ՀՀ նախագահ Արմեն Սարգսյան, Վրաստանի նախագահ Սալոմե Զուրաբիշվիլի

Արմեն Սարգսյանն ու Սալոմե Զուրաբիշվիլին բանակցություններ կանցկացնեն Տոկիոյում

66
(Թարմացված է 16:02 20.10.2019)
Հայաստանի նախագահը հանդիպումներ կանցկացնի Ճապոնիայում մի շարք խոշոր ընկերությունների ղեկավարների հետ, կառաջարկի նրանց Հայաստան այցելել, ներդրումային հնարավորություններին ծանոթանալ։

ԵՐԵՎԱՆ, 20 հոկտեմբերի — Sputnik. Հայաստանի ու Վրաստանի նախագահներ Արմեն Սարգսյանն ու Սալոմե Զուրաբիշվիլին բանակցություններ կանցկացնեն Ճապոնիա կատարած այցի շրջանակում, որտեղ համաշխարհային առաջնորդների հետ կմասնակցեն կայսր Նարուհիթոյի գահակալության պաշտոնական արարողությանը։

Վրաստանի նախագահի վարչակազմը հայտնում է, որ Զուրաբիշվիլին բանակցություններ է անցկացնելու իր ավստրիացի և հայաստանցի գործընկերների՝ Ալեքսանդեր Վան դեռ Բելենի ու Արմեն Սարգսյանի հետ։

Ավելի վաղ հայտնի էր դարձել,որ  Ճապոնիայի կառավարության հրավերով Հանրապետության նախագահ Արմեն Սարգսյանը տիկնոջ՝ Նունե Սարգսյանի հետ կմեկնի Տոկիո՝ մասնակցելու Ճապոնիայի կայսեր՝ Նարուհիթոյի գահակալության հանդիսավոր արարողությանը: Այցի ընթացքում ՀՀ նախագահը երկկողմ հանդիպումներ կունենա տարբեր երկրների նախագահների ու վարչապետների հետ, նաև կայցելի Տոկիոյի ֆոնդային բորսա, Ճապոնիայի միջուկային կարգավորման գործակալություն, ինչպես նաև աշխարհի առաջատար արդյունաբերական և տեխնոլոգիական ընկերություններից մեկը՝ Mitsubishi Heavy Industries:

«Հայ-վրացական հարաբերությունների զարգացումը պետք է ինտենսիվ շարունակվի». Ջոնի Մելիքյան

«Արմեն Սարգսյանը հանդիպումներ կունենա նաև ճապոնական մի շարք խոշոր ընկերությունների ղեկավարների հետ՝ ծանոթանալու համագործակցության հնարավորություններին ու հեռանկարներին: Նա նաև դասախոսությամբ հանդես կգա Տոկիոյի համալսարանում», - նշված է հաղորդագրության մեջ։

Վրաստանի վարչապետը ժամանեց Երևան. նրան դիմավորեց Փաշինյանը. տեսանյութ

Ճապոնիայի 85-ամյա կայսր Աքիհիթոն այս տարվա ապրիլին պաշտոնապես հրաժարվել էր գահից: Նրան փոխարինել է 59-ամյա որդին՝ թագաժառանգ Նարուհիթոն: Նոր կայսեր գահակալության հիմնական ծիսակարգերին, նաև Ճապոնիայի վարչապետ Սինձո Աբեի անունից կազմակերպվող ընդունելությանը ներկա կլինեն աշխարհի բազմաթիվ երկրների նախագահներ ու կառավարությունների ղեկավարներ, այլ բարձրաստիճան պաշտոնյաներ:

66
թեգերը:
Ճապոնիա, Տոկիո, Սալոմե Զուրաբիշվիլի, Արմեն Սարգսյան, Վրաստանի Հանրապետություն, Հայաստան
Ըստ թեմայի
Վրաստանի հետ հարաբերությունների զարգացման ռազմավարական հայեցակարգ ենք ստեղծելու. Փաշինյան
«Սպասում ենք Թբիլիսիի պարզաբանմանը». ԱԳՆ–ն` հայ լրագրողներին Վրաստան չթողնելու մասին
Մեր բարեկամությունն ամրապնդել են մեր նախնիները. ՀՀ նախագահն ընդունել է Վրաստանի վարչապետին
Փաշինյանը մեսիջ է հղել, հերթը Գախարիայինն է․ ի՞նչ սպասել Վրաստանի վարչապետի այցից