Վարազդատ Հակոբյանը նոր ռեկորդ է սահմանել. մարզիկը միջնամատով տեղաշարժել է բեռնատար վագոնը

194
(Թարմացված է 21:28 11.10.2019)
Ուժային եռամարտի կրկնակի չեմպիոնը նոր ռեկորդ է սահմանել։ Այս անգամ նա «Հարավկովկասյան երկաթուղի» Սևան կայարանում միջնամատով տեղաշարժել և 3 մետր քաշել է 23 տոննա քաշով բեռնատար վագոնը։

Ուժային եռամարտի փաուերլիֆթինգի աշխարհի կրկնակի չեմպիոն, «Դյուցազնագիրք» Հայաստանի ռեկորդների ու ռեկորդակիրների գրքի կրկնակի ռեկորդակիր, միջազգային կարգի սպորտի վարպետ Վարազդատ Հակոբյանը հոկտեմբերի 11-ին հերթական ռեկորդն է սահմանել:

Новый рекорд Дюцазнагирка зарегистрирован при содействии ЮКЖД
пресс-служба ЮКЖД
Վարազդատ Հակոբյանի նոր ռեկորդը

«Հարավկովկասյան երկաթուղի» Սևան կայարանում նա միջնամատով տեղաշարժել և 3 մետր քաշել է 23 տոննա քաշով բեռնատար վագոնը:

Ռեկորդի սահմանմանը և բոլոր պայմանների պահպանմանը հետևում է հատուկ հանձնաժողովը, որը և գրանցել է արդյունքը:

Նշենք, որ Հակոբյանը 2018 թվականին «Դյուցազնագրքում» գրանցվել է 260-կիլոգրամանոց ծանրաձողը պոկելու համար՝ սահմանելով եռամարտի նոր ռեկորդ՝ գերազանցելով իր նախորդ ռեկորդը՝ 250-կիլոգրամանոց արդյունքը։

2016 թվականին Վարազդատը ճանաչվել է եռամարտի ՀՀ առաջնության չեմպիոն, իսկ 2017-ին դարձել է կրկնակի չեմպիոն: 2017 թ-ի դեկտեմբերի 25-ին նա սահմանել էր եռամարտի ռեկորդ` տեղից պոկելով 250-կիլոգրամանոց ծանրաձողը:

194
թեգերը:
ռեկորդ, Վարազդատ Հակոբյան, չեմպիոն, Հայաստան

sys_stories