Ալեքսիս Օհանյան

Օհանյանը խոստացավ վերադառնալ կնոջ հետ. երեխային մկրտելու հարցը դեռ կքննարկեն

172
(Թարմացված է 19:38 08.10.2019)
Ամերիկահայ միլիոնատերն իր «Առանց թույլատվության» գրքի հայերեն թարգմանության շնորհանդեսի ժամանակ Երևանում պատասխանել է նաև ընտանիքին վերաբերող որոշ հարցերի։

ԵՐԵՎԱՆ, 8 հոկտեմբերի — Sputnik. Reddit կայքի և Initialized Capital վենչուրային ընկերության համահիմնադիր Ալեքսիս Օհանյանը «Առանց թույլատվության» գիրքը գրել է, որպեսզի պատասխանի իրեն հաճախ տրվող հարցին։ Նա այդ մասին ասաց այսօր Երևանում «Առանց թույլատվության» գրքի հայերեն թարգմանության շնորհանդեսի ժամանակ լրագրողների հետ զրույցում։

«Երիտասարդ գործարարներից շատերն ինձ հարցնում էին` որն է իմ հաջողության գաղտնիքը։ Բոլորի հարցերին պատասխանելու փոխարեն ես որոշեցի մեկ գիրք գրել»,– ասաց նա` նշելով, որ գիրքը գրվել է 1 շաբաթվա ընթացքում, երբ մեկ շաբաթ կարողացել է հրաժարվել համացանցից։

Գրքի վերնագիրը ծագել է այն բանից հետո, երբ Օհանյանն իր նախաձեռնությունները կյանքի է կոչել առցանց` առանց թույլտվությունների։

“Без разрешения” – презентация книги Алексиса Оганяна (8 октября 2019). Еревaн
© Sputnik / Aram Nersesyan
«Առանց թույլատվության» գրքի շնորհանդեսը Երևանում

«Ուզում եմ, որ սա հզորացնի այլոց, թև ու թիկունք տա, վստահություն առ այն, որ շատ քայլեր կարելի է անել առանց ուրիշների թույլտվություններին սպասելու։ Համացանցը և առցանց գործիքներն այդ հնարավորությունն այսօր ձեզ համար ստեղծում են»,– ասաց Օհանյանը։

Հայազգի գործարարը նշեց, որ միայն մի քանի օրով է ժամանել Հայաստան, որից հետո մեկնելու է ԱՄՆ` քրոջ հարսանիքին մասնակցելու։

Պատասխանելով Sputnik Արմենիայի հարցին` Ալեքսիս Օհանյանը չբացառեց, որ հաջորդ անգամ Հայաստան կգա կնոջ` Սերենա Ուիլյամսի հետ։ Այս անգամ նրա զբաղվածությունը թույլ չի տվել։

Алексис Оганян на форуме WCIT 2019 (8 октября 2019). Ереван
© Sputnik / Aram Nersesyan
Ալեքսիս Օհանյան

Օհանյանը չբացառեց, որ հետևելով Քիմ Քարդաշյանի օրինակին` կդիտարկի նաև դստերը Հայաստանում մկրտելու տարբերակը։

Հիշեցնենք` 2016 թվականի դեկտեմբերի 10-ին տեղի էր ունեցել Ալեքսիս Օհանյանի նշանադրությունը թենիսիստուհի Սերենա Ուիլյամսի հետ: 2017 թվականի սեպտեմբերի 1-ին ծնվել էր նրանց դուստրը՝ Օլիմպիա Օհանյանը: Օհանյանն ու Ուիլյամսը պաշտոնապես ամուսնացան 2017 թվականի նոյեմբերի 16-ին։

172
թեգերը:
Կին, Ալեքսիս Օհանյան, Հայաստան
Ըստ թեմայի
«Լավ է լինել տանը». ամերիկահայ միլիոնատեր Օհանյանը հայերեն մի քանի բառ արդեն գիտի
Թանկյանը և Օհանյանը հայտարարել են «համահայկական թվային պլատֆորմ» ստեղծելու մասին
«Իսկ ո՞ւր է Քարդաշյանը». Ալեքսիս Օհանյանն ընթրել է հայ գործարար կանանց հետ
Ալեքսիս Օհանյանը ժամանեց Հայաստան. լուսանկարներ և տեսանյութ
Աննա Հակոբյանը դուստրերի հետ

Ուրախ առիթով հյուր էինք. Աննա Հակոբյանը լուսանկարներ է հրապարակել «Շիշ բռնողի» հարսանիքից

362
(Թարմացված է 23:18 25.07.2021)
Աննա Հակոբյանի հետ լուսանկարներում դուստրերից երկուսն են։ Ընտանիքի մյուս անդամները չեն երևում։

ԵՐԵՎԱՆ, 25 հուլիսի – Sputnik. ՀՀ վարչապետի ժամանակավոր պաշտոնակատար Նիկոլ Փաշինյանի տիկին Աննա Հակոբյանը Facebook–ի էջում տոնական լուսանկարներ է հրապարակել դուստրերից երկուսի հետ: 

«Երկար ամիսներ անց առաջին անգամ ուրախ առիթով հյուր էինք»,–լուսանկարին կից գրել է Հակոբյանը։

Ամենայն հավանականությամբ`Աննա Հակոբյանը և դուստրերը մասնակցել են իմքայլական պատգամավոր Հայկ Սարգսյանի («Շիշ բռնողի») հարսանյաց հանդեսին:

Հարսանիքի քավորը, ըստ շրջանառվող լուրերի, եղել է Նիկոլ Փաշինյանը:

Հիշեցնենք` ԱԺ «Իմ քայլը» խմբակցության պատգամավոր, «Շիշ բռնող» մականունն ունեցող Հայկ Սարգսյանը երեկ ամուսնացել է։ Նրա հարսնացուն գործարար Հայրապետյան եղբայրներից մեկի թոռնուհին է՝ Օլյա Հայրապետյանը: Հարսանիքը տեղի է ունեցել Երևանի «Դվին» ռեստորանային համալիրում։

«Բա ես պետք է ճոխ անեմ, հո դո՞ւ չէիր անելու». Ծառուկյանը` որդու հարսանիքի մասին

362
թեգերը:
Հայկ Սարգսյան, հարսանիք, Լուսանկար, Աննա Հակոբյան
Ըստ թեմայի
«Հեռախոսը վերցրել եմ և ջնջել հոլովակը». Հայկ Սարգսյանը խոսել է աղմկահարույց միջադեպի մասին
Ո՞վ է Հայկ Սարգսյանի նշանածը․ մանրամասներ
Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով
Արխիվային լուսանկար

COVID-ը բացասաբար է ազդում ինտելեկտի վրա․ հետազոտություն

24
(Թարմացված է 22:52 25.07.2021)
Վարակից հետո վերջնականապես վերականգնվելու գործընթացը կարող է ամիսներ տևել։

ԵՐԵՎԱՆ, 25 հուլիսի – Sputnik․ COVID-19–ը հաղթահարած մարդկանց մոտ կարող է նկատվել ինտելեկտի մակարդակի զգալի նվազում։ Նման եզրակացության են հանգել բրիտանացի գիտնականները, որոնք զբաղվում են մարդկանց ճանաչողական ունակությունների վրա կորոնավիրուսի ազդեցության ուսումնասիրությամբ: Նրանց հետազոտությունը հրապարակվել է The Lancet պարբերականում։

Ընդհանուր առմամբ` փորձարկումներին մասնակցել է ավելի քան 80 հազար մարդ, որոնցից 12 հազարը COVID են տարել: Ինչպես ցույց են տվել հետազոտության արդյունքները, արհեստական շնչառական սարքերին միացված հիվանդների մոտ հետագայում նկատվել է ճանաչողական ունակությունների նվազում:

Մասնագետների խոսքով ՝ ճանաչողական ֆունկցիաները կարող են վերականգնվել ամիսներով։

Պետք է պատվաստվել մինչև համավարակի նոր ալիքի ուժգնացումը. կորոնավիրուսի թվերն աճում են

24
թեգերը:
բժիշկ, հիվանդ, համավարակ, կորոնավիրուս
թեմա:
Կորոնավիրուսը աշխարհում
Ըստ թեմայի
Ինչ պետք է իմանալ «Դելտա» մանրէահիմքի մասին, և երբ Հայաստանը կբախվի COVID-19–ի 4-րդ ալիքին
«Մենք դեֆեկտներ ունենք». ինչու մարդիկ չեն պատվաստում Covid-19-ի դեմ. հարցախույզ Երևանում
Գիտնականն ասել է, թե որքան ժամանակ կպահանջվի COVID-ի առաջացման բնույթը պարզելու համար