Աննա Հակոբյան

Աննա Հակոբյանը սիրով պատմել է վարսավիրանոցի, make up-ի ու հայ վարսավիրի մասին

529
(Թարմացված է 15:11 12.10.2019)
Մամուլը գրում է, որ Նիկոլ Փաշինյանի կնոջ վարսավիրն ազատվել է աշխատանքից։ Վարչապետի տիկինն էլ հիշել է Նյու Յորքի վարսավիրանոցն ու լուսանկարներ հրապարակել։

ԵՐԵՎԱՆ, 12 հոկտեմբերի — Sputnik. ՀՀ վարչապետ Նիկոլ Փաշինյանի կինը` Աննա Հակոբյանը, որոշել է պատմել նյույորքյան վարսավիրանոց այցելելու իր պատմությունը։ Նա այս մասին գրել է Facebook-ում։

«Քանի որ վարսահարդարի թեման կրկին ակտուալ է, սիրով կիսում եմ ԱՄՆ վերջին այցի ժամանակ Նյու Յորքում վարսավիրանոց իմ այցի պատմությունը: Այն գտնվում էդ Մանհեթընի վրա, պատկանում էր հայի՝ Վարդան անունով, որը 40 տարի Նյու Յորքում վարսավիրանոց ունի ինքն էլ իմ այցի պահին սպասարկում էր հաճախորդի»,– գրում է Հակոբյանը։

Վարչապետի տիկինը հայտնում է, որ իր մազերը հարդարել է վարսավիրանոցի սեփականատիրոջ որդին՝ Միկան, իսկ Բիանկա անունով մի աղջիկ էլ make up է արել։

«Պարոն Վարդանը նրանցից պահանջում էր ինձ շատ գեղեցկացնել. Make her beautiful, she is the First Lady of my country (Գեղեցկացրեք նրան, նա իմ հայրենիքի առաջին տիկինն է). համոզում էր նա»,– պատմում է Հակոբյանը։

Վարչապետի կինը նշում է, որ իրեն ցնցել է այս դեպքը, քանի որ աշխարհի մյուս ծայրում հայի հանդիպելը, նրա խոսքով, վստահություն է պարգևում։

Իսկ թե այս դեպքը որքանով է առնչվում իր վարսահարդարի հետ կապված պատմությանը, Աննա Հակոբյանը չի մեկնաբանում։

Հիշեցնենք` մամուլում այսօր տեղեկություն էր տարածվել, որ արդեն մի քանի ամիս է` աշխատանքից ազատվել է Աննա Հակոբյանի վարսահարդար–ոճաբան Սոֆյա Նավասարդյանին, որը պաշտոնական փաստաթղթերում ձևակերպված էր որպես օգնական։

Աննա Հակոբյանը չգիտի` ինչպես համոզի ամուսնուն. նա Փաշինյանի լուսանկարն է հրապարակել

Հրապարակումից կարելի է ենթադրել, որ ԱՄՆ այցելելու ժամանակ Սոֆյա Նավասարդյանն արդեն նրան չի ուղեկցել, ուստի օգտվել է ամերիկյան վարսավիրանոցի ծառայություններից։

Ի՞նչ են խնդրել աստծուց Աննա Հակոբյանն ու իր զինվոր որդին. վարչապետի տիկինն Արցախում է

529
թեգերը:
վարսահարդար, վարսավիր, Աննա Հակոբյան, Հայաստան
Ըստ թեմայի
Աննա Հակոբյանն ասել է, թե որքան են ծախսել դստեր ծննդյան համար և պատասխանել մեղադրանքներին
Աննա Հակոբյանն ընտանեկան լուսանկար է հրապարակել
«Իսկապես, անչափ «ճոխ, շենշող» տարեդարձ ենք նշել. Աննա Հակոբյանը լուսանկարներն է հրապարակել
Արսեն Թորոսյան

Կորոնավիրուսի բուժման մեթոդները պետք է նույնականացնել. Արսեն Թորոսյան

0
Հանդիպման ընթացքում ընդգծվել է, որ անեսթեզիոլոգ-ռեանիմատոլոգները հիմա առավել քան պահանջված են, լրացուցիչ մասնագետների ներգրավման անհրաժեշտություն կա։

ԵՐԵՎԱՆ, 30 մայիսի – Sputnik. ՀՀ առողջապահության նախարար Արսեն Թորոսյանը հանդիպել է հանրապետության մի շարք բժշկական կազմակերպությունների վերակենդանացման բաժանմունքների ղեկավարների հետ։ Տեղեկությունը հայտնում է նախարարության մամուլի ծառայությունը։

Նախարարը հանդիպման սկզբում ասել է, որ կորոնավիրուսային հիվանդության բուժման մեթոդները պետք է նույնականացնել և կիրառել միանման մոտեցումներ` իհարկե հաշվի առնելով հիվանդի բժշկական պատմությունը։

«Ուզում եմ նաև լսել, թե ինչ պետք է անել այլ կերպ, քան հիմա արվում է»,- նշել է Արսեն Թորոսյանը։

Ներկաները քննարկել են կիրառվող գործելակարգերը, ընդհանուր մոտեցումները և ներկայացրել են իրենց դիտարկումները պացիենտների վարման վերաբերյալ։

Հանդիպման ընթացքում ընդգծվել է, որ անեսթեզիոլոգ-ռեանիմատոլոգներն այսօր առավել քան պահանջված են, և լրացուցիչ մասնագետների ներգրավման անհրաժեշտություն կա։

Ոլորտի պատասխանատուներն առաջարկել են ստեղծել ներհիվանդանոցային բազա և ըստ անհրաժեշտության ու պացիենտների կուտակումների՝ անեսթեզիոլոգ-ռեանիմատոլոգներին գործուղել կորոնավիրուսային հիվանդության բուժմամբ զբաղվող բժշկական հաստատություններ։

Ծառայության պատասխանատուներն առաջարկել են ստեղծել նաև մշտադիտարկում իրականացնող մասնագիտական խումբ, որը բժշկական կազմակերպություններում կուսումնասիրի բուժական գործընթացը, կիրառվող մեթոդները և այլն։

Քննարկվել է նաև հանրապետության առաջատար մասնագետների ներգրավմամբ կազմակերպել տեսակապով քննարկումներ, այդ թվում մասնագիտական խորհրդատվություններ և առանձին դեպքերով կոնսիլիումներ։

Նախարարը հավանության է արժանացրել առաջարկը և հանձնարարել է ձեռնարկել միջոցառումներ առաջիկայում իրագործելու համար։

Ամփոփելով հանդիպումը` որոշվել է ևս մեկ անգամ քննարկել արդեն իսկ հաստատված բուժման սկզբունքները, համապատասխանեցնել նոր մոտեցումներին՝ դիտարկելով բոլոր կողմերի մասնագիտական կարծիքները։

Թորոսյանը, կարևորելով մասնագետների հետ քննարկումը, հույս է հայտնել, որ այս ձևաչափով հանդիպումները շարունակական են լինելու։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 251-ով և հասել 8927–ի։ Այսօր գրանցվել է մահվան 7 դեպք։

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով լինեն։ Դիմակների առկայությունը պարտադիր է նաև բոլոր փակ տարածություններում։

Հիշեցնենք նաև, որ օրեր առաջ ԵՊԲՀ ռեկտոր, առողջապահության նախկին նախարար Արմեն Մուրադյանը Facebook-ում դիմել էր անեսթեզիոլոգիա և ռեանիմատոլոգիա մասնագիտությունն ընտրած կլինիկական օրդինատորներին։ Նրա խնդրանքն ու հորդորն էր միանալ այն բուժաշխատողներին, որոնք օր ու գիշեր պայքարում են նաև մեր երկրին պատուհասած կորոնավիրուսի համավարակի դեմ։

 

0
Կորոնավիրուսի թեստավորում

Մի քանի օրից ՀՀ–ում կսկսվի կորոնավիրուսն ախտորոշող թեստերի արտադրությունը. Փաշինյան

148
(Թարմացված է 19:00 30.05.2020)
Մոլեկուլային կենսաբանության ինստիտուտն ավարտել է լաբորատոր փորձաքննությունները և ԱՆ–ին է դիմել անկախ փորձարկումները կատարելու համար։

ԵՐԵՎԱՆ, 30 մայիսի – Sputnik. ՀՀ վարչապետ Նիկոլ Փաշինյանն այսօր պարետատան նիստից հետո կայացած ճեպազրույցի ընթացքում, անդրադառնալով լրատվամիջոցի այն հարցին, թե ինչու են նվազել թեստավորման քանակները և երբ պատրաստ կլինեն հայկական արտադրության առաջին թեստերը, պատասխանեց, որ թեստավորումներն անցկացվում են ըստ ցուցումների։

«Առողջապահության նախարարը կանոններ է սահմանել, թե որ դեպքում է պետք թեստավորել քաղաքացիներին, ուստի ամեն օր թեստավորվում են այն քաղաքացիներին, որոնց թեստավորելու անհրաժեշտություն է առաջանում։ Ինչ վերաբերվում է թեստերի արտադրությանը, ասեմ, որ Մոլեկուլային կենսաբանության ինստիտուտն ավարտել է լաբորատոր փորձաքննությունները և ԱՆ–ին է դիմել անկախ փորձարկումները կատարելու համար։ Առողջապահության նախարարությունը օրեր հետո այս գործընթացն ավարտին կհասցնի, որից հետո հնարավոր կլինի սկսել թեստերի արտադրությունը»,–ասաց Փաշինյանը։

Հիշեցնենք, որ Մոլեկուլային կենսաբանության ինստիտուտը պլանավորում է օրական նվազագույնը 1000, առավելագույնը 2000-3000 թեստ արտադրել։

Արդյունքում Հայաստանը կունենա ավելի մատչելի թեստեր, քան այն, որը ձեռք է բերում կառավարությունը։

Ծրագրի վրա աշխատել է մոտ 30 մարդ, որոնցից 10-ը` փորձարկումների վրա։ Երբ հերթը հասնի թեստերի արտադրությանը, ինստիտուտում կաշխատեն հերթափոխով։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 251-ով և հասել 8927–ի, գրանցվել է մահվան ևս 7 դեպք։

148
թեգերը:
թեստ, Նիկոլ Փաշինյան, կորոնավիրուս, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Հայաստանը կորոնավիրուսի ցուցանիշով մոտենում է Իտալիային. Փաշինյան
Կորոնավիրուսից մահացել է ԱԺ պատգամավորի հայրը
Ելենա Մալիշևան անդրադարձել է Փաշինյանի` կորոնավիրուսի 2-րդ ալիքի մասին հայտարարությանը