Ռոբերտ Քոչարյան

Ռոբերտ Քոչարյանին կրկին տեղափոխել են «Իզմիրլյան» ԲԿ

87
(Թարմացված է 11:35 08.10.2019)
Վիկտոր Սողոմոնյանը հայտնեց, որ Քոչարյանին դեռ չեն վիրահատում. ևս մեկ անգամ բուժզննում անցնելու անհրաժեշտություն կա։

ԵՐԵՎԱՆ, 8 հոկտեմբերի – Sputnik. ՀՀ երկրորդ նախագահ Ռոբերտ Քոչարյանին տեղափոխել են «Իզմիրլյան» ԲԿ։ Այս մասին Sputnik Արմենիայի թղթակցին ասացին Արդարադատության նախարարության քրեակատարողական ծառայության մամուլի ծառայությունից։

Կալանքի տակ գտնվող Քոչարյանն արդեն երկու անգամ բուզննում է անցել «Իզմիրլյան» ԲԿ–ում։ Ավելի վաղ լուրեր էին տարածվել, որ երկրորդ նախագահին պետք է վիրահատեն։

«Ռոբերտ Քոչարյանին դեռ չեն վիրահատել. նա պետք է ևս մեկ բուժզննում անցնի», – Sputnik  Արմենիային ասաց երկրորդ նախագահի գրասենյակի ղեկավար Վիկտոր Սողոմոնյանը։

Ավելի վաղ Սողոմոնյանը հայտնել էր, որ Քոչարյանը առողջական լուրջ խնդիրներ չունի, և հաշված օրեր անց նրա առողջական վիճակն ամբողջությամբ կկարգավորվի։

Երևանի Ընդհանուր իրավասության դատարանը սեպտեմբերի 20-ին դատավոր Աննա Դանիբեկյանի նախագահությամբ որոշում կայացրեց գրավի դիմաց Քոչարյանին ազատելու` նրա պաշտպանների միջնորդությունը մերժելու մասին։ Դրանից անմիջապես հետո նախկին նախագահի փաստաբանները որոշեցին միջնորդություն ներկայացնել դատավորի ինքնաբացարկի մասին։

Դատավորն այդ դիմումը նույնպես մերժեց։

«Եթե փախնող լինեի, այսօր Ստեփանակերտում ադրբեջանցիք թեյ խմելիս կլինեին». Քոչարյան

2018 թվականի հուլիսի 26-ին Մարտի 1-ի գործով Հատուկ քննչական ծառայությունում քննվող քրեական գործով Հայաստանի երկրորդ նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

87
թեգերը:
Քրեակատարողական հիմնարկ (ՔԿՀ), Վիկտոր Սողոմոնյան, վիրահատություն, հիվանդանոց, Ռոբերտ Քոչարյան
Ըստ թեմայի
Ռոբերտ Քոչարյանը վերադարձել է քրեակատարողական հիմնարկ
Ռոբերտ Քոչարյանի փաստաբաններն ինքնաբացարկի միջնորդություն կներկայացնեն Աննա Դանիբեկյանին
Ռոբերտ Քոչարյանի և մյուսների գործով դատավորը մերժեց ինքնաբացարկի միջնորդությունը