«Հպարտ եմ և շնորհակալ». դեսպան Լաքոտը Էջմիածնի բարեկամ դարձավ
(Թարմացված է 19:01 08.10.2019)
ՀՀ-ում Ֆրանսիայի արտակարգ և լիազոր դեսպանը Ջոնաթան Լաքոտը Էջմիածնի քաղաքապետին շնորհակալություն հայտնեց ջերմ վերաբերմունքի համար և հայերեն ասաց «հարգելի, տիկին քաղաքապետ» արտահայտությունը։ԵՐԵՎԱՆ, 8 հոկտեմբերի – Sputnik. Այսօր Էջմիածնի 2704-ամյակի կապակցությամբ կազմակերպված հանդիսավոր նիստի ժամանակ Էջմիածնի քաղաքապետ Դիանա Գասպարյանը ՀՀ-ում Ֆրանսիայի արտակարգ և լիազոր դեսպան Ջոնաթան Լաքոտին շնորհեց Էջմիածին քաղաքի բարեկամի կոչում և շնորհակալություն հայտնեց հայ-ֆրանսիական բարեկամության համար։
«Մեր քաղաքն ունի գեղեցիկ ավանդույթներ, որոնցից մեկը քաղաքի տոնը ավագանու հանդիսավոր նիստով սկսելն է, որի ընթացքում մենք շնորհում ենք ավանդույթ դարձած «Քաղաքի բարեկամ» և «Պատվավոր քաղաքացի» կոչումները»,- ասաց քաղաքապետը և «Էջմիածնի բարեկամ» կրծքանշանը շնորհեց Լաքոտին։
©
Sputnik / Asthik Sukiasyan
Դիանա Գասպարյան
Գասպարյանի խոսքով՝ կարճ ժամանակահատվածում Էջմիածնի և Ֆրանսիայի միջև համագործակցությունը բոլորովին այլ մակարդակ է տեղափոխվել։
©
Sputnik / Asthik Sukiasyan
«Հենց քաղաքի տոնին մենք մեր քաղաքացիների համար ունենք գեղեցիկ նվեր։ Հոկտեմբերի 9-ից կշահագործվի քաղաքային նոր տրանսպորտի ցանցը, որի նմանը մենք երբևէ չենք ունեցել»,-ասաց քաղաքապետը և հավելեց, որ եթե չլիներ Լաքոտի նվիրումը, գուցե տրանսպորտային խնդիրների լուծման հետ կապված իրենց երազանքն անկատար մնար։
«Սիրում եմ Երևանը, որն արդեն չկա՝ Հին Բաղնիքի մոտի փողոցները». Պիոտրովսկի
ՀՀ-ում Ֆրանսիայի արտակարգ և լիազոր դեսպանը շնորհակալություն հայտնեց ջերմ վերաբերմունքի համար և Դիանա Գասպարյանի դիմելիս հայերեն ասաց «հարգելի տիկին տիկին քաղաքապետ» արտահայտությունը։
«Հպարտ եմ, որ Ֆրանսիան Էջմիածնի կողքին է, նրա գործընկերը»,-ասաց դեսպանը և ընդգծեց, որ քաղաքապետը մեծ ներդրում ունի այսօրվա ջերմ հարաբերությունների հաստատման մեջ, և նրա շնորհիվ է նաև, որ Էջմիածինը նոր ավտոբուսներ ունի (այս տարվա հունիսին Էջմիածինն ավտոբուսներ նվեր ստացավ Ֆրանսիայի Նիցցա քաղաքից)։
Նշենք, որ Էջմիածնի օրվան նվիրված տոնական միջոցառումների ծրագիրը մեկնարկել էր Էջմիածնի հիմնադրմանը նվիրված հանդիսավոր նիստով, որը տեղի ունեցավ քաղաքի Կոմիտասի անվան մշակույթի պալատում: Նիստի ավարտից հետո հյուրերը շրջեցին Էջմիածնում, և շարունակեցին մասնակցել տոնական միջոցառումներին։
Գյումրու պատվավոր քաղաքացիների թիվն ավելացավ 2-ով. Կոմանդոսի ու Մլքեյանի խոստովանությունը
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։