Գումար

Շենգավիթի նախկին ղեկավարը տնտեսվարողներից խոշոր գումար է հավաքագրել և յուրացրել. տեսանյութ

121
(Թարմացված է 13:46 10.10.2019)
Վարչական շրջանի նախկին ղեկավարը տնտեսվարողներին և ռուսաստանաբնակ հայերին հավաստիացրել է, որ հավաքագրված գումարը հատկացնելու է ապրիլյան պատերազմի մասնակիցներին ֆինանսական աջակցություն ցուցաբերելու պատրվակով։

ԵՐԵՎԱՆ, 10 հոկտեմբերի – Sputnik. Երևանի Շենգավիթ վարչական շրջանի նախկին ղեկավարը, պաշտոնեական դիրքն օգտագործելով, վարչական շրջանի տարբեր տնտեսվարողներից, ինչպես և ռուսաստանաբնակ անձանցից հավաքագրել է ընդհանուր 9900 դոլարին համարժեք 4․752․000 դրամ՝ 2016 թվականի ապրիլյան պատերազմի մասնակիցներին ֆինանսական աջակցություն ցուցաբերելու պատրվակով։ Այս մասին հայտնում է ՀՀ ոստիկանությունը։

Ըստ քննությանը հայտնի տվյալների՝ վարչական շրջանի նախկին ղեկավարը հիշյալ ֆինանսական միջոցներով իր մտերիմների օգնությամբ ձեռք է բերել և Ռուսաստանից Հայաստան տեղափոխել «Վազ 2121» մակնիշի ավտոմեքենաներ, որոնցից մեկը նվիրաբերել է Շենգավիթ վարչական շրջանի ԵԿՄ տարածքային կազմակերպության նախագահին, իսկ մյուսը հաշվառելով իր վարորդի անվամբ յուրացման եղանակով հափշտակել։

Խոշոր չարաշահումներ Նոր Նորքում. ստիպել են հիմնադրամին ապօրինի գումար փոխանցել. տեսանյութ

Անձնական կարիքների համար օգտագործված մեքենան հայտնաբերվել է վարչական շրջանի նախկին ղեկավարի առանձնատան ավտոտնակում։
Դեպքի առթիվ ոստիկանությունում հարուցվել է քրեական գործ։

Սևանի հոգեբուժական հիվանդանոցում 50 մլն դրամի չարաշահումներ են հայտնաբերել

Նախաքննության ընթացքում նախկին պաշտոնյան վերականգնել է պատճառված վնասը։ Քննությունը շարունակվում է։

121
թեգերը:
Ապրիլյան քառօրյա պատերազմ, տեսանյութ, համայնքի ղեկավար, Հայաստան
Ըստ թեմայի
Չինացի տղամարդը կեղծ հարսանիք է կազմակերպել` խաբելով հյուրերին ու «հարսնացուին»
«Սեքյուրիթի դրիմի» հիմնադիրը 20 միլիոն դրամ գրավի դիմաց ազատ է արձակվել
Այգեկ գյուղի դպրոցի տնօրենն ավելի քան 10 մլն դրամ է յուրացրել դպրոցի բյուջեից. տեսանյութ
«Տնային պայմաններում միայնակ տարեցների սոցսպասարկման կենտրոնի» տնօրենը գումար է յուրացրել