Մարիամ Մերաբովա

«Ես կվերադարձնեմ իմ պարտքը». Մարիամ Մերաբովան ՀՀ քաղաքացիություն է ստացել

1125
(Թարմացված է 02:23 20.10.2019)
Հայտնի երգչուհի Մարիամ Մերաբովան միլիոն ժամ երջանկություն մաղթեց բոլոր հայերին և վստահեցրեց, որ իր պարտքը կվերադարձնի Հայաստանին։

ԵՐԵՎԱՆ, 19 հոկտեմբերի - Sputnik. Ռուսական հեղինակավոր «Ձայնը» նախագծի մասնակից, ճանաչված երգչուհի Մարիամ Մերաբովան ՀՀ քաղաքացիություն է ստացել: Նա այդ մասին հայտարարեց այսօր «Ավրորա» մարդասիրական մրցանակաբաշխության տոնական համերգի ժամանակ, որին մասնակցելու համար երգչուհին Հայաստան է ժամանել:

«Ես վերադարձել եմ, ես ստացել եմ ՀՀ քաղաքացիություն և կվերադարձնեմ իմ պարտքը իմ հայրենիքին», - ասաց երգչուհին:

Իր ողջույնի խոսքում նա նաև բոլորին շնորհավորեց մայրաքաղաքի տոնի առթիվ, ապա նշեց, որ երջանիկ է այս փառահեղ միջոցառմանը մասնակցելու համար:

«Մաղթում եմ միլիոն ժամ երջանկություն յուրաքանչյուր հայի, որտեղ էլ նա ապրի: Մոլորակի որ անկյունում էլ նա գտնվի, շարունակում է մնալ հայ և ձգտել այստեղ»,- ասաց երգչուհին՝ հավելելով, որ աղոթում է Աստծուն, որ մարդիկ սթափվեն և երբեք չպատերազմեն, որովհետև ամենակարևորը, որ մենք ցանկանում ենք թողնել մեր երեխաներին, սերն է:

Հավելենք, որ Մարիամ Մերաբովան Sputnik Արմենիայի հետ հարցազրույցում ավելի վաղ պատմել էր, որ Երևանում է ծնվել, հինգ տարեկանից լրջորեն զբաղվել է երաժշտությամբ, բայց մինչև 18 տարեկան չի էլ մտածել, որ երգելու է։ Այս տարի օգոստոսի 15-ին կյանքից հեռացել էր նրա ամուսինը՝ հայտնի երաժիշտ Արմեն Մերաբովը:

1125
թեգերը:
Հայաստան, Մարիամ Մերաբովա, Ավրորա
Ըստ թեմայի
Մարիամ Մերաբովա. Երևանը ջազի Մեքքան է
«Այ քեզ հրաշք»․ «Ты супер» նախագծի հայ մասնակիցը զարմացրեց ջազի աստղին
Աստված տա` բոլորը հայերի պես ջազ նվագեն. բացառիկ հարցազրույց հանրահայտ երգչուհու հետ
«Էրեբունի» ԲԿ-ում վիրահատված շուրջ 10 երեխա այսօր լսելու հնարավորություն են ստացել

Շուրջ 10 երեխա լսելու հնարավորություն են ստացել. նրանք վիրահատվել են «Էրեբունի» ԲԿ-ում

7
(Թարմացված է 18:51 04.08.2021)
«Կոխլեար» իմպլանտացիայի ծրագիրը նախատեսված է այն երեխաների համար, որոնց ախտորոշված է 4-րդ աստիճանի ծանրալսություն:

ԵՐԵՎԱՆ, 4 օգոստոսի – Sputnik. «Էրեբունի» ԲԿ-ում վիրահատված շուրջ 10 երեխա այսօր լսելու հնարավորություն են ստացել: Տեղեկությունը հայտնում է ԲԿ–ի ֆեյսբուքյան էջը։

Տեղեկացվում է, որ «Կոխլեար» իմպլանտացիայի ծրագրով մեկ ամիս առաջ հերթական վիրահատություններն է կատարել UCLA համալսարանական կլինիկայի պրոֆեսոր, ազգությամբ ճապոնացի Ակիրա Իշիյաման՝ «Էրեբունի» ԲԿ քիթ-կոկորդ-ականջ հիվանդությունների բաժանմունքի ղեկավար, պրոֆեսոր Արթուր Շուքուրյանի հետ: 

Профессор университетской клиники Калифорнийского университета и завотделением оториноларингологии медцентра Эребуни Акира Исияма с коллегами
© Photo : GEVORG ZURNACHYAN
Վիրահատություն արած բժիշկները

«Մեկ ամիս առաջ տեղադրված խխունջային իմպլանտներն այսօր միացվել են հյուրերի ներկայությամբ:  Ներկա են  եղել ՀՀ առողջապահության փոխնախարար Արտյոմ Սմբատյանը, ՀՀ ԱՆ մոր և մանկան առողջության պահպանման վարչության պետ Նունե Փաշայանը, Ճապոնիայում ՀՀ արտակարգ և լիազոր դեսպան Ֆուկուշիմա Մասանորին, ինչպես նաև ՀՀ-ում ԱՄՆ դեսպանատան ներկայացուցիչներ Միքայել Պլոտկովսկին և Արմեն Փիրուզյանը»,–ասված է հաղորդագրության մեջ:

Բացառիկ վիրահատություն «Էրեբունի» ԲԿ-ում. ավտովթարից պարանոցը կոտրած տղայի կյանքը փրկվել է

17 տարվա ընթացքում ավելի քան 150 երեխա լսում է՝ «Էրեբունի» ԲԿ-ում իրականացվող այս կարևոր ծրագրի շնորհիվ: «Կոխլեար» իմպլանտացիայի ծրագիրը նախատեսված է այն երեխաների համար, որոնց ախտորոշված է 4-րդ աստիճանի ծանրալսություն:

Լավ լուր. Համալսարանականի բժիշկները բարեհաջող վիրահատել են բնածին արատով նորածնին

Նշենք, որ ծրագիրը մեկնարկել է 2004 թվականին՝ «Էրեբունի» բժշկական կենտրոնի ղեկավար, պրոֆեսոր Հարություն Քուշկյանի, Հայկական բժշկական միջազգային հիմնադրամի ղեկավար Սալբի Ագարակյանի և UCLA համալսարանական կլինիկայի պրոֆեսոր Ակիրա Իշիյամայի համատեղ ջանքերով:  Վիրահատությունների ընթացքում խխունջային ինպլանտները տեղադրվում են ներքին ականջի մեջ և ձայնային ալիքները ընկալելու հնարավորություն տալիս:

7
թեգերը:
երեխա, «Էրեբունի» ԲԿ, վիրահատություն, Լսողություն
Ըստ թեմայի
Ֆրանսահայ բժիշկը պատերազմի օրերին լսողությունը կորցրած 12 զինվորի է վիրահատել. տեսանյութ
«Այո, ես վիրահատել եմ ՀՔԾ պետի հայրիկին». Արմեն Չարչյանը մանրամասներ հայտնեց
Զինվորը վիրավորվել է ուսի շրջանում, նրան վիրահատել են. Գնել Սանոսյանը մանրամասներ հայտնեց
Համալսարանականի բժիշկները բարեհաջող վիրահատել են բնածին արատով նորածնին

Լավ լուր. Համալսարանականի բժիշկները բարեհաջող վիրահատել են բնածին արատով նորածնին

45
(Թարմացված է 16:51 04.08.2021)
Առողջապահության նախկին նախարարը նշում է, որ նորածնի մայրը հղիության ընթացքում երկու անգամ հիվանդացել է Covid-19-ով։

ԵՐԵՎԱՆ, 4 օգոստոսի - Sputnik. Համալսարանական հիվանդանոցի մասնագետները բարեհաջող վիրահատել են բնածին ծանր արատ ունեցող երեխային։ Տեղեկությունը Facebook-ի իր էջում հայտնել է ՀՀ առողջապահության նախկին նախարար, ԵՊԲՀ ռեկտոր Արմեն Մուրադյանը։

Փոքրիկը բուժում է ստանում ԵՊԲՀ «Մուրացան» համալսարանական հիվանդանոցի Մանկական և նորածնային վերակենդանացման կլինիկայում։

«Նորածնի մոտ ախտորոշվել էր որովայնի խոռոչի ներքին օրգանների «հայելային» դասավորվածություն (Situs inversus abdominalis)։ Ստամոքսը գտվում էր աջից, (նորմայում՝ ձախից) իսկ տասներկումատնյա աղիքը ներկայացված էր կարճ խողովակի տեսքով։ Առկա խնդիրներն առաջացնում էին աղիների բնածին անանցանելիություն»,- նշված է գրառման մեջ։

ԵՊԲՀ ռեկտորն ընդգծում է՝ մայրը հղիության ընթացքում երկու անգամ հիվանդացել է Covid-19-ով։

Համալսարանական բժիշկները կատարել են բարդ վիրահատություն, որի շնորհիվ վերականգնվել է ստամոքսաաղիքային անցանելիությունը։

Մուրադյանի խոսքով՝ մանկական վիրաբույժները, նեոնատոլոգները և մանկաբույժները համատեղ ուժերով շարունակում են պայքարը երեխային առողջացնելու ուղղությամբ։

Նա հավելել է, որ տվյալ նյութի հիման վրա համալսարանական մասնագետները պատրաստելու են գիտական հոդված, որը կուղարկվի հեղինակավոր միջազգային բժշկական ամսագիր՝ տպագրության:

45
թեգերը:
Արմեն Մուրադյան, նորածին, վիրահատություն, բժիշկ, Հայաստան
Ըստ թեմայի
Բացառիկ վիրահատություն «Էրեբունի» ԲԿ-ում. ավտովթարից պարանոցը կոտրած տղայի կյանքը փրկվել է
«Որոշեցի չհեռացնել պտուղը, գիտեի` լավ կլինի». Նանեն ծնվել է պարանոցին գլխից մեծ ուռուցքով
Չէինք հավատում, որ կփրկվի. Վահեն 1 տարում 15-ից ավել վիրահատություն է տարել և ոտքի կանգնել
Հեղեղումներ Իրանում, արխիվային լուսանկար

Ջրհեղեղներ Իրանում. զոհեր կան

0
(Թարմացված է 18:59 04.08.2021)
Կարմիր մահիկի ներկայացուցիչն ասել է, թե որ նահանգներում են փրկարարական աշխատանքներ իրականացվել։

ԵՐԵՎԱՆ, 4 օգոստոսի - Sputnik. Իրանում ջրհեղեղների հետևանքով ութ մարդ մահացել է, ևս երկուսը` անհետ կորել։ Ինչպես տեղեկացնում է ՌԻԱ Նովոստին, այդ մասին հայտնել է Իրանի Կարմիր մահիկի ընկերության պաշտոնական ներկայացուցիչ Մոհամմադ Հասան Քուսիանը։

«Կարմիր մահիկի աշխատակիցները փրկարարական աշխատանքներ են իրականացրել Արևելյան Ադրբեջան, Արևմտյան Ադրբեջան, Թեհրան, Զենջան, Սեմնան, Ղազվին, Քուրդիստան, Քերման, Մազանդարան և Հորմոզգան նահանգներում։ Ցավոք, ութ զոհ կա, որոնցից վեցը՝ Կազվին նահանգում, մեկը՝ Արևմտյան Ադրբեջան նահանգում, ևս մեկը՝ Սավադկուհում», - ասել է Քուսիանը:

Նա նաև հայտնել է, որ Ղազվինում երկու մարդ է կորել, որոնումները շարունակվում են:

Թուրքիայում ջրհեղեղի հետևանքով մարդիկ են մահացել. տարերքը տներ է քանդել

Քուսիանի խոսքով՝ փրկվել է 978 մարդ, որոնցից երեքը վնասվածքներ ունեն։

Նշենք, որ Իրանում արդեն մեկ շաբաթ է` հեղեղումներ են:

Խորտակված մեքենաներ, ջրասույզ եղած տներ և փողոցներ. Չինաստանի ջրհեղեղը` լուսանկարներով

0
թեգերը:
Իրանի Իսլամական Հանրապետություն, ջրհեղեղ
Ըստ թեմայի
Սատկած կենդանիներ, մոխրացած տներ ու անտառներ. հրդեհի ճիրաններում հայտնված Թուրքիան
Հնդկաստանում լեռնային ճանապարհի մի մասը փլուզվել է սողանքի պատճառով. տեսանյութ