Հայկ Մարության

Քաղաքապետարանը չի վախենում արբիտրաժային դատարանից. Մարությանը պատրաստ է դրան

45
(Թարմացված է 16:37 08.10.2019)
Հայկ Մարությանը համարում է, որ աղբի ճգնաժամը հաղթահարված է, բայց «շատ ավելի լավ է լինելու»։ Նա մտադիր է հերթով լուծել քաղաքի խնդիրները։

ԵՐԵՎԱՆ, 8 հոկտեմբերի – Sputnik. Եթե «Սանիթեքը» որոշի դիմել արբիտրաժային դատարան, ապա Երևանի քաղաքապետարանը պատրաստ է դրան։ Այսօր լրագրողների հետ զրույցում այս մասին ասաց Երևանի քաղաքապետ Հայկ Մարությանը։

«Մենք շատ հանգիստ, առանց շտապելու, ուսումնասիրելով բոլոր փաստերը և խնդիրները՝ պատրաստվել ենք այս ամեն ինչին, այնպես որ մենք արբիտրաժի հետ կապված որևէ մտավախություն չունենք»,– ասաց նա։

Մարությանի խոսքով` արդեն տեսանելի է այն հիմնարկության աշխատանքի արդյունքը, որը ստեղծել է Երևանի քաղաքապետարանը։

«Այս պահին փոփոխված է 4000 աղբաման, իսկ նախատեսվում է փոփոխել 9000-ը, այս պահին աշխատում է 34 մեքենա, նախատեսվում է, որ պետք է աշխատեն 54-ը: Դրական դինամիկան գնալով շատանալու է, և մի քանի ամիս անց արդյունքներն էլ ավելի տեսանելի կլինեն: Այս պահին աղբահանությունը գնահատում եմ դրական, բայց ոչ վերջնական»,- ասաց նա:

Մարությանի խոսքով` քաղաքապետարանն ավելի ակտիվ է զբաղվելու սանմաքրման աշխատանքներով. արդեն հավաքագրում են մարդկանց, և այդ հացում ևս շուտով դրական դինամիկա կլինի։

Հիշեցնենք` հոկտեմբերի 3-ին հայտնի դարձավ, որ Երևանի քաղաքապետ Հայկ Մարությանն ամբողջությամբ, միակողմանի կերպով լուծել է «Սանիթեք» ընկերությունների հետ կնքված պայմանագրերը։

Կվճարի՞ «Սանիթեքն» աշխատակիցների գումարները. քաղաքապետարանը գումար փոխանցեց ընկերությանը

45
թեգերը:
Հայկ Մարության, աղբ, Հայաստան
Ըստ թեմայի
Փաշինյանն այլևս չի փրկի, կամ ինչպես ստիպել հայ վարորդներին հետևել երթևեկության կանոններին
Երևանի շենքերի պատշգամբներն ու տանիքները «պարապ» չեն մնա. ինչ է նախաձեռնել քաղաքապետարանը