Փաշինյանն ու Քարդաշյանը

Քիմի մեմերը «հայկական» Facebook–ում. Փաշինյանի հետ լուսանկարը քչերին է անտարբեր թողել

338
(Թարմացված է 22:22 10.10.2019)
Համացանցում ակտիվ քննարկում են Քիմ և Քորթնի Քարդաշյանների հայաստանյան այցի լուսանկարները, իսկ առավել հնարամիտները մեմերի ֆլեշմոբ են կազմակերպել։

ԵՐԵՎԱՆ, 10 հոկտեմբերի — Sputnik. Քիմ և Քորթնի Քարդաշյանների հայաստանյան այցը մեծ իրարանցում առաջացրեց մամուլում և սոցիալական ցանցերում։ Լուսանկարները լույսի արագությամբ տարածվեցին Facebook–ում և Instagram–ում։

Օգտատերերն ակտիվորեն մեկնաբանեցին ու «լայքեցին» դրանք, բայց առավել հնարամիտ և ստեղծարար երկրպագուներն այդքանով չսահմանափակվեցին։ Քարդաշյան քույրերի այցն առիթ դարձավ, որ մեմեր ստեղծվեն, ընդ որում` այնքան շատ ու տարբեր, որ դա իսկական ֆլեշմոբի վերածվեց։

Ստեղծագործական գաղափարների համար խթան դարձան ՀՀ նախագահ Արմեն Սարգսյանի ու Քարդաշյան քույրերի լուսանկարները, ինչպես նաև Քիմի ու Նիկոլ Փաշինյանի սելֆին։

Օգտատերերն այդ կադրերն իրենց էջերում հրապարակեցին հումորային գրություններով։

Մեկը մեմ է հրապարակել, որում պատկերված են Արմեն Սարգսյանը, Քիմն ու Քորթնին։

«Էրեխեք ջան, հիմա գնում ենք ձոր` մառոժնի ուտելու», – գրել է նա։

Իսկ Փաշինյանի ու Քիմի լուսանկարից հետո համացանցում սկսեցին քննարկել վարչապետի կնոջ` Աննա Հակոբյանի խանդի թեման։

«Աննա, արխային, հլը որ նկարվում են», – գրել է օգտատերերից մեկը, իսկ մյուսն օգտագործել է «թավշյա հեղափոխության» հայտնի արտահայտություններից մեկը, որն ուղիղ եթերում հնչել էր հանրահավաքներից մեկի ժամանակ `«Իռա, մեկի կողմերը կգամ»։ Օգտատերն «Իռայի» փոխարեն գրել է «Աննա»։

Չեն անտեսել նաև կրթության նախկին նախարար Արմեն Աշոտյանին. նրա լուսանկարը (ինքնաթիռում քնած) տեղադրել են Փաշինյանի ու Քարդաշյանի լուսանկարի տակ` գրելով «Խանդից մեռե»։

Ամենայն հավանականությամբ, ֆլեշմոբը թեժ ընթացքի մեջ է, և օգտատերերը դեռ զվարճացնելու են իրենց սրամտությամբ ու հնարամտությամբ։

Քիմ Քարդաշյանը քրոջ` Քորթնի ու երեխաների հետ Հայաստան էր ժամանել հոկտեմբերի 6-ի ուշ երեկոյան։ Նրանց (բացի ավագ Նորթից) մկրտել էին Էջմիածնում։ Քիմը մասնակցել է WCIT համաժողովին, իսկ այդ ընթացքում Քորթնին երեխաների հետ զբոսնել է Երևանում և ճաշել ռեստորաններից մեկում, որտեղ հայերեն է խոսել անձնակազմի հետ։

Հոկտեմբերի 9-ին նրանք այցելել են Գառնի, ընդ որում, եղել են հայ դիզայներների կարած զգեստներով։ Քույրերն ընտրել են նաև հայկական բրենդներից մեկի զարդերը։ Քիմն ու Քորթնին Հայաստանում են նկարահանել Keep up with the Kardashians հեռուստաշոուի հերթական դրվագը։

338
թեմա:
Ամերիկահայ հեռուստաաստղ Քիմ Քարդաշյան (169)
Ըստ թեմայի
«Երբեք չեմ հանձնվի». Քարդաշյանը մտադիր է Թրամփի հետ քննարկել Ցեղասպանության ճանաչման հարցը
«Նորթը շատ լավն է». Սիրուշոն հետաքրքիր բացահայտում է արել Քիմ Քարդաշյանի դստեր մասին
Քարդաշյանը երեխաների հետ կարմիր վարդեր դրեց Ծիծեռնակաբերդի անմար կրակի մոտ. տեսանյութ
Քլոե Քարդաշյանը Հայաստան չի ժամանել, սակայն քույրերից «վրեժ է լուծել» զուտ հայկական ձևով
Քարդաշյան-Ուեսթ ընտանիքում համալրում սպասվո՞ւմ է. Քիմը` երեխա ունենալու մասին