Քիմ Քարդաշյան

Քարդաշյան քույրերը «թիթիզանում են» հայկական հագուստով ու զարդերով. լուսանկարներ

7507
(Թարմացված է 16:22 09.10.2019)
Ամերիկահայ հեռուստաաստղն ու նրա քույրը գովազդում են հայկական ապրանքանիշները: Հայաստանյան կադրերը շուտով կհայտնվեն «Keep Up With The Kardashians» շոուի հերթական էպիզոդում:

ԵՐԵՎԱՆ, 9 հոկտեմբերի – Sputnik. Ամերիկյան Keeping Up With the Kardashians ռեալիթի շոուի աստղ Քիմ Քարդաշյանն ու քույրը՝ Քորթնի Քարդաշյանն այսօր Գառնի են մեկնել հայ դիզայներ Մանե Խաչատրյանի հեղինակած հագուստով ու երգչուհի Սիրուշոյի ապրանքանիշի զարդերով:

Քիմը նույնպես մկրտվել է Էջմիածնում և եկեղեցական անուն ստացել. քավորը մանրամասներ է պատմում

Խաչատրյանն Instagram-ում Քորթնի Քարդաշյանի հետ լուսանկարներ է հրապարակել , որոնցից կարելի է եզրակացնել` դիզայներն իր հավաքածուի որոշ նմուշներ նվիրել է Քարդաշյան քույրերին:

Instagram Story of The Muse Fashion Studio
Մանե Խաչատրյանի հրապարակած լուսանկարը
Լուսանկարներից մեկը Մանեն մակագրել է. «Հատուկ Քորթնի ջանի համար»:

Դիզայները մեկ այլ լուսանկար էլ է հրապարակել ու գրել. «Գրողը տանի, այո։ Քորթնի Քարդաշյանը THE MUSE է կրում»:

Instagram Story of The Muse Fashion Studio
Մանե Խաչատրյանի հրապարակած լուսանկարը
Sputnik Արմենիայի տեղեկություններով` աստղային քույրերը Գառնիում կադրեր են նկարահանում «Keep Up With The Kardashians» շոուի հերթական էպիզոդի համար։

Քիմ Քարդաշյանի քույրը հայերեն է խոսել ռեստորանում

Մեր լուսանկարիչը նկարել է Քիմ Քարդաշյանին, և լուսանկարում երևում է, որ նրա պարանոցը զարդարում է Սիրուշոյի «Պռե գոմեշ» ապրանքանիշի արծաթյա վզնոցներից մեկը:

  • Քիմ Քարդաշյանը Գառնիի ճանապարհին
    Քիմ Քարդաշյանը Գառնիի ճանապարհին
    © Sputnik / Asatur Yesayants
  • Քիմ Քարդաշյանը Գառնիի ճանապարհին
    Քիմ Քարդաշյանը Գառնիի ճանապարհին
    © Sputnik / Asatur Yesayants
  • Քիմ Քարդաշյանը Գառնիի ճանապարհին
    Քիմ Քարդաշյանը Գառնիի ճանապարհին
    © Sputnik / Asatur Yesayants
1 / 3
© Sputnik / Asatur Yesayants
Քիմ Քարդաշյանը Գառնիի ճանապարհին

Հիշեցնենք, որ համաշխարհային հեռուստախաղ Քիմ Քարդաշյանը, քույրը՝ Քորթնին, և նրանց երեխաները Հայաստան են ժամանել հոկտեմբերի 6-ին։ Քիմ Քարդաշյանի երևանյան այցելության նպատակը WCIT 2019–-ին մասնակցությունն է։ Հոկտեմբերի 6-9–ն անցկացվող ՏԱՏ համաշխարհային համաժողովին Քիմ Քարդաշյանը հրավիրված է որպես հատուկ զեկուցող և մոդերատոր։ Այս ընթացքում Քիմն ու Քորթնին արդեն հասցրել են Էջմիածնում մկրտել իրենց երեխաներին, Քիմն էլ հայտարարել է, որ ԱՄՆ է մեկնելու նոր բիզնես գաղափարներով։

7507
թեգերը:
Սիրուշո, հագուստ, Քիմ Քարդաշյան, Հայաստան
թեմա:
Ամերիկահայ հեռուստաաստղ Քիմ Քարդաշյան (212)
Ըստ թեմայի
«Դուք դեռ ամուսնուս չգիտեք». Քարդաշյանը պատմել է Քանյե Ուեսթի պերֆեկցիոնիզմի մասին
Քարդաշյանը երեխաների հետ կարմիր վարդեր դրեց Ծիծեռնակաբերդի անմար կրակի մոտ. տեսանյութ
ՏՏ ֆորումից մինչև Ծիծեռնակաբերդ․ Քիմ Քարդաշյանի երևանյան այցի երկրորդ օրը՝ լուսանկարներով
Բաստուրմա–սուջուխ և թանկարժեք կոսմետիկա. Քիմ Քարդաշյանի դիմահարդարը զբոսնել է Երևանում
Արմեն Սարգսյանը հյուրընկալել է Քարդաշյան քույրերին. լուսանկարներ
Լոռի, ստուգայցեր

Ալավերդիում և Ստեփանավանում խախտումները շատացել են. ստուգայցերի արդյունքները

12
(Թարմացված է 18:34 28.10.2020)
Խախտումներ արձանագրելու դեպքում տեսուչներն իրականացնում են բացատրական աշխատանք, տրամադրում խորհրդատվություն, կազմվում է արձանագրություն։

ԵՐԵՎԱՆ, 28 հոկտեմբերի — Sputnik. ՀՀ առողջապահական և աշխատանքի տեսչական մարմնի աշխատակիցները շուրջ 4 տասնյակ ստուգայցեր են իրականացրել Ալավերդիում և Ստեփանավանում և արձանագրել են, որ խախտումները շատացել են։

«Բանկեր, ֆինանսական կազմակերպություններ, մանր ու միջին առևտրի կետեր, դեղատներ, գեղեցկության սրահներ և վարսավիրանոցներ․ ԱԱՏՄ ստուգայցերն այս ոլորտներում գործող տնտեսավարողների մոտ այսօր արձանագրել են հակահամաճարակային նորմերի պահպանման թերություններ։ Ռազմական դրության շրջանում տնտեսավարողների կողմից նկատվում է կանոնների պահպանման հանդեպ զգոնության թուլացում»,–ասված է հաղորդագրության մեջ։

Տեղեկացվում է, որ հաճախակի են ժամը 10:00-12:00 միայն կենսաթոշակային տարիքի անձանց սպասարկելու վերաբերյալ առողջապահության նախարարի 17-ն որոշման կետ ի խախտումները․ տնտեսավարողների մի մասը թյուրիմացաբար կարծում է, թե այս նորմն ուժը կորցրել է։

Երբեմն թերի են լրացվում ջերմաչափման և ախտահանման աշխատանքների գրանցամատյանները, իսկ որոշ տնտեսավարողների մոտ նշանակված չի լինում վարակի տարածման կանխարգելման պատասխանատու աշխատակից։

Պատերազմն ու կորոնավիրուսը. ՀՀ առողջապահության նախարարությունը պատասխանել է քննադատությանը

«Խախտումներ արձանագրելու դեպքում տեսուչներն իրականացնում են բացատրական աշխատանք, տրամադրում խորհրդատվություն, որոշ թերություններ տեղում շտկվում են: Խախտումների արձանագրման դեպքում կազմվում է արձանագրություն»,–ասված է հաղորդագրության մեջ։

Կորոնավիրուսի (COVID-19) տարածումը կանխելու նպատակով ՀՀ ԱԱՏՄ-ն կրկին հիշեցնում է՝ սահմանված անվտանգության նորմերը ենթակա են պարտադիր կատարման, այլապես կկիրառվի վարչական պատասխանատվության միջոցներ։

Նշենք, որ վերջին մեկ օրվա ընթացքում Հայաստանում գրացվել է կորոնավիրուսի 2241 նոր դեպք։ Ընդհանուր վարակվածների թիվը 82651 է։

12
թեգերը:
ստուգումներ, ՀՀ առողջապահական և աշխատանքի տեսչական մարմին (ԱԱՏՄ), համաճարակ, կորոնավիրուս, Ստեփանավան, Ալավերդի
Ըստ թեմայի
COVID-19-ով հիվանդ 186 մարդու համար Հայաստանի հիվանդանոցներում տեղ չկա
Վրաստանում COVID-19-ի ցուցանիշների ռեկորդային աճ է գրանցվել
«Մեր ռազմական պլաններում այս վիճակին համակերպվել չկա». Արծրուն Հովհաննիսյան
Բուժաշխատողներ

Պատերազմն ու կորոնավիրուսը. ՀՀ առողջապահության նախարարությունը պատասխանել է քննադատությանը

85
(Թարմացված է 14:14 28.10.2020)
Առողջապահության նախարարությունը հիշեցնում է, որ արցախյան պատերազմը լրջորեն բարդացրել է բժիշկների և առողջապահության բոլոր համակարգերի աշխատանքը, դրան է գումարվել նաև համավարակը։

ԵՐԵՎԱՆ, 28 հոկտեմբերի – Sputnik. Հայաստանի առողջապահության նախարարությունը հայտարարություն է տարածել` հորդորելով հարգանքով վերաբերվել գերատեսչության աշխատանքին կորոնավիրուսի համավարակի և Արցախում ընթացող պատերազմի պայմաններում:

Հայտարարության պատճառ է դարձել «Ժողովուրդ» օրաթերթի այսօրվա հրապարակումը, որում մասնավորապես գրված է. «Արսեն Թորոսյանը կարծես թե զարմացել է, որ գոյություն ունի կորոնավիրուսի երկրորդ ալիք, և միայն հիմա են որոշել մահճակալներ ավելացնել այն դեպքում, երբ այժմ բժշկական կենտրոնները պետք է օգնեն վիրավոր զինվորներին: Նկատենք, որ բժշկական հաստատություններից շատերը կրկին վերապրոֆիլավորվել էին և դարձել էին սովորական հաստատություններ, այլ ոչ թե սպասարկում էին միայն կորոնավիրուսով հիվանդներին։ Ստացվում է՝ վարակի նահանջի «ոսկե ժամանակը» չօգտագործվեց 2-րդ ալիքին պատրաստվելու համար»:

Առողջապահության նախարարությունը նշում է, որ երբ կորոնավիրուսային հիվանդության դեպքերը սկսեցին նվազել, այլևս կարիք չկար դատարկ մահճակալներով հիվանդանոցներ առանձնացրած պահելու, հատկապես, որ վերջիններս պետք է սպասարկեն նաև ընթացիկ խնդիրներ ունեցող պացիենտներին:

«Բնականաբար, ինչպես աշխարհում, այնպես էլ Հայաստանում, չբացառելով աշնանը հիվանդության աշխուժացման և 2-րդ ալիքով պայմանավորված տարածման հավանականությունը, առողջապահական համակարգը լիովին պատրաստ էր պահի անհրաժեշտությամբ վերապրոֆիլավորելու բժշկական կենտրոնները, ինչը սահուն արվում է դեպքերի աճին համահունչ: Չմոռանանք, որ կորոնավիրուսային հիվանդության թվերի աճին մեծապես նպաստել է պատերազմի անհանգստության ներքո մեր հայրենակիցների «անհնազանդությունը»` համաճարակաբանական կանոններին չհետևելը:

Մի դիտարկում, գուցե՞ «Ժողովուրդ» օրաթերթն ավելի վաղ էր տեղեկացվել հնարավոր պատերազմի մասին և կարո՞ղ էր «ոսկե ժամանակն» օգտագործել մարտահրավերին պատրաստվելուն»,– գրված է նախարարության հայտարարության մեջ:

Գերատեսչությունը հորդորում է մեղադրանքներ հնչեցնելուց առաջ հիշել, որ հիմա համակարգը պայքարում է 3 ուղղությամբ. 1)տեղափոխում և բժշկական օգնություն է տրամադրում վիրավորներին, 2) կորոնավիրուսային հիվանդությունը վերջին մեկ ամսում արհամարհած, կանոններին չհետևած կամ վերջիններիս պատճառով վարակված քաղաքացիներին բուժօգնություն է ցուցաբերում, 3) այլ հիվանդությունների հետևանքով անհետաձգելի և վերակենդանացման միջոցառումներ պահանջող դեպքերի բուժօգնության տրամադրում:

«Հասկանալի է, որ աշխարհի մեղքերը կարելի է բարդել առողջապահական համակարգի` ի դեմս ոլորտի պատասխանատուի վրա, սակայն կոչ ենք անում տարրական հարգանք ունենալ ռազմական դրության ժամանակ զօրուգիշեր, անխոնջ աշխատող հանրության հանդեպ: Արվում է անհնարինը` դիմակայելու վերը նշված այս մարտահրավերներին, իսկ հասարակությունից պահանջվում է ընդամենը հետևել կոչերին և պահպանել հակահամաճարակային կանոնները. բժիշկն այսօր առավել քան պետք է զինվորին»,– եզրափակում է նախարարությունը:

Հիշեցնենք` Հայաստանում կորոնավիրուսով վարակվածների թիվն արդեն հասել է 82651–ի։

85
թեգերը:
Պատերազմ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Ինչպես պարզել` անախտանիշ վարակակիր եք, թե ոչ. բժիշկը` կորոնավիրուսի մասին
ՊԵԿ սպասարկման բաժիններից մեկը փակվել է. պատճառը կորոնավիրուսն է
Ռեսուրսներն ավելացվում են, բայց դրանք անսահմանափակ չեն. կորոնավիրուսի թվերը մտահոգիչ են
Ստեփանակերտի ծննդատունն ադրբեջանական հրթիռակոծությունից հետո

Արցախում Ադրբեջանի թիրախը ժողովուրդն է՝ նորածիններ, մայրեր, տարեցներ. ԱԳՆ

0
ՀՀ արտաքին գործերի նախարարությունը հայտարարություն է տարածել` անդրադառնալով Շուշիի և Ստեփանակերտի հրթիռակոծությանը։

ԵՐԵՎԱՆ, 28 հոկտեմբերի - Sputnik. ՀՀ արտաքին գործերի նախարարությունը տեղեկացնում է, որ պատերազմական հանցագործությունը հստակորեն ցույց է տալիս, որ Արցախում Ադրբեջանի թիրախը ժողովուրդն է՝ նորածիններ, մայրեր, տարեցներ: Facebook սոցցանցի իր էջում հայտնել է ՀՀ ԱԳՆ խոսնակ Աննա Նաղդալյանը։

«Արցախում կյանքը սպանելու Ադրբեջանի ռազմաքաղաքական ղեկավարության փորձերը ձախողվելու են, իսկ դրանց կազմակերպիչները ենթարկվելու են պատասխանատվության»,– գրել է Նաղդալյանը։

Նշենք, որ այսօր Ադրբեջանի զինված ուժերն օրվա ընթացքում բազմաթիվ անգամ ռմբահարել և հրթիռակոծել են Արցախի Հանրապետության մայրաքաղաք Ստեփանակերտը և մեծությամբ երկրորդ քաղաք Շուշին։ Հարվածներ են հասցվել քաղաքի բնակելի թաղամասերին և քաղաքացիական ենթակառուցվածքներին, այդ թվում՝ Ստեփանակերտի ծննդատանը: Խաղաղ բնակչության շրջանում կան զոհեր և վիրավորներ:

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1068 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 223 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 618 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեմա:
Ադրբեջանական ագրեսիան Արցախում - 2020