է ՀՀ պետական վերահսկողական ծառայության բացահայտած փաստերի հիման վրա։

ԵՐԵՎԱՆ, 21 հոկտեմբերի — Sputnik. Սևանա լճում «Իշխան» ձկնատեսակի պաշարների վերականգնման ծրագրի անվան տակ 2 մլրդ դրամից ավելի պետական միջոցներ են փոշիացվել։ Այս մասին նշված է ՀՀ գլխավոր դատախազության տարածած հաղորդագրության մեջ։

Բացահայտումն արել է ՀՀ պետական վերահսկողական ծառայությունը`«Սևանի իշխանի պաշարների վերականգնման և ձկնաբուծության զարգացման» հիմնադրամի և վերջինիս հիմնադրած «Սևանի իշխան» և «Սևան ակվա» ՓԲԸ–ներում կատարած վերահսկողության արդյունքում։

Այս ընկերություններին 2013-2018թթ. պետական բյուջեից հատկացվել է շուրջ 9 մլրդ դրամ։

«Դրա մի մասը տարատեսակ գործարքների և սխեմաների կիրառմամբ կամ յուրացման, վատնման եղանակով հափշտակվել է, կամ փոշիացվել անհիմն ու աննպատակ ծախսերի միջոցով»,– հայտնում է դատախազությունը։

Մասնավորապես` «Սևանի իշխան» ՓԲԸ–ին 2015թ. նոյեմբերին հատկացվել է 180 մլն դրամ` 200.000 մանրաձուկ մատակարարելու համար։ Բայց ձկներն այդպես էլ տեղ չեն հասել, քանի որ մանրաձկան գործարանն ու ցանցավանդակային տնտեսությունները պատրաստ չեն եղել։

Որոշվել է ձկներն ի պահ հանձնել այլ ընկերության, որին վճարվել է հավելյալ 151.2 մլն դրամ, իսկ ձկների մեծ մասը սատկել է։ 200.000 մանրաձկից կենդանի է մնացել միայն 99.772-ը։

«Սևան ակվա» ՓԲԸ 2016թ. դեկտեմբերին ուկրաինական ընկերության հետ կնքել է կատամարանի կառուցման պայմանագիր` 319 000 ԱՄՆ դոլար (154.7 մլն դրամ) արժեքով։

Կառուցման ընթացքում կնքված լրացուցիչ համաձայնագրերով պայմանագրի գինը դարձել է 470 000 ԱՄՆ դոլար, իսկ ավարտի ժամկետը 3 անգամ երկարացվել է` հասցվելով 17.03.2019թ.։

Բացի այդ, կատամարան ջրի մեջ իջեցնելու և ՀՀ տեղափոխելու համար ուկրաինական ընկերությանն անհիմն վճարվել է ևս 110 հազար ԱՄՆ դոլար (53.3 մլն դրամ)։ Բայց նույնիսկ այդքանից հետո կատամարանն այդպես էլ չի հասել Հայաստան։ Բայց «Սևան ակվան» ոչ մի միջոց չի ձեռնարկվել, գումարներն էլ հետ չի պահանջել։

2017թ. ապրիլին «Սևան ակվայի» ցանցավանդակները վնասվել են, 425 մլն դրամի ձուկ է փախել ու 97 մլն դրամի ցանցավանդակի դետալներ են վնասվել ու կորել։

Ընկերությունը մեկնաբանել է, որ այդ ամենը տեղի է ունեցել ձմռանը, երբ Սևանա լիճը սառել է, և ուժեղ քամու պատճառով սառցաշերտը տեղաշարժվել ու վնասել է ցանցավանդակները։

Մասնագետներին, սակայն, այս փաստարկը չի բավարարել, քանի որ ցանցավանդակների շահագործման տեխնիկական կանոնակարգերում այդ ռիսկը հաշվարկված է եղել։

Պարզվել է նաև, որ Կարճաղբյուր համայնքում ձկան վերամշակման գործարան կառուցելու համար «Սևանի իշխան» ընկերությունն ավելի քան 733 մլն դրամի պայմանագիր է կնքել այլ ընկերության հետ։ Շինաշխատանքները մինչ օրս չեն ավարտվել, շենքը կիսակառույց է ու որևէ նպատակով չի օգտագործվում։

«Սևանի իշխան» ընկերությունը գովազդի նպատակով հիմնվել և 2015թ. նոյեմբերից 2017թ. մարտ ամիսը Երևան քաղաքի Սարյան փողոցում աշխատացրել է «Պեպո» խանութ-խորտկարանը` դրա համար ծախսելով 129.6 մլն դրամ։ Իսկ գրանցված եկամուտները կազմել են 32.3 մլն դրամ։

Արդյունքում Սևանի ձկնապաշարները վերականգնելու նպատակով ստեղծված այս երեք ընկերությունները 2015-19թթ–ի ընթացքում  վատնել ու հափշտակել են ավելի քան 1 մլրդ դրամի բյուջետային միջոցներ, պետության շահերին հասցրել են շուրջ 1.3 մլրդ դրամի վնաս։

Պետական վերահսկողական ծառայության այս բացահայտումների հիման վրա ՀՀ գլխավոր դատախազությունը հարուցել է քրեական գործ՝ ՀՀ քրեական օրենսգրքի 179-րդ հոդվածի 3-րդ մասի 1-ին կետի (յուրացնելը կամ վատնելը), 214-րդ հոդվածի 2-րդ մասի (լիազորությունները չարաշահելը) և 325-րդ հոդվածի 2-րդ մասի (փաստաթղթեր կեղծելը) հատկանիշներով:

Քրեական գործի նախաքննությունը հանձնարարվել է ՀՀ Քննչական կոմիտեին:

208
թեգերը:
ՀՀ գլխավոր դատախազություն, Քրեական գործ, ձուկ, Սևանա լիճ
Ըստ թեմայի
Աղտոտված արագիլների խնդիրը դեռ լուծված չէ, իսկ նրանց կեղտոտվելը մեծ խնդրի ահազանգն է
Ադամյան. «Կանգնած ենք խնդրի առաջ. ջրբացթողումների հետևանքով փոխվել է Սևանա լճի էկոլոգիան»
Բնապահպաններն ահազանգում են` Արցախի ջրամբարում ձկները սատկել են. տեսանյութ
Սևանը խեղդվում է. ի՞նչ է պետք լիճը չկորցնելու ու մարդ կոչվելու իրավունքից չզրկվելու համար
Արխիվային լուսանկար

Հայտնի է` ինչու է ժամը 21:00–ից հետո ՀՀ տարբեր մարզերում էլեկտրականությունն անջատվել

415
(Թարմացված է 23:49 20.06.2021)
Sputnik Արմենիան այս հարցով պարզաբանում է ստացել «Էլեկտրաէներգետիկական համակարգի օպերատոր» պետական ձեռնարկության տնօրեն Մնացական Մնացականյանից։

ԵՐԵՎԱՆ, 20 հունիսի – Sputnik․ Հայաստանի տարածքում քվեաթերթիկների հաշվարկը սկսելուց հետո հոսանքազրկումները կապված են եղել «Ալավերդի» բարձր լարման գծում առաջացած խնդիրների հետ։ Տեղեկությունը Sputnik Արմենիային հայտնեց «Էլեկտրաէներգետիկական համակարգի օպերատոր» պետական ձեռնարկության տնօրեն Մնացական Մնացականյանը։ 

Նրա խոսքով` խնդիրներն ի հայտ են եկել, երբ Հայաստանը հերթական անգամ հոսանք էր ներմուծում Վրաստանից (երկու երկրները պարբերաբար հոսանք են փոխանակում կարճաժամկետ պակասուրդի դեպքում)։

Այդ դեպքում Հայաստանի էներգահամակարգի մի մասը միացվում է վրացականին կամ հակառակը։

Հերթական այդպիսի միացումը կատարվել էր ժամը 21:00–ից հետո։ 21:40–ի սահմաններում խնդիր էր առաջացել «Ալավերդի» գծի վրա, որը ներհոսք էր ընդունում Վրաստանից` Շիրակի և Լոռու մարզերի համար։ Խափանումից անմիջապես հետո այս երկու մարզերը հետ էին միացվել Հայաստանի համակարգին։

Հիշեցնենք` Հայաստանի տարբեր մարզերից ահազանգում էին հոսանքազրկումների մասին։ «Հայաստանի էլեկտրական ցանցեր» ՓԲԸ մամուլի պատասխանատու Նատալյա Սարջանյանը Sputnik Արմենիայի հետ զրույցում նշել էր, որ խնդիրը որևէ կապ չունի ՀԷՑ-ի հետ։

415
թեգերը:
Մարզ, Հայաստան, էլեկտրաէներգիա
Ըստ թեմայի
Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է
Ինչպես է ընթանում քվեաթերթիկների հաշվարկը Երևանում․ տեսանյութ
Էլեկտրոնային քվեարկության արդյունքները հայտնի են. Տիգրան Մուկուչյանն ամփոփեց տվյալները
Քննչական կոմիտե

Փորձել են քվեարկել 1-ից ավելի անգամ կամ ուրիշի փոխարեն․ ՔԿ

44
(Թարմացված է 23:02 20.06.2021)
Քվեարկությունը գաղտնիությունը խախտելու դեպքով գրանցվել է քրեական գործ, 2 անձի տրվել է կասկածյալի կարգավիճակ, ընտրվել է խափանման միջոց։

ԵՐԵՎԱՆ, 20 հունիսի – Sputnik․ ՀՀ քննչական կոմիտեում ժամը 21:00-ի դրությամբ ընտրական իրավունքի իրականացմանը խոչընդոտելու առերևույթ հանցագործության դեպքերի վերաբերյալ ստացվել և նախապատրաստվել է 66 նյութ, ինչպես նաև ստացվել է 2 քրեական գործ: Տեղեկությունը հայտնում է ՀՀ քննչական կոմիտեի մամուլի ծառայությունը։

«Նշված 68 դեպքերից 48-ը վերաբերում են ՀՀ քրեական օրենսգրքի 153-րդ հոդվածով նախատեսված՝ մեկից ավելի անգամ կամ այլ անձի փոխարեն քվեարկելուն, 16-ը՝ ՀՀ քրեական օրենսգրքի 154-րդ հոդվածով նախատեսված՝ քվեարկության գաղտնիությունը խախտելուն, 1-ը՝ ՀՀ քրեական օրենսգրքի 154.4-րդ և 149.2-րդ հոդվածներով նախատեսված՝ զենքով տեղամասային կենտրոն մուտք գործելուն և տեղամասային կենտրոնում և դրա մուտքին հարող տարածքում բռնություն գործադրելուն, 1-ը՝ ՀՀ քրեական օրենսգրքի 149-րդ հոդվածով նախատեսված՝ դիտորդի լիազորությունների իրականացմանը խոչընդոտելուն, 1-ը՝ ՀՀ քրեական օրենսգրքի 149.2-րդ հոդվածով նախատեսված՝ տեղամասային կենտրոնում և դրա մուտքին հարող տարածքում բռնություն գործադրելուն, 1-ը՝ ՀՀ քրեական օրենսգրքի 154.1-րդ հոդվածով նախատեսված՝ կեղծ ընտրական քվեաթերթիկներ պատրաստելուն և իրացնելուն»,- նշված է հաղորդագրության մեջ:

Այսօր հարուցվել է 3 քրեական գործ՝ զենքով տեղամասային կենտրոն մուտք գործելու և տեղամասային կենտրոնում և դրա մուտքին հարող տարածքում բռնություն գործադրելու, կեղծ ընտրական քվեաթերթիկներ պատրաստելու և իրացնելու, քվեարկության գաղտնիությունը խախտելու 1-ական դեպքերով։

Որ ուժը որքան գումար է ծախսել նախընտրական քարոզարշավի վրա. տվյալներ

Քվեարկության գաղտնիությունը խախտելու գործով 2 անձի տրվել է կասկածյալի դատավարական կարգավիճակ։ Նրանց նկատմամբ խափանման միջոց է ընտրվել ստորագրություն՝ չհեռանալու մասին:

Մնացած 65 դեպքերով լրացուցիչ նյութեր են նախապատրաստվում:

Հիշեցնենք` այսօր` հունիսի 20–ին, ժ. 08։00–20։00–ն Հայաստանում քվեարկություն է անցկացվել 2008 ընտրատեղամասերում։ Ընտրողների ցուցակներում ընդգրկված են 2 593 572 մարդ, որոնցից ընտրությանը մասնակցել են 1 281 174–ը կամ 49.4 տոկոսը։

Խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

44
թեգերը:
Ընտրություններ, ԱԺ, Հայաստան, քվեարկություն, Քննչական կոմիտե
Ըստ թեմայի
Քվեարկությանը մասնակցել են նաև 812 կալանավոր և դատապարտյալ
Դատախազությունը հիշեցնում է` քվեարկության գաղտնիությունը խախտելը հանցագործություն է
Քվեարկած թերթիկը լուսանկարելն ու տարածելն արգելված է օրենքով. ՄԻՊ
Ընտրատեղամաս

Քվեարկության արդյունքները 07։00-ի դրությամբ․ ամփոփվել են 1928 ընտրատեղամասի արդյունքները

461
(Թարմացված է 07:05 21.06.2021)
Վերջին տվյալների համաձայն՝ «Քաղաքացիական պայմանագիր» կուսակցությունը ստացել է 654 596 քվե, այսինքն՝ կողմ են քվեարկել մասնակիցների 54.31%-ը։

ԵՐԵՎԱՆ, 21 հունիսի - Sputnik. Հայաստանի Ազգային ժողովի արտահերթ ընտրության քվեարկությունից հետո ժամը 07։00-ի դրությամբ ամփոփվել են 2008 ընտրատեղամասերից 1928-ի արդյունքները։

Ըստ այդմ՝  «Քաղաքացիական պայմանագիր» կուսակցությունը ստացել է 654 596 քվե (54.31%),

«Հայաստան» դաշինքը՝ 251 784 (20.89%),

«Պատիվ ունեմ» դաշինքը՝ 62 723  (5.2%),

«Բարգավաճ Հայաստան» կուսակցությունը՝  48 159 (4),

«Հանրապետություն» կուսակցությունը՝ 36 445 (3,02),

«Հայ ազգային կոնգրես» կուսակցությունը՝ 18 292 (1.52)։

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։ 

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

 

461
թեգերը:
ԱԺ, քվեարկություն, Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Ռոբերտ Քոչարյանի գլխավորած «Հայաստան» դաշինքը հայտարարություն է տարածել
Փաշինյանը քաղաքական խորհրդակցություններ կսկսի
Ինչպես են կենտրոնական շտաբի մոտ Փաշինյանին դիմավորում նրա կողմնակիցները. տեսանյութ