Կառլ Մարկգրեֆ

Հայ ծրագրավորողները կօգնեն կառավարել «իրերի ինտերնետը». TeamViewer–ի մենեջեր

66
(Թարմացված է 23:33 09.10.2019)
Հայաստանում ծրագրեր են մշակում հեռավորության վրա տեխնիկայի հսկողության համար. այս ուղղությամբ աշխատանքներ են տարվում այս ոլորտի համաշխարհային մշակողներից մեկի համար։

ԵՐԵՎԱՆ, 9 հոկտեմբերի — Sputnik. TeamViewer–ի հայկական գրասենյակը նոր լուծումներ կմշակի «իրերի ինտերնետում» սարքերի հսկողության համար։ Այդ մասին Sputnik Արմենիայի հետ հարցազրույցում հայտարարեց TeamViewer գերմանական ընկերության տեղեկատվական տնօրեն Կառլ Մարկգրոֆը, որը Երևանում մասնակցում էր WCIT-2019 համաժողովին։

Ընկերությունը մշակել է համակարգիչները և այլ գաջեթները տարածության վրա կառավարելու հայտնի ծրագիրը։ Անհրաժեշտության դեպքում մի օգտատերը մյուսին ուղարկում է անհրաժեշտ գաղտնագիրը, որով թույլ է տալիս մուտք գործել իր համակարգիչ։

Գերմանական կենտրոնակայանից հետո ընկերության մեծությամբ երկրորդ գրասենյակը գործում է Հայաստանում։ Այստեղ ծրագրեր են կազմում իրերի ինտերնետի համար  (Internet of things, IoT), որն առաջիկա 10-20 տարիներին փոխելու է մարդկանց կյանքը։

Ականորսիչ ու կախարդական հայելի. DigiTec Expo–ն կօգնի հատուկջոկատայինին և գեղեցկուհուն

Աստիճանաբար համացանցին պատրաստվում են միացնել ոչ միայն համակարգիչները կամ սմարթֆոնները, այլ նաև ավտոմեքենաները, կենցաղային տեխնիկան և այլն։ Դա թույլ կտա տարածության վրա վերահսկել այդ օբյեկտները։ Նման համակարգեր զարգանում են նաև հիմա. Օրինակ` ջերմոցների կառավարում, հեռվից տան հսկողություն և այլն։

Հայաստանում էլ խուրմա կա. հայ մասնագետների նոր համակարգը կօգնի գյուղացիներին

Առաջիկա տարիներին համացանցին կմիանան նոր սարքեր, և շատ կարևոր է, որպեսզի դրանց տերերը կարողանան հուսալի և անվտանգ կերպով կառավարել դրանք։

«Դրա համար մենք կազմում ենք նոր ծրագրեր, իսկ դրանց որակը կախված կլինի Հայաստանի մասնագետներից։ Նրանք հիանալի են աշխատում. մեր գրասենյակն արդեն բավական մեծ է, բայց մենք ընդունում ենք նոր մարդկանց», – հավելեց Մարկգրաֆը։

Հայաստանում շատ կան լավ ծրագրավորողներ, բայց դրա հետ մեկտեղ աճում է նաև աշխատաշուկայում մրցակցությունը։ Մարկգրաֆի խոսքով` նրանց աշխատանքի որակը արժանի է մրցակցության։

66
թեգերը:
WCIT 2019, Ստարտափ, ՏՏ, հայեր, հայ, Հայաստան
Ըստ թեմայի
Մակնիշը՝ HOME-MADE, կամ ինչպես Ջրվեժում մաթեմատիկայի ուսուցիչը «մուտանտ» մեքենա ստեղծեց
«Սինոփսիսը» մտադիր է ՀՀ–ում ընդլայնել գործունեությունը. վարչապետը Սիլիկոնյան հովտում է
Հայաստանում սկսել են ստեղծել հեռանկարային նոր սարքի` FPGA–ի դիզայնը
«Սինգապուրյան հրաշքի» գաղտնիքը. ինչպես մեր երկիրը պետք է հայաֆիկացնի այն