Քիմ Քարդաշյան

Քարդաշյանը քրոջ և որդու հետ ճաշել է երևանյան ռեստորաններից մեկում. հաշիվը դեռ փակված չէ

1813
(Թարմացված է 20:24 07.10.2019)
Երևանում գտնվող Քիմ Քարդաշյանը, քույրն ու որդին այցելել են ռեստորան, որտեղ Քիմը եղել էր նաև հայաստանյան առաջին այցի ժամանակ։

ԵՐԵՎԱՆ, 7 հոկտեմբերի – Sputnik. Տոլմա, հայկական խոհանոցի այլ համեղ ուտեստներ, աղցան, աղանդեր. ամերիկյան ամենահայտնի ռեալիթի շոուի աստղ Քիմ Քարդաշյանը, քույրը` Քորթնին, և որդին` Սեյնթը, այսօր ճաշել են «Դոլմամա» ռեստորանում:

Ким Кардашян — американская звезда реалити-шоу, актриса, фотомодель (7 октября 2019) Еревaн
© Sputnik / Asatur Yesayants.
Քիմ Քարդաշյան

Ռեստորանի մենեջերը Sputnik Արմենիային հայտնեց, որ ճաշի հաշիվը դեռ փակված չէ, ամբողջ օրն ակտիվ աշխատանքային եռուզեռի մեջ են եղել, այս պահին էլ աստղին և նրա ընտանիքին սպասարկած մատուցողներն աշխատանքի են, այնպես որ պատվիրված բոլոր ուտեստները նշել դեռ չի կարող, չի հասցրել ծանոթանալ պատվերին ամբողջապես:

Ким Кардашян — американская звезда реалити-шоу, актриса, фотомодель (7 октября 2019) Еревaн
© Sputnik / Asatur Yesayants.
Քիմ Քարդաշյան

Հավանաբար, Քիմին այս ռեստորանի ճաշացանկը դուր է գալիս, որովհետև նա առաջին անգամ չէր այստեղ:

Ким Кардашян — американская звезда реалити-шоу, актриса, фотомодель (7 октября 2019) Еревaн
© Sputnik / Asatur Yesayants.
Քիմ Քարդաշյան

2015 թվականին` հայաստանյան առաջին այցի ընթացքում, Քարդաշյանն ու քույրը` Քլոեն, կրկին ճաշել էին այս ռեստորանում:

Հիշեցնենք, որ Քիմը Հայաստան է ժամանել երեկ գիշեր։ Նրա երևանյան այցելության գլխավոր նպատակը Տեղեկատվական տեխնոլոգիաների համաշխարհային 23-րդ համաժողովին՝ WCIT 2019-ին մասնակցելն է: Նա «Գաղափարների շուկա» լիագումար նիստում հանդես է գալու դասախոսությամբ «Ժամանակակից տեխնոլոգիաների ազդեցությունը ԶԼՄ-ների, լրագրության և արվեստի վրա» թեմայով:

«Հուզմունքից չեմ կարողանում քնել». Քիմ Քարդաշյանի հայաստանյան առաջին գրառումը

Բայց սա ամենը չէ: Սպասվում է, որ հաջողակ գործարար Քիմն անձամբ ուսումնասիրելու է հայաստանյան ներքնազգեստի շուկան: Քիմ Քարդաշյան-Ուեսթը մտադիր է Հայաստանում ներքնազգեստի արտադրություն հիմնել: Այս մասին նա անձամբ տեղեկացրել էր Twitter-ի իր էջում:

Այնպես որ, այցի շրջանակում Քարդաշյանն իր թիմի հետ ծրագրում է այցելել հայկական մի քանի արտադրամասեր:

Քարդաշյանն արդեն հասցրել է լինել Էջմիածնում։

1813
թեգերը:
Ռեստորան, Քիմ Քարդաշյան, Հայաստան
թեմա:
Ամերիկահայ հեռուստաաստղ Քիմ Քարդաշյան (169)
Ըստ թեմայի
Քիմ Քարդաշյանն ուզում է Հայոց ցեղասպանության ճանաչումն իր առաքելությունը դարձնել
Քիմ Քարդաշյանը կոտրում է հայրիշխանական արաբական աշխարհի կարծրատիպերը․ Vogue-ի ցնցող լուսանկարները
«Մերն ես». Քիմ Քարդաշյանը խմբագրել է լուսանկարը` գովազդելով հայկական հավելվածը