«Չեք կարող, հայերեն սովորեք». երևանցի Լիանան օգտակար խորհուրդ է տվել Գալկինին
ԵՐԵՎԱՆ, 8 հոկտեմբերի — Sputnik. Երևանաբնակ թավջութակահար Լիանա Ուլիխանյանը իր ելույթով նվաճել է բազմահազարանոց հանդիսատեսին: Նա ելույթ է ունեցել Ռուսաստանի Առաջին ալիքով հեռարձակվող Մաքսիմ Գալկինի «Лучше всех» ծրագրի ժամանակ։
Հոր ու դստեր «լոգարանային» ջերմ դուետը հիացրել է մարդկանց. տեսանյութ
8-ամյա աղջիկն աչքի է ընկել ոչ միայն իր երաժշտական վարպետությամբ, այլ նաև հարցազրույց վարելու զվարճալի ունակությամբ։
Չամաչելով մարդկանցից ու տեսախցիկներից` Լիանան զրույցի է բռնվում հաղորդավարի հետ, որը աղջկա` հայկական ակցենտով կոլորիտային ռուսերենից տեղ–տեղ կորցնում է խոսելու կարողությունը։
«Երբ փոքր էի, ինձ շատ դուր էին գալիս մեծ երաժշտական գործիքները և ես մշտապես մայրիկիս ասում էի, որ թավջութակ եմ ուզում», – պատմել է Լիանան։
Մաքսիմ Գալկինն անզգուշորեն հետաքրքրվել է, թե այդ գործիքն ինչպես է կոչվում հայերեն, Լիանան ասել է, որ այն կոչվում է թավջութակ, բայց ինքն ասում է «թավդուչակ»։
Հաղորդավարը նշում է, որ հայերեն չիմացող մարդու համար չափազանց դժվար է ըմբռնել տարբերությունը։ Լիանային Գալկինի փաստարկը համոզիչ չի թվում և խորհուրդ է տալիս հայերեն սովորել։
«Չեք կարող, հայերեն սովորեք»,- ասում է աղջնակը։
Հարցին, թե հայտնի թավջութակահարներից ում գիտի, աղջիկը նշում է` Ժակին Դյու Պրեի, Նարեկ Հախնազարյանի և Սևակ Ավանեսյանի անունները։
«Նորթը շատ լավն է». Սիրուշոն հետաքրքիր բացահայտում է արել Քիմ Քարդաշյանի դստեր մասին
Հետո աղջիկը հաղորդում է, որ երազում է դառնալ հիանալի թավջութակահար, որի մասին «ամբողջ տիեզերքը կիմանա»։
Ծրագրի վերջում Լիանան նվագում է նվագախմբի հետ` հայտնի դաշնակահար և դիրիժոր Սերգեյ Ժիլինի ղեկավարությամբ։
թեգերը:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։