Քիմ Քարդաշյան

Քիմ Քարդաշյանը դուրս եկավ հյուրանոցից ու «անհետացավ». Աբովյանում ասեղ գցելու տեղ չկար

576
(Թարմացված է 17:14 07.10.2019)
Ամերիկահայ հեռուստաաստղը հայտնվեց քրոջ հետ, ողջունեց հյուրանոցի մոտ հավաքված երկրպագուներին ու հեռացավ։

ԵՐԵՎԱՆ, 7 հոկտեմբերի – Sputnik. Ամերիկյան ամենահայտնի ռեալիթի շոուի աստղ Քիմ Քարդաշյանն ու քույրը` Քորթնի Քարդաշյանը, քիչ առաջ դուրս եկան հյուրանոցից, որի դիմաց երկրպագուների հոծ բազմություն էր հավաքվել։

Նրանք ողջունեցին հավաքվածներին, լուսանկարվեցին, նստեցին մեքենան ու հեռացան անհայտ ուղղությամբ։

Ким Кардашян — американская звезда реалити-шоу, актриса, фотомодель (7 октября 2019) Еревaн
© Sputnik / Asatur Yesayants.
Քիմ Քարդաշյանը Երևանում

Նշենք, որ տևական ժամանակ Աբովյան փողոցում խցանում էր, ինչ–որ պահի փողոցի այն հատվածում, որտեղ գտնվում է հյուրանոցը, ասեղ գցելու տեղ չկար։

Ким Кардашян и Кортни Кардашян (7 октября 2019) Еревaн
© Sputnik / Asatur Yesayants.
Քարդաշյանն ու քույրը

Հիշեցնենք, որ Քիմը Հայաստան է ժամանել երեկ գիշեր։ Նրա երևանյան այցելության գլխավոր նպատակը Տեղեկատվական տեխնոլոգիաների համաշխարհային 23-րդ համաժողովին՝ WCIT 2019-ին մասնակցելն է: Նա «Գաղափարների շուկա» լիագումար նիստում հանդես է գալու դասախոսությամբ «Ժամանակակից տեխնոլոգիաների ազդեցությունը ԶԼՄ-ների, լրագրության և արվեստի վրա» թեմայով:

«Հուզմունքից չեմ կարողանում քնել». Քիմ Քարդաշյանի հայաստանյան առաջին գրառումը

Բայց սա ամենը չէ: Սպասվում է, որ հաջողակ գործարար Քիմն անձամբ ուսումնասիրելու է հայաստանյան ներքնազգեստի շուկան: Քիմ Քարդաշյան-Ուեսթը մտադիր է Հայաստանում ներքնազգեստի արտադրություն հիմնել: Այս մասին նա անձամբ տեղեկացրել էր Twitter-ի իր էջում:

Այնպես որ, այցի շրջանակում Քարդաշյանն իր թիմի հետ ծրագրում է այցելել հայկական մի քանի արտադրամասեր:

Քարդաշյանն արդեն հասցրել է լինել Էջմիածնում։

576
թեմա:
Ամերիկահայ հեռուստաաստղ Քիմ Քարդաշյան (172)
Ըստ թեմայի
Քիմ Քարդաշյանն ուզում է Հայոց ցեղասպանության ճանաչումն իր առաքելությունը դարձնել
«Հայաստանը կարող ենք դարձնել դրախտ տաղանդավոր մարդկանց համար». Փաշինյան