Քիմ Քարդաշյան

Քիմին Երևանում ողողել են նվերներով. նա շնորհակալություն է հայտնել հայ դիզայներներին

418
(Թարմացված է 14:37 09.10.2019)
Քիմ Քարդաշյանը հիացած է հայ դիզայներների նվերներով. տպավորությունների մասին նա պատմել է Instagram–ի իր էջում։

ԵՐԵՎԱՆ, 9 հոկտեմբերի — Sputnik. Երևանում ամերիկահայ հեռուստաաստղ Քիմ Քարդաշյանին երկրպագուները բազմաթիվ նվերներ են ընծայել։ Նա շտապել է գլուխ գովել ստացած ընծաների համար և դրանք ցուցադրել է Instagram–ի իր էջում։

  • Քիմ Քարդաշյանի Սթորիզում հրապարակած լուսանկարը
    Քիմ Քարդաշյանի Սթորիզում հրապարակած լուսանկարը
    © Photo : by instagram Kim Kardashyan
  • Քիմ Քարդաշյանի Սթորիզում հրապարակած լուսանկարը
    Քիմ Քարդաշյանի Սթորիզում հրապարակած լուսանկարը
    © Photo : by instagram Kim Kardashyan
  • Քիմ Քարդաշյանի Սթորիզում հրապարակած լուսանկարը
    Քիմ Քարդաշյանի Սթորիզում հրապարակած լուսանկարը
    © Photo : by instagram Kim Kardashyan
1 / 3
© Photo : by instagram Kim Kardashyan
Քիմ Քարդաշյանի Սթորիզում հրապարակած լուսանկարը

«Այստեղ շատ հետաքրքիր դիզայներական աշխատանքներ կան` անուշաբույր օճառ, զարդեր և ոչ միայն։ Շնորհակալություն բոլորին», – տեսանյութում ասել է նա։

Տեսանյութում երևում է, որ հայ դիզայներները Քիմին ուղարկել են մետաքսյա շարֆեր, հայոց այբուբենի տառերով պայուսակներ, զարդեր, ծաղիկներ և այլ նվերներ։

Քարդաշյանի հյուրանոցի դռների մոտ գիշեր–ցերեկ կանգնած են հայ երկրպագուներ։ Նրանցից շատերը ցանկանում են նվերներ հանձնել հեռուստադասերին։ Կան մարդիկ, որոնք ուզում են լուսանկարվել կամ ինքնագիր վերցնել։ Բայց ոչ բոլորին է հաջողվում նպատակին հասնել, քանի որ աստղի օրակարգը խիստ հագեցած է։

Հիշեցնենք, որ համաշխարհային հեռուստախաղ Քիմ Քարդաշյանը, քույրը՝ Քորթնին, և նրանց երեխաները Հայաստան են ժամանել հոկտեմբերի 6-ին։ Քիմ Քարդաշյանի երևանյան այցելության նպատակը WCIT 2019–-ին մասնակցությունն է։ Հոկտեմբերի 6-9–ն անցկացվող ՏԱՏ համաշխարհային համաժողովին Քիմ Քարդաշյանը հրավիրված է որպես հատուկ զեկուցող և մոդերատոր։

Արմեն Սարգսյանը հյուրընկալել է Քարդաշյան քույրերին. լուսանկարներ

Այս ընթացքում Քիմն ու Քորթնին արդեն հասցրել են Էջմիածնում մկրտել իրենց երեխաներին, Քիմն էլ հայտարարել է, որ ԱՄՆ է մեկնելու նոր բիզնես գաղափարներով։

418
թեգերը:
դիզայներ, հայեր, հայ, հուշանվեր, Քիմ Քարդաշյան, Հայաստան
Ըստ թեմայի
ՏՏ ֆորումից մինչև Ծիծեռնակաբերդ․ Քիմ Քարդաշյանի երևանյան այցի երկրորդ օրը՝ լուսանկարներով
«Նորթը շատ լավն է». Սիրուշոն հետաքրքիր բացահայտում է արել Քիմ Քարդաշյանի դստեր մասին
Բաստուրմա–սուջուխ և թանկարժեք կոսմետիկա. Քիմ Քարդաշյանի դիմահարդարը զբոսնել է Երևանում
Քիմ Քարդաշյանի քույրը հայերեն է խոսել ռեստորանում
Արխիվային լուսանկար

1–5 մլն դրամ. պետությունն աջակցություն կտրամադրի զոհերի ընտանիքներին ու հաշմանդամներին

4
(Թարմացված է 11:26 03.12.2020)
Կառավարության որոշմամբ սահմանված աջակցության տրամադրման կարգը կներկայացվի մինչև 2020 թվականի դեկտեմբերի 9-ը:

ԵՐԵՎԱՆ, 3 դեկտեմբերի – Sputnik. Արցախյան պատերազմական գործողությունների հետևանքով զոհված ու հաշմանդամություն ձեռք բերած քաղաքացիական անձինք ու նրանց ընտանիքները ևս պետությունից ֆինանսական աջակցություն կստանան: Այս մասին այսօր կառավարության նիստում հայտարարեց ՀՀ աշխատանքի և սոցիալական հարցերի նախարար Մեսրոպ Առաքելյանը՝ ներկայացնելով համապատասխան որոշման նախագիծը:

Նրա խոսքով՝ որոշմամբ սահմանված աջակցության տրամադրման կարգը կներկայացվի մինչև 2020 թվականի դեկտեմբերի 9-ը:
Իսկ չափերն արդեն հատնի են:

Որոշման համաձայն` առաջին խմբի հաշմանդամություն ձեռք բերած անձինք կստանան՝ 3.000.000, երկրորդ խմբի հաշմանդամություն ձեռք բերածները՝ 2.000.000, երրորդ խմբի հաշմանդամություն ձեռք բերած անձինք՝ 1.000.000 ՀՀ դրամ աջակցություն: Հաշմանդամ երեխաներին կտրվի 3.000.000 ՀՀ դրամ, զոհված քաղաքացիական անձանց ընտանիքներին՝ 5.000.000 ՀՀ դրամ:

«Հիշեցնեմ, որ զինծառայողների պարագայում հարցը կարգավորվում է զինծառայողների հիմնադրամի միջոցով: Մենք ամիսների առաջ նման կարգավորում ունեցանք այս որոշմաը համարժեք՝ սահմանամերձ գյուղերում տեղի ունեցող դեպքերի համար: Իսկ հիմա, փաստորեն, կարգավորում ենք տալիս նաև այս հարցին»,- նախագծի քաննարկման ժամանակ ասաց ՀՀ վարչապետ Նիկոլ Փաշինյանը:

Քննարկումից հետո որոշումն ընդունվեց:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Համացանցում լուր տարածվեց, որ հայկական կողմն ունի 4750 զոհ ու անհետ կորած։  ՀՀ առողջապահության նախարար Արսեն Թորոսյանը նոյեմբերի 18-ին ԱԺ–ում լրագրողներին հայտնեց, որ պատերազմի առաջին օրվանից մինչև նոյեմբերի 17-ի երեկոյան պաշտոնապես հաստատված զոհված զինծառայողների թիվը 2425 է։ 

Դեկտեմբերի 2-ի տվյալներով՝ Արցախի ՊԲ-ն հրապարակել է 1746 զոհվածների անունները։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։ 

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

4
թեմա:
Իրադրությունը Հայաստանում և Արցախում հայտարարության ստորագրումից հետո
Կրկես

Երևանը հաջորդ տարի էլ կրկես չի ունենա. շինարարության ավարտը դարձյալ հետաձգվեց

14
Երևանյան կրկեսի շենքի շինարարական աշխատանքներն ի սկզբանե նախատեսված էր ավարտել 2015թ-ի դեկտեմբերի 31-ին: Բայց ամեն տարի նոր որոշումներով այդ ժամկետը հետաձգվում է:

ԵՐԵՎԱՆ, 3 դեկտեմբերի – Sputnik. Երևանի կրկեսն այս տարի էլ չավարտեց շինարարությունը: ՀՀ կառավարության այսօրվա նիստում որոշվեց «Երևանյան կրկես» սահմանափակ պատասխանատվությամբ ընկերությանը ներել պայմանագրով ստանձնած 7.200.000 դրամի ներդրումային պարտավորությունների չկատարումը:

Փոխարենն ընկերությունը նոր պարտավորություն է ստանձնում շենքի շինարարական աշխատանքները այս տարվա փոխարեն ամբողջությամբ ավարտել 2021 թվականի դեկտեմբերի 31-ին:

Կառավարության որոշումն ընդունվեց առանց քննարկման ու զեկուցման, միաձայն:

Այսպիսով, Երևանի կրկեսի նոր շենքի շինարարությունը կարժենա ընդհանուր 6 միլիարդ ՀՀ դրամ:

Շինարարական աշխատանքների ավարտից հետո, մեկ տարվա ընթացքում կրկեսի ղեկավարությունը պետք է աշխատանքային պայմանագրեր կնքի 30 աշխատակիցների հետ՝ պայմանագրերի կնքելու պահին սահմանված նվազագույն աշխատավարձի չափով։

Հիշեցնենք, որ կրկեսի շենքի շինարարական աշխատանքներն ի սկզբանե նախատեսված էր ավարտել 2015թ-ի դեկտեմբերի 31-ին: Իսկ 2016թ-ին կրկեսը պետք է աշխատողների հետ պայմանագրեր կնքեր:

«Ինձ լավ ծեծում էին, բայց ես մնացի կրկեսում». բացառիկ հարցազրույց Միխայիլ Բաղդասարովի հետ

Բայց շինաշխատանքներն այդպես էլ չավարտվեցին, ու ամեն տարի կառավարությունը նոր որոշումներով ստիպված հետաձգում է դրանց ավարտը՝ ևս մեկ տարով:

14
թեգերը:
Ներդրում, ՀՀ կառավարություն, Երևան, կրկես
Ըստ թեմայի
Երբ կբացվի Երևանի կրկեսը, և ինչ կապ ունի դրա հետ կորոնավիրուսը
Կորոնավիրուսի պատճառով Երևանում ուկրաինական ջրային կրկեսի շոու ծրագիրը կհետաձգվի
Երևանի կրկեսին հարակից պուրակն անվանակոչվեց Լեոնիդ Ենգիբարյանի անունով